الموضوع: مش كل حاجة تسمعها تقلدها

السلام عليكم ورحمة الله وبركاته

بصراحة انا كنت شوفت موضوع هنا في القسم بيتكلم عن اضافة زيت باور للبنزين وانه بيحسن الأداء وبيهدي صوت الموتور وبيزود السحب فقولت اما أجرب الموضوع دة
اول لما حطيت شوية زيت في التانك وانا بمون سألت الراجل في البنزينة قالي في ناس كتير بتعمل كدة فطمني وشجعني اني اجرب

المهم بعد التجربة مالقتش اي فرق في السحب او الصوت

قولت مش مشكلة انا كدة كدة اساسا بحط الزيت عشان انعم شوية البوابة لأني كنت شاكك انها معلقة اكمن صوت الموتور كان عالي والأر بي ام رافع شوية (اتاريه رافع من طرمبة الباور)

بعدها لقيت عوامة البنزين بتلعب وعلقت وبقت بتركن

لما سألت الميكانيكي قالي مفيش منها خطر ومش هتعملي اي حاجة لأن الي بيعمل كدة الكربراتير مش الأنجيكشن وخوفني اني ممكن اسد الرشاشات او ابوظها

بعدها بيومين لقيت العوامة ظبطت وكأن شئ لم يكن

لكن العوامة رجعت تاني تلعب وخصوصا في الملفات لو بلف يمين العوامة تنزل ولو بلف شمال العوامة ترفع ولو ماشي عدل بتثبت بس بردو مش بتثبت علي مستوي البنزين الموجود في التانك

الميكانيكي بتاعي قالي ان كدة الشريحة بتاعة العوامة باظت (اتحرقت) ولازم اغير الطرمبة بالعوامة

انا شاكك ان الشريحة محتاجة افول مرتين 3 وبعدها هتظبط او احط منظف انجيكشن عشان تظبط

حد عنده حلول ؟؟؟؟
وهل دة ليه علاقة بموضوع الزيت الي حطيته ؟؟؟ ولا عمرها كدة ؟؟؟ ولا وساخة من التانك ؟؟؟

طبعا انا عملت موضوع في القسم بتاعي (ومش منتظر اي ردود قبل شهر ونص)
وعملت موضوع هنا لأني عارف انكم انشاء الله هتفيدوني فيه

وعلي فكرة انا مش بقصد تماما ان صاحب الفكرة ليه علاقة بالموضوع بتاعي - الراجل جرب تجربة ونجحت معاه وحطها في مكانها السليم في القسم الخاص بعربيته وكان عايز ينقل التجربة لعموم الفايدة
انا بصراحة الي مكنش ليا حق اني اجرب في عربيتي حاجة نجحت مع ناس تانية في عربيات تانية

وعشان كدة انا كمان عملت موضوعي هنا منها اسمع ارائكم ومنها انبه اي حد انه مش يجرب في عربيته حاجة ماتخصش عربيته حتي لوكانت فيكترا a وفيكترا b فمابالك بتجربة تمت في الفيكترا وراح مجربها واحد معاه سيات ؟؟؟

منتظر الردود

والله المستعان
،
،