الموضوع: حمله ساعد المصرى , بدل أشترى المصرى

منقول:
عايزين تدعموا الاقتصاد؟ سبكوا من الكلام الفضفاض اللي استغلة أصحاب المحال الكبري وعملو إعلانات ببلاش عند عمرو أديب وغيرة.. متشتروش من المحلات دي ولا الماركات الجامدة.. اشتري من البقال اللي على أول الشارع.. وجيب قلم سنون من الخردواتي اللي في العمارة اللي جنبك.. واشتري جرجير من الست اللي فارشه على الناصية.. ومناديل.. وبسكوت لوكس من الراجل اللي قاعد "متكتك" على أول النفق.. روحوا كلوا عند المحلات العادية اللي طول الوقت سامعين إنها جامدة بس عمركم ما روحتوها.. فصلوا هدوم وجزم "أيوة في ناس لسه بيفصلوا جزم!".. اتصلوا بنجار.. وسباك.. وكهربائي.. يصلحلكوا الحاجات اللي بايظة في شقة المصيف ومكسلين تعملوها.. اركنوا عربياتكم وخدوا تاكسي ومشروع.. أدوا للناس بقشيش بس لو الخدمة كويسة.. والمعاملة لطيفة.. مش تلاكيك عشان يطلع منكوا اللي يقدر عليه ـ عشان اللي مش متعود على كده يتعود.. ملحوظة: (كارفور.. ومترو.. وألفا.. وماري لوي) مش هيفلسوا لو مرحتش تشتروا من عندهم ـ لكن كل واحد من الناس دول ممكن ينام من غير عشا ـ ده لو كانوا اتغدوا أصلا

اللى قصدت اقوله ان احنا المصريين لو اشتغلنا بجد مش هتحتاج مساعده اصلا لا من بعضنا و لا من غيرنا يا فندم وده الحل العملى لمشاكلنا