الموضوع: رجالة الميتسوبيشى محتاج مشورتكم

المشاركة الأصلية كتبت بواسطة centon

السلام عليكم ورحمة الله وبركاته

الحمد لله استقريت الى شراء سيارة لانسر بومة جديدة بعد محاولات باءت بالفشل
لشراء مستعملة حالتها معقولة حيث ملاك السيارات المستعملة يقولك فابريكة ومش عارف ايه
بقيت 3 شهور ادور لغاية مزهقت قولت خلاص اجيب جديدة واقسط باقى
كنت هدفع 85 الف واقسط الباقى
انا مش بحب الجرى بالعربية وكده
و بكره سواقة المانوال فى بلادنا
فان شاء الله ناوى على اوتوماتيك بومة
فليه عدة استفسارات ارجو بعد اذنكم ان تشاركونى رايكم
اولا هل السيارات الخليجى اللى هى مش تابعة للوكيل زيرو ارخص او اغلى من الوكيل ؟
ثانيا سالت عن لانسر مش لقيت غير 1600 والغيار الاتوماتيك العادى تابع ل وكيل دايموند
وناس كتير بتشتكى من توكيل ده فهل التوكيل القديم مبقاش ينزل ولا ايه لانى سالت فى كذة معرض كولو يقولى توكيل الجديد
ثالثا ملاحظ ان 1300 اوتو مش موجود كل مسائل يقولى لا مبقاش ينزل فهل الكلام ده صح ؟
رابعا قريت مشاكل كتير مع التوكيل القديم والجديد لاعضاء امال الواحد يروح فين ؟
خامسا العربية اللى هجيبها الحاجات اللى ناقصاها فوج وفرش جلد و كاسيت حاجات دى تكلف كام فى التوكيل ؟ ولو هركب لها سنتر بالريموت برده

متشكر جدا يا جماعة ومعلش اسئلتى كتيرة وصدعتكم معايا

وعليكم السلام انا هرد على حضرتك فى الى اعرفه بالنسبه لسعر السياره الخليجى بيبقى ارخص من السياره الوكيل بحاولى 5 الالف جنيه
ومعتقدش انه نزلو اوتوماتيك عااادى تانى بعد الاستيب ترونيك وبالنسبه للوكيل بصراحه مش اعرف عنه حاجه
وبالنسبه للكماليات الى نقصه بالنسبه للفوجات هتجيبها من بره التوكيل 250 جنيه والفرش الجلد لو حاجه محترمه اوى زى التوكيل جينز كااار هيعمل من 700 لحد 1700 والسنتر فى انواع كتيييير اوى زى الاسباى والسيمفونى وياررب اكون افادتك