الموضوع: ممكن تساعدونى فى الاختيار

المشاركة الأصلية كتبت بواسطة rerii

انا معايا لانسر كريستالة 99 وشكلى كده هبيعها وهزود على تمنها شوية ان شاء الله وعاوزة اجيب حاجة فى الخمسينات
فيه ناس اقترحوا عليا بروتون جين 2 موديل 2006 وبيشكروا فيها جدا وناس قالولى النترا 2004 بصراحة الجين 2 شكلها عاجبنى الالنترا مش عاجبنى شكلها اوى
فياريت تقولولى مزايا وعيوب الاتنين وايهما افضل وياترى فيه اختيارات تانية احسن مع العلم ان الميزانية حوالى 55 الف

وميرسى ليكوا اوى

أولا اختيار سليم انك نبيع كريستالة دلوقتي.. لأن الموديلات الجديدة أسعارها بتنزل وجيل اللانوس والكريستالة والفيرنا والحاجات دي كلها حاتقع وقعة وحشة.. أقلها اللانوس 2008 اللي كانت بتتباع ب60 ألف وانت حاطط رجل علي رجل من 3 شهور بالظبط دلوقتي ماحدش عاوز يدفع فيها فوق ال 54 أو 55 . المهم الخطوة اللي جاية وانا محتاس زيك كدة بالظبط.

للأسف مش حارشحلك حاجة معينة لأن انا أساسا لسة مش راسي علي حاجة.. بس علي الأقل حانصح.. ابعد عن الجين 2. توكيل مزبلة واسعار قطع غيار لو قلتلك في السما يبقي كدة باقلل منها. بجد التوكيل هناك يحسسك انك شاري باسات مش عربية ماليزي!! ياريت مايغركش الشكل الخارجي أو حتي التابلوه..

بالنسبة للالنترا بصراحة عمري ما اهتميت بيها فا ماقدرش أفيدك.. كل اللي أقدر أقوله ان منظر التابلوه من جوة أشبه بعربيات التسعينات (شبه النوبيرا والكريستالة كدة) ودا قافلني منها.

بالنسبة للي أرشحه شوفلك كورسا سيدان يا كليو 2008 الاتنين أنضف من بعض وعيوبهم مش كتير.

المشاركة الأصلية كتبت بواسطة crayvor

أولا اختيار سليم انك نبيع كريستالة دلوقتي.. لأن الموديلات الجديدة أسعارها بتنزل وجيل اللانوس والكريستالة والفيرنا والحاجات دي كلها حاتقع وقعة وحشة.. أقلها اللانوس 2008 اللي كانت بتتباع ب60 ألف وانت حاطط رجل علي رجل من 3 شهور بالظبط دلوقتي ماحدش عاوز يدفع فيها فوق ال 54 أو 55 . المهم الخطوة اللي جاية وانا محتاس زيك كدة بالظبط.

حضرتك اللانوس سعرها قل لاسباب
منها انها كورى وان شيفروليه اشتريت الماركة :: ولا اية ؟؟

انما الكريستاله يبانى وسعرها ثابت من فتره
=======================
انا بفكر اشترى كريستالة

اشترى ولا لا؟؟؟
:(

المشاركة الأصلية كتبت بواسطة dr_hady4447

حضرتك اللانوس سعرها قل لاسباب
منها انها كورى وان شيفروليه اشتريت الماركة :: ولا اية ؟؟

انما الكريستاله يبانى وسعرها ثابت من فتره
=======================
انا بفكر اشترى كريستالة

اشترى ولا لا؟؟؟
:(

الكوري في السوق المصرية سعره أثبت من الياباني اللي برضه ماسك نفسه شوية عن الأوروبي.
لأن ببساطة 90% من المستهلكين ف السوق المصري مالهمش في حكاية الاوروبي يعيش مش عارف أد اييه والكوري مش عارف ماله ووجع الدماغ ده.. كل اللي يعرفه العربية الصيني يع ابعد عنها وبعد كدة دور علي حاجة علي اربع عجلات وقطع غيارها رخيصة.. دا جاري بيتاجر في العربيا باسأله أجيب ايه أحسن قاللي "الأفيو ماشاء الله حاجة لا يعلي عليها!!!" تخيل عربية ولا فيها اي بي اس ولا أي نوع من أنواع الأمان وفراملها زي فرامل العجلة الهوائية وكمالياتها تكييف وكاست ومرايات كهربا!! حتي الشنطة بتتفتح واير مش كهربا وبيقولك لا يعلي عليها!!

سيبك بقي من كل دا. شوف اسعار الكريستالة من سنة ولا سنة ونص.. كان اللي يقول كريستالة ب 50 ألف يقولك دي أكيد فيها حاجة غلط.. دلوقتي الناس بتدلل علي ال 50 ألف دي ف كريستالة حالة شاذة. لازم تقتنع ان حتي الكريستالة لو حالة شاذة فا دي موديل 97 ل 2000 استحالة تقارنها مثلا باللوجان مو 2008 ولا 2009 واللوجان كمان فيها كماليات أكتر وأعلي في الموديل ب 10 سنين. نفس الكلام اللانوس.. موضوع الشيفروليه والدايو دا مافيهوش أي مشاكل أو شوشرة بل بالعكس الناس فرحت ان شيفوليه بجلالة قدرها هي اللي بتنتج اللانوس (كلام ف الهوا طبعا) وعلي الأقل شوف فيه كام عربية شيفروليه لانوس في الشارع. واللانوس لغاية دلوقتي فيه منها مو 2012 لييه ماحدش بقي يشتريها.. لأن الناس أخيرا بدأت تفهم ان فيه جيل جديد من العربيات بعيد عن تكنولوبيا التسعينات اللي لسة بيحاولو يروجوها هنا.. خلاص الكريستالة والتويوتا الملكة والعيون واللانوس والفيرنا والحاجات دي كلها تروح فيين جنب اللوجان والبونتو والمكواة ونيو أكسنت والالنترا 2004 وغيرهم كتير من العربيات اللي أعلي منهم في الكماليات والتكنولوجيا وتقريبا كل حاجة وبقي خلاص في رانج الخمسينات. قوللي انت ايه اللي يخليك تسيب كورسا سيدان 2005 ولا لوجان 2008 ولا بونتو كلاسيك وتروح للكريستالة (الا لو ناوي تسقط موتور طبعا)؟

فى نقطتين مش فى صالح الجين 2 :

1 . أستهلاك البنزين عالى شوية.
2. قطع الغيار غالية ومش متوفرة زى العربيات الكورى .

جربى تدخلى على قسم الشكاوى فى قسم بروتون وأنتى تلاقى العجب .

المشاركة الأصلية كتبت بواسطة rerii

ميرسى ليكو بس انا مستغربة ليه كل الناس شكرتلى فيها رغم العيوب اللى ذكرتوها

عشان فيه فرق كبير بين السؤالين دول:
-العربية دي حلوة ولا لأ؟
-أشتري العربية دي ولا لأ؟
يعني مثلا لو حد سألني السيتروين c4 حلوة ولا لأ أقول له استاذة.. لو حد قاللي أشتريها ولا لأ حاقول له حمادة بالجبنة.. أشتري ازاي عربية ب 50 ألف وعلبة الدركسيون بتاعتها لوحدها ب 18 ألف!!! العربية مابتتحددش بالكفائة بس.. فترة نص العمر وقطع الغيار واعادة البيع وكفائة التوكيل ومناسبة العربية للشوارع في مصر كل دي حاجات بتحدد العربية دي حاتنفعني لما اشتريها ولا لأ؟ الجين 2 فيها كام عيب في النقط دي:
1- قطع الغيار في التوكيل مولعة بطريقة غريبة.. ومش متوافرة بالشكل الكافي في السوق برة.. حتلاقي في منتدي البروتون موضوع عن قطع الغيار اللي تتوفق ع البروتون من عربيات تانية لمجرد بس انهم يبعدو عن التعامل مع قطع الغيار الأصلية.
2- اعادة البيع: مراجعة سريعة لسعر العربية مستعمل حالة فوق الممتازة مع سعرها جديدة كفاية انه يبين ان السعر بيقع جامد.. غير ان العربية تقيلة ف البيع.
3- كفائة التوكيل: عز العرب بينافس بحمد الله علي المركز الأول بجدارة لأسوأ التوكيلات في مصر.. تخيلي -بعيدا حتي عن العربيات- الموقع بتاعه بتاع بروتون فيه تروجان في الصفحة الرئيسية!! وجربي بنفسك وشوفي الفاير وول حايديكي اييه!! فاشل حتي انه يعمل موقع!!

طبعا مش حاتكلم عن عيوب العربية لأن مافيش عربية خالية من العيوب.. بس فيه عوامل كتير متصلة بالعربية تقفل الواحد منها أساسا.