الموضوع: ما انا لو مش انا الي سايق كنت اتجننت :@

السلام عليكم ازيكم يا جماعه طبعا باين من عنوان الموضوع ان انا متضايق تعالوا اقولوكوا متضايق لييه الحكايه كلها اني ربنا كرمني و معايا مرسيدس أس 500 موديل 2010 .. طبعا انا زي اي شاب في بلدنا بحب اشد و اعمل غرز و خلافه .. مش هكدب عليكوا العربيه مساعداني جدا بالرغم اني بخاف عليها اوي بس ساعه لما الواحد بيتهور مبيعرفش مرسيدس من 128 ... حكايتي و انا راجع من شغلي في العبور و انا معدي من طريق المطار قابلني واحد بعربيه نيسان صني زيتي مظبطها تزبيط سيمبل ب اسبينرز و كوتشات عريضه و العربيه كلها كربون ورا و قدام و مركب استيكرز و حجات كده شغل علي خفيف طبعا كل ده ولا ياكل مع عربيتي المهم انوا كان بياخد غرز مش عايز قاقولكوا كأنوا بيلعب لعبه عربيات بصراحه عشان مكدبش كان فنان بجد الي شدني انو خد غرزه من جنبي ل اودامي يا جدعان مفرملش ولا اي حاجه و المسافه اصلا ماكنتش تعديه تقريبا مسك هاند بريك او عمل حاجه الله هو الاعلم .. طبعا المنظر اسفزني بسخريه لقيتو ماش بطئ في حته زحمه قولت افصل جنبوا عشان احسسوا انو ولا اي حاجه . جريت جنبوا و هو ماشي بطئ و انا سخن علي الاخر . لقيتو مدانيش اهتمام خالص و فجأه مره واحده لقيت صوت زي صوت التربو بالظبط طلع من عندو و قام واخد 3 غرز وري بعض بنفس الطريقه طبعا جريت وراه بس للاسف محصلتوش الواد ده اكيد بطل بول رن او اتو كروس . المهم دخلنا في الزحمه راح مفصل جنبي حسيت انو راكب جيب مش نيسان صني لا و كمان ايه موديل قديم 2001 مثلا المهم حلفت ل اشد معاه ووقف هو قبل كوبري ف استنيتو عند دخله مصر الجديده الي في صلاح سالم وقفت و شغلت الوايتنج و طلعنا الكوبري انا الاول و بعدين هو اول ما نزلنا لقيتوا اختفي .... بجد انا زعلان من عربيتي مش عارف هل العربيه بتاعتي وحشه ولا الواد ده عامل ايه في عربيتوا ولا هو الي مجننوووون ... انا من يومها و انا بجد مش طايق العربيه و مستني اشوفوا تاني و الله حلف ل اقلبوا يا اتعرف علييه ههههههههه لو حد شافوا علي طريق المطار ياخودلي حقي يا رجاله هههههههه .. علي فكره امبارح واحد صحبي ب جيتز اقفشوا و حب يشد معاه بس للاسف صحبي زحف و المارد الياباني طاااار :@ .. لو حد شد معاه ياريت يقولي هي عربيه نيسان صني زيتي عليها لوجو بتاع بوما و استيكر فضي و عجل سبينر و الازاز من ورا مخرم كده و عليه استيكر غريب ..
طولت عليكم بس بجد الواد ده جنني انا و اصحابي