سؤال صغير للاعضاء الكرام بخصوص بسات 2002

**syr_eyes** · 16-12-2011 08:10 PM

اعضاء نايل موتورز الكرام
انا معايا باسات 2002 والمشكلة عندي ان بعد ما امشي مشوار محترم او اقرص عليها شوية يجيلي انذار ان مستوى مياه التبريد حرارته عالية وبقف وبلاحظ ان الميه في القربة بتغلي والغريب ان عداد الحرارة مبيتحركش عن النص ومروحة التبريد مبتشتغلش غير مع التكيف فقط ؟؟؟ فما الحل ؟؟
افيدوني بارك الله فيكم

**dr_radioooooo** · 18-12-2011 08:22 PM

المفروض ان عندك مروحة على سير شغالة على طول غير مروحة التكييف

**syr_eyes** · 19-12-2011 02:29 AM

فعلا دي شغالة على طول بس الى الان معرفش بسبب غليان ميه التبريد ايه سببه

**syr_eyes** · 19-12-2011 02:30 AM

ان شاء الله هشيك على طلمبة الميه والقربة وربنا يسهل

**shark0173** · 27-12-2011 07:01 PM

حضرتك لازم تتأكد ان كلاتش المروحة بيلقط علشان ممكن تكون بتدور بسرعة اقل من المطلوب لأن الكلاتش بايظ

**TOOLA** · 01-01-2012 02:59 PM

بص حصل معايا موقف مشابه فى البورا زمان, بس كان عندى حرطوم بيسرب مياه, و سنسور القربة بيقراه ان المياه بتنقص بس لو فتحت القربة و هى سخنة المياه بتتطلع لفوق و السنسور مش هيقرأ, كبرت دماغى يومين على اساس انى متابع الحرارة, و لكن طلعت الحرارة خداعة بتثبت على النص و مبتزدش لغاية ما الماتور قفش و العربية ماردتش تدور و ربنا ستر كان ممكن الماتور هيروح فيها ايامها رغم ان الحرارة مازتدتش بردو.

روح لأخصائى فولكس يكشفلك على دورة المياه و يشوف لو عندك حاجة بتسرب.

بعد تغيير خرطومية و غطاء القربة, و التاكد من عدم نقصان المياه, غسلت الدورة و حطيت المياه الحمراء الاصلية بتاعت فولكس, و العربية منقصتش نقطة مياه بعد كده.