يا جماعة محتاج مساعدة
حد نزل عربية من السعودية؟
تعبتوا في تنزيلها؟
و ايه هية الأوراق المطلوبة ؟
عرض للطباعة
يا جماعة محتاج مساعدة
حد نزل عربية من السعودية؟
تعبتوا في تنزيلها؟
و ايه هية الأوراق المطلوبة ؟
ممكن تشوف فى الموقع ده بتاع الجمارك
http://www.customs.gov.eg/index.html
منقول من الموقع اعلاه
-------------------
الإجراءات على سيارات الركوب
أولا - قواعد عامة :-
يفرج عن سيارات الركوب الواردة للاستعمال الشخصي لمصري أو أجنبي بالشروط التالية :-
أن يكون موديل السيارة هو نفس سنة الورود
إذا كانت مشتراه من المناطق الحرة يتعين أن تكون جديدة بنفس سنة الموديل
بالنسبة لرسائل السيارات التجارية يقدم المستند الإستيرادي
تتابع خطوات الإجراءات على السيارات في المجمع حسب النظام المعلن في المجمع
جميع الأوراق عند تسلمها يتم تمريرها بين العاملين دون تدخل صاحب الشأن
يخصص طاقم من العاملين بنفس تسلسل الإجراءات للرسائل التجارية لضمان انسياب إجراءات الأفراد
لا يقبل التخليص على السيارات إلا بمعرفتهم شخصيا أو بموجب توكيل موثق لقريب من الدرجة الثانية على الأكثر أو بمعرفة مستخلص حاصل على ترخيص قائم بمزاولة المهنة
في حالة فقد بطاقة إجراءات المعاينة أو تقدم صاحب الشأن بطلب المعاينة لوجود تلف ظاهر بالسيارة يفقدها كفاءة التشغيل تتخذ الإجراءات اللازمة لإعادة المعاينة و إثبات الإتلافات و يتم عرض المحضر على مدير عام الجمرك لاعتماد نسبة الخصم .
ثانيا المستندات المطلوبة بالنسبة لسيارات الركوب الملاكي :-
إقرار جمركي عن السيارات الواردة
إذن التسليم الملاحي
بطاقة تحقيق الشخصية و صورة منها للإطلاع و تعاد البطاقة.
ثالثا - المستندات المطلوبة بالنسبة لسيارات الركوب الأجرة :-
1. نفس المستندات السابقة بالإضافة إلى رخصة قيادة أجرة أو السجل التجاري بنشاط العمل في هذا المجال و صورة منه مع البطاقة الضريبية أو أن يكون لديه سيارة أجرة أخرى و تقدم رخصة تسييرها بالإضافة إلى البطاقة الضريبية
استاذ السويدي انا نزلت عربيتي من السعودية وجمركتها ولله الحمد الاوراق المطلوبة كالاتي:
1- برنت المرور من المرور اللي انت تابع ليه في السعودية
2- استمارة العربية السعودي
3- فاتورة العربية متصدقة من الغرفة التجارية والقنصلية المصرية والخارجية السعودية
4- جواز السفر
5- دفتر الترتبتك ده لو كنت منزلها تربتك الاول
لو عند حضرتك اي استفسار تاني انا في الخدمة
محمد مصطفى
أشكر الجميع على الرد
أستاذ محمد:1مااذا يكتب في برنت المرور و هل يجب تصديقه من القنصلية بالرياض (أنا عايش فى الرياض)؟ و هل من السهل الحصول عليه يعنى أروح المرور و أطلب أيه بالضبط؟
2. هل شهادة المنشأ ضرورية؟
3. هل تنصحني أنزلها تربتك و أدور على أرخص جمرك ؟
أسف جدا على الإطالة
و جزاكم الله كل خير
استاذ سويدي : بالنسبة لموضوع البرنت بيبقى مكتوب فيه اسم المالك ، تاريخ تسجيل العربية ، البيانات الاساسية للعربية رقم الموتور الشاسية والحاجات دي هوا سهل جدا انك تخده من اي مرور سواء مرور الناصرية او غيره بس في الغالب البرنت ده مش بيتختم فحاول تخليهم يختموه احسن، بالنسبة للجمرك انت ممكن تنزلها على طول وانا في واحد في السويس هوا اللي خلصلي عربيتي ممكن اكلمهولك يستناك يخلصلك العربية وانت زي الباشا رجل على رجل وبيجيب احسن سعر في الجمرك لانه عارف كل الناس هناك ولو في اي استسفار تاني انا في الخدمة
يا ريت برضه حضرتك تقولي العربية اللي انت عايز تنزلها ايه يمكن اقدر اقزلك هتدفع عليها كام بالظبط وفي شرط ضروري جدا انك تكون انت المالك الاول للعربية
أستاذ محمد
شاكر جدا ردك السرع
سيارتي دايهاتسو تريوس 7 راكب 2008 جميع الكماليات وأنا المالك الأول لها.
يا ريت إذا في الإمكان تعطيني رقم تليفون المخلص
و يا سلام لو تقول لي كام الجمرك بالتقريب
و يا سلام يا سلام لو تحكيلي عن رحلتك للسويس كانت عاملة إزاي؟
و لك جزيل الشكر
استاذ السويدي / انا هحاول اعرفلك الجمرك كام بالظبط وانا اساسا كنت داخل مصر عن طريق نوبيع بس جمركت من السويس هما بعتوا جابو الورق من نويبع وفعلا انا روحت ما عملتش اي حاجة غير اني قعدت في عربيتي لحد ما خلصو الورق كله وخلاص على كده لو حضرتك تحب قولي انت نازل امتى بالظبط مصر وانا هكلمك الولد يخلصلك كل حاجة بس انا ليا عندي استفسار لو تسمحلي ممكن تقولي حضرتك جبت العربية بكام لانها عاجباني وعايز اجيب واحده وايه المواصفات اللي فيها بالظبط وهل كويسه ولا لاء معلش واسف على ازعاجك
مفيش أي إزعاج دا أنا الي متقل عليك
أنا جبتها ب 62000 ريال بس هيا دلوقتي زادت ل 65000
مواصفاتها كالتالي
7 راكب
أندونيسي
جنوط 16
أوتوماتيك
radio CD
hard cover for spare wheels
1500 cc
NO ABS
2 air bags
تقريبا دا كل شئ
أنا الصراحة مش متأكد حنزلها أمتة
مش فاهم حكاية السويس و نويبع دي يعني حضرتك سيبت السيارة في نويبع و سافرت السويس تخلص من هناك؟
ممكن تحكيلي عن رحلتك لنويبع و تكاليف النقل و التخليص بالتقريب؟
و اسف مجددا على الإزعاج
مفيش ازعاج خالص وشكرا انك رديت على اسئلتي انا دخلت بالعربية مصر عن طريق نويبع وفضلت ماشي بيها جمرك نويبع لمدة 3 شهور وبعد كده لما قررت اجمركها عرفت المخلص ده روحتله السويس بيبعته واحد من جمرك السويس لجمرك نويبع يجيب ورق العربية الاساسي اللي بناءا عليه بيجمركو العربية وبعدين رحتله مره تانيه بباقي الورق اللي قولتلك عليه خد مني الورق ولف هوا على كل المكاتب وخلص كل حاجة وانا دفعت الفلوس واخدت العربية ورجعت القاهرة وبس ، عندي لحضرتك نصيحتين النصيحة الاولي لو انت هتنزل العربية نهائي ومقرر انك تجمركها يبقى تسقط نمرها في المرور هناك وتبعتها عن طريق السويس على طول سواء لو انت هتشحنها او لو انت هتيجي بيها بنفسك، ثاني نصيحة نزل العربية بعد شهر عشرة عشان تستفيد باول نسبة خصم وهيا 10% من قيمة الجمرك. ويا ريت هتقل عليك لو اعرف تمن العربية اللي معاك بس 5 راكب بس مش 7 ممكن؟ ولو عند حضرتك اي استفسار تاني قولي ويا ريت تقولي على تمن العربية لاني هاجي السعودية على اخر 6 وعايز اعرف اذا كنت هشتريها ولا لاء
بالنسبة لل 5 راكب سعرها بيبدأ من 50000 ريال لغاية 60000 لل full option و عبد الطيف جميل عامل عليها عرض حاليا LCD TV 32
مجانا .
أنا مش حنزلها إلا لما أنزل نهائي إن شاء الله بس مش فاهم موضوع تسقيط النمر دا ليه؟
هل تقصد حضرتك السويس أسرع و أحسن؟
Is it ok if i write in english
اكتب بالانجليزي لو تحب عادي مفيش مشكلة بالنسبة للسويس هوا الراجل المخلص اللي اعرفه بيخلص في السويس واجراءتهم في السويس اسهل، هتسقط نمر في الرياض عشان لو خرجت بالعربية من السعودية وهيا بنمر سعودي يبقى لازم ترجع النمر للسعودية
ok as i told you mr. mohamed the 5 passenger comes in 4 types
manual and 2X4 this is the cheapest about 50000 and no ABS and no Alloy wheels
automatic and 2X4 also no ABS and alloy wheels this is about 54000
then the 4X4 types are 55 to 60000
and they will give you a korean LCD TV 32
inshallah this week i will try to go to Naseria and finish the print you told me , i called the egyptian counsel in Jedah and they told me no need to stamp the print only the "fatoora"
please if you need any more informations let me know.
Thanks Mr. Sewedy for your information but i told you try to get it stamp as when i gave it to them without stamp they didnt accept it and after many trying to explain to him that Riyadh is not given any stamp he accept it, and if you need any more information please feel free to ask me any time and this is my mobile no if you need any urgent information 0020165560801
thanks a lot mr. mohamed for your help,
i will try to stamp it, i hope i can do it.
can you tell me how did you transfere the car to
Nowaiba3
did you travel with the car or just shiped it?
i was planing to travel from Deba To Hurghada so i cargo my car from Riyadh to Deba and i traveled by flight to Tabuk and then to Deba but because of the bad weather the port was closed so i drived my car to Aqaba in Jordan then to Nowab3
today i went to Al naseria but they told me they don't issue any print for any car!
and that the liscence it self shows the date i registered the car.
i will go to dallah and get that print, and let you know
fine all the best sir
أستاذ محمد
هو حضرتك عملت البرنت من مرور الناصرية؟ من قسم الحاسب الألي أو من أي قسم لأن الكل مصرين على الرفض
هسالك الوالد لانه هوا اللي عملهولي من السعودية وهرد على حضرتك
أبشرك أستاذ محمد لسة جاي من مرور الدرعية و أدوني البرنت
لكنهم لم يختموه و قالو أن ورق المرور لا يختم ولا يصدق
مبروك يا باشا ومش مشكلة الختم ان شاء الله محلولة
Mr mohamed
just wanted to thank you because of your help and informations
please let me know if you need anything from here , im always available for good peaple like you,
best regards
Dr. Tarek El Sewedy
u r must welcome Dr. Tarek it was my pleasure to give u the information which you need and if you need any more information in Egypt or Riyadh i am at your service my nick name in Riyadh was Omdat Elriyadh:smartass:
عندى سيارة انا مالكها الاول واريد ان انزلها برى وليس لدى رخصة مصرية وعندى رخصة سعودية فهل عدم وجود رخصة مصرية تسبب لى مشكلة ....شكرا
عندى سيارة انا مالكها الاول واريد ان انزلها برى وليس لدى رخصة مصرية وعندى رخصة سعودية فهل عدم وجود رخصة مصرية تسبب لى مشكلة ....شكرا
عزيزي
أنصحك بأنك تنزلها تربتيك وليس نهائي لأسباب كثير
- النهائي لازم تسقط العربية من المرور وتسلم النمر
ودة أجراءاته عادة طويلة ومزعجة
-النهائي لابد من أنك تستلم نمر تصدير ولك مدة محددة
عادة 3 أيام علشان تغادر البلاد بيها وتسل النمر بالمنفذ
- لايمكن عودة العربية مرة أخري لأي ظروف لأنها ستعتبر
أستيراد وتدخل في متاهات عجيبة
- لابد من جمركة العربية فور وصولها بمصر يعني
الفلوس تكون معاكاو تخزنها وتدفع ارضية لو حاتسيبها
كام يوم علشان تحضر نفسك وبعدين ترخص
اما التربتيك فبيديلك مزايا كتير
- تحتاج لشهادة من المرور مصدقة من الخارجية السعودية
والسفارة المصرية بأنك المالك الأول للعربية في سنة الشراء
- خلي معاك شهادة المنشأ لسبب واحد علشان حساب الجمارك
مايكونش علي ان العربية ياباني زي ماهما متعودين أنما اندونيسي
فالجمك أكيد راح يقل
- لو الجمرك او اي ظرف طارئ منعك من جمركة العربية
تقدر ترجع بيها تاني زي الباشا بدون ماحد يعترض
- تقدر تجمرك بعد كدة خلال 3 شهور يمكن يتمدوا الي 6
العربية بــــــــــــــــــــــــ ــــــــأي جمرك يعجبك حتي في القاهره
وعلي راحتك وبعدين ترخص من المرور اللي يعجبك برضة
بناء علي ورق الجمرك
-طريقة حساب الخصم علي الجمرك لنسبة 10% للسنة الأولي
بتتحسب علي تاريخ دخول العربية للميناء وليس تاريخ جمركة العربية
يعني تدخل الميناء في مصر بعد 1/10
لما تخلص الموال السابق دة بتروح فرع نادي السيارات اللي
انت طلعت منة التربتك وتاخد شهادة انك جمركت ورخصت العربية
ودي بترجع بيها السعودية لنادي السيارات يديلك علي اساسها
شهادة للمرور تسقط بيهم النمر وتسلمهم وخلاص
في كل ماسبق حافظ جدا علي اوراقك الأصلية اثناء تخليص
الأجراءات سواء نهائي او تربتك علشان الحاجات دي بتسبب
مآسي في الميناء لو ضاعت اي ورقة
علي فكرة انا نزلت سيارة اوبترا السنة اللي فاتت 2007
تربتك عن طريق نويبع وجمركت في ميناء الأسكندرية في
نهاية الأجازة ورخصت برضة في اسكندرية بدون اي سفر
او مشاوير
ملاحظة اخيرة ، لو تربتيك ماحدش يقدر يسوق العربية غيرك
في مصر والا غرامة كبيرة جدا عليها والأهم ان رخصك
ماتتسحبش بأي حال من الأحوال لغاية ما ترخص نمر ملاكي
عزيزي mma
مالهاش اي لازمة اثناء السفر او النزول بيها لحد ماتخرج
من الجمارك ، هنا المشكلة بقي
لو كانت تربتيك لايمكن حد يسوقها غير اللي دخل بيها
واسمة في الرخصة المؤقتة لأي درجة من القرابة
لأن بيبقي عليها لجان تفتيش من الجمارك وكمان من المرور
اما لو نهائي فمفيش مشكلة لأنك دفعت الجمارك ورخصت
مؤقت يبقي بس مشكلة لجان المرور العادية حايعتبروك بدون
رخصة او ممكن تتحجج بالرخصة الخليجي لأنك لسة واصل
الأخ العزيز Boty 50
أشكرك على النصيحة
أنا جبت الفاتورة و شهادة المنشأ (مكتوب فيها اني المالك الأول) و صدقتهم خلاص
المشكلة الوحيدة أن شهادة المرور(المكتوب فيها أيضا أني المالك الأول) لا أستطيع تصديقها حيث أن وزارة الخارجية لا تصدق على شهادة المرور
تفتكر دي مشكلة؟
والله ياجماعه أنتم تستاهلوا كل خير
ربنا يكرمكم دنيا وآخرة .. شوية معلومات بالهنا والشفا
وألف شكر للدكتور طارق السويدي اللي طرح الموضوع
أنا كمان بافكر جدياً أنزل تيريوس 7 راكب وكنت محتاج المعلومات دي جداً
الأخ محمد مصطفى .. ياريت تعطينا نمرة جوال المخلص بتاع السويس وياسلام لو تقول بياخد كام أتعاب
خالص شكري وتقديري
http://www.postimage.org/Pq1WpWrA.gif
شاكر لكم هذه المعلومات المفيدة جدا وسوف استفيد منها
شوف طالما ان ده عرف عند المرور السعودي
يبقي انت مش اول واحد ، والجمارك بيبقوا عارفين كده
انا لما نزلت من الكويت جبت شهادة المرور وكمان
شهادة من الوكيل اني اول مالك وأتصدقوا الأثنين
من الخارجية الكويتية والسفارة المصرية ثم الخارجية
المصرية بالأسكندرية (ضروري جدأ" دول)
الجمارك في أسكندرية مابصوش خالص في شهادة الوكيل
وأكتفوا بشهادة المرور يعني مش شرط الشهادتين يكونوا
معاك ، احنا بس بنحب مانتعطلش
علي فكرة في نويبع رئيس الجمارك هناك السنة اللي
فاتت راجل أكثر من ممتاز أجراءاتهم ممتازة جدا
وفي كل المنفذ ممنوع دخول مخلصين يعني انت
تخلص علي حاجتك بنفسك
اللي كان شيئ ميؤوس منة فعلا" هو المرور
اخذ تخليص حوالي 6 ساعات علشان ناخد رخصة ونمر
بس!!! مع العلم ماكنش في الا عبارتنا فقط بالمنفذ
نصيحة أخري
للي نازلين نويبع لو لقيتوا الميناء
زحمة وكان ليل او معاكم أسرة وأطفال
سيب العربية علي جنب وروح سكن الأسرة
في فندق وأرجع خلص أجراءاتك علي راحتك
لأن أجراءات الجوازات مش مرتبطة بالجمارك
أو المرور بالنسبة للأسرة
وكمان لاأنصح أبدأ حد يسوق بالليل في طريق
نويبع وهو خارج منها لأنة لفات خطرة وصعدات
ونزلات وكمان حارتين لمسافة مش قليلة
بس الطريق نفسة ممتاز من ناحية الأسفلت او
التخطيط
الشكر يا أستاذ علاء لكل من شارك فشكرا للجميع
النهاردة صدقت الفاتورة وشهادة المنشأ الصادرة من التوكيل(عبد الطيف جميل)
من القنصلية المصرية بالرياض(190 ريال لكل شهادة)
يا ريت يا جماعة اللي عنده أي تجارب عن شحن السيارة والتكاليف و أحسن المنافذ الجمركية يحكيلنا و جزاكم الله خيرا
شوف عزيزي
طالما أنك من المقيمين في السعودية فقدامك كذا اختيار:
- جده / السويس وده بيكون بالنسبة لك السواقة فية
تقريبا غير موجودة ، لكن التكلفة عالية للشحن وكمان
تقعد في البحر حوالي يومين بالعبارة
- ضبا / سفاجا ودة حايكون في سواقة حوالي 700-1000
كيلو متر حسب مكان أقامتك بالسعودية ودة بالشحن ارخص شوية
كتير من جده وحاتقضي في العبارة حوالي يوم وحاتسوق جوه مصر
شوية كتير وتكلفة شحن متوسطة مقارنة بالعقبة
- منفذ الدرة / العقبة / نويبع ودة حايكون سواقة اكثر من ضبا
وأجرءات اكثر لكن تقد في العبارة ساعات معدودة لكن حاتسوق جوه
مصر كتير شوية ودي اقل تكلفة شحن
نصية مكررة مرة أخري
اللي نازلين تربتيك ، حذار حذار حذار
ان حد يسوق العربية مهما كانت صلتة جوه مصر
لأن دة ممنوع من الجمارك والمرور
ولو دة حصل واتظبطت في كمين او تفتيش
(حصل مع واحد زميلنا بالعمل وأخوه ساق
في الأسكندرية من ميامي الي محطة الرمل)
اتسحبت العربية وروح علي رجلية وأتعمل محضر
واتحول للجمارك ودفع غرامة 15000 جنية مصري
ايوه خمسة عشر الف جنية مصري!!!
المصيبة كمان انة رجع الجمرك اللي دخل منة علشان
يطلع بعض الأوراق من جديد.
شكرا لكم على هذه المعلومات
وجزاكم الله عنا كل خير
وسهل لكم كل عسير