الموضوع: هو انا كدا صح ولا غلط فى تعاملى مع مستاجر الشقه

المشاركة الأصلية كتبت بواسطة eng_hatemfathy

انا رأيي الشخصى انه فى فارق بين رد الرساله كنوع من عدم التعالى او الكبر وبرد شيك يحافظ على الحاجز النفسى وفى نفس الوقت لا يوحى بالتكبر
واكيد رسالة العيد لا ترفع الكلفه يعنى مثلا انا ممكن ابعت رساله لجراح عمل جراحه لوالدتى فهل معنى ده انى فى الزياره لن ادفع كشف -اكيد لأ هناك فارق بين التجاهل لهذه الاجتماعيات والتى غالبا يمكن ان تفهم انها نوع من الكبر وبين الحفاظ على الكلفه بينك وبينهم والله اعلم
وبعدين موضوع اداء الحقوق اصبح نوع من انواع الذل يعنى حضرتك والاخت نور بتتكلموا عن ايجار يعنى تجاره قابله للربح والخسارة ما بالك لما يكون واحد عليه دين وانت فكيت كربته طمعا فيما عند الله وبناء عن وعد انه هيرجع الدين بعد شهر او اتنين وتلاقى نفسك بتشحت منه سنتين وتلاته واربعه ودفعت من جيبك اتصالات وبنزين ووسايط وبرده انت غلطان علشان بتطلب حقك وتلاقى المدين بيكدب ويوعد ويخلف شهور وسنين وتبقى غلطان وراكبك الغلط انك بترفع صوتك او بتهدده بوصل امانه مثلا ويقلك محدش ضربك على ايدك وقالك ادينى بالعافيه -اعملك ايه الظروف كده -ادعى ربنا يسهلك ويسهلنا وغيره من البجاحه لدرجه ان واحد مش عايز يرد على وبعدين بعتله رساله يقوم يرد يقولى انا مش عايز ارد علشان كلامك بينرفزنى ويخلينى اغلط وبعدين ارجع اعتذر ويرد يقولى الواحد يصحى الصبح يقول صباح الخير مش يبعت رساله يهدد فيها ويتخانق
طب ده تقولوا عليه ايه
والادهى لما تستلف علشان تنقذ ناس ويبقى عليك مسؤلية انك تسد دينك والناس مستهبله فيها ومطنشه وبتقولك انت عملت خير اتحمله
للاسف تصرفات بتخلى الواحد مش عارف يشترى من حد ولا يبيع لحد ولا يسلف حد ولا يؤجر لحد ويحضرنى مقولة عبد الله بن عمر فى زمانه -كنت اتاجر مع فلان وفلان وفلان اما اليوم فلا اجد الا فلانا وفلان -يعنى ملقاش غير اتنين بس صالحين للتعامل فما بالنا اليوم-ربنا يعافينا ولا يبتلينا

انت كلامك صح جداااا بس فى حاله انك بتتعامل مع نفس المستوى الاجتماعى والفكرى حضرتك قلت لو بعد رساله للدكتور ال بتتعامل معاه والدكتور دا فى نفس المستوى الفكرى والاجتماعى فى اختلاف كبير جداااااااااااااااااا حضرتك بين النوعين من البشر


الواحد بيعامل الناس باسلوبهم علشان يعرف يتعامل معاهم صح