الموضوع: سؤال لأخواتي الميجانويه.

احنا اول ما جبناها فولنا 92 و بعدين فولناها 95 محسيناش اوى بالفرق و بعدين فولناها 92 تانى حسينا بالفرق و ان شاء الله حنحطلها 95 على طول لأنة بيفرق فى السحب و صوت الموتور

انا و فعلا مكتوب ان المينيموم 91 و فى الكتالوج مكتوب ان اقل اوكتين مفروض يتحط و دة لمسافة قليلة جدا يعنى لظروف خاصة مش اقل من 87

انا بحط 92 و عمرها ما سقفت
جرب محطة تانية يمكن ده السبب

أرسل أصلا بواسطة Ahmed A.Maksoud
رامى باشا

على ما أفتكر غطا التنك مكتوب عليه Minimum 91 فالمفروض أنه ميكونش فى مشاكل

هى عربيت حضرتك مانيوال ؟


أنا عربيتى أتوماتيك وكنت بحط 92 وبعدين حطيت 95 بناءً على نصيحة الأخوة هنا ولما غلى رجعت أحط 92 تانى والحمد لله مفيش مشاكل معايا

شكرا يا أحمد باشا وتبقى كملت جميلك لو حذفت كلمة حضرتك دي والله احنا اخوات ......انا عربيتي مانيوال الموضوع انا حاسه بدأ يخف شويه معايا الحمد لله معرفش ايه السبب بس انا هاجرب أغير محطة البنزين وربنا يكرم ان شاء الله لو حد من مدينة نصر يقوللي ربنا يكرمكم بتحطوا منين وانا احط معاكم منها :embarrassed2: انا عارف ان شاركي معايا في مدينة نصر بس غايب اليومين دول ومش عارف عنه حاجه ربنا يرجعه بالسلامه لو مسافر .

fahd_628 أنا فعلاً والله على عيني يا فهد أحط ال 92 لئنه كان مريحني والله خصوصاً في صوت الموتور بس مشاويري كتير وبفول مره كل أسبوع تقريباً ودي هتفلسني بالطريقه دي عموماً شكرا لمشاركتك أخوك وربنا يباركلك وحاول على قد ما تقدر تداوم على ال 95 واعمل تقييم بقى يا عم انت مكسل ليه انا باهزر معاك وأرجو ان كلامي مايكونش فيه تجاوز لحدودي ....

Tyler_Durden شكرا جزيلاً يا باشا وربنا يكرمك وان شاء الله هاعمل بنصيحتك وأغير المحطه.

أحمد باشا ربنا يكرمك ويجازيك خير ويا محاسن الصدف ان انت كمان في مدينة نصر ولو اني حسيت من العناوين اللي مكتوبه دي ان انا في مدينة نصر تانيه

انا عارف توتال اللي في مكرم عبيد ودي دايما اللي بحط منها ووطنيه اللي عند مسجد السلام اذا هو اللي بنطلع من عنده على الطريق الدائري يبقى الحمد لله عارفها برضه وان شاء الله هاجربهم حسن مأمون ده مش عارف هو فين لكن حاسس اني سمعت الاسم ده قبل كده زمان كنت باتعامل مع موبيل اول يوسف عباس وعملت حادثه هناك زمان فاتعقدت من موبيل :arghh:...........

شكراً جزيلاً احمد باشا وربنا يكرمك .