الصور النهائيه لميجان 3

**Ramy_Tantawi** · 24-05-2008 03:58 PM

تم طرح أخيرا الشكل النهائي لرينو ميجان الجيل الثالت والمقرر عرضها على الجمهور للمره الأولى حسب المصدر في الربع الأخير من العام 2008 في معرض باريس ....حتى الآن لا يوجد أي معلومات عن النسخه السيدان من الجيل الثالث للميجان او عن ميعاد طرحها في الشرق الأوسط لكن من المقرر طرحها في الأسواق الأوروبيه عقب انتهاء المعرض أو في الربع الأول من 2009

المعلومات عن المحركات المتاحه للجيل الثالث من الميجان حتى الآن لا يوجد تصريح من شركة رينو لكن تم التنويه الى أن المحركات كاسابقتها في الجيل الثاني ذات سعات مختلفه من 1.4 و 1.6 وأخيرا 2.0ً والنسخه الرياضيه منها زات محرك 2.0 لتر قدره حصانيه 225 حصان .

الأسعار التقريبيه عند طرح السياره مقرر ان تتراوح بين 15.000 و 30.000 جنيه استرليني

**Mohamed-Saoud** · 24-05-2008 04:17 PM

الصورة الأخيرة تدي علي تابلوة هوندا سيفيك

**NaderNabil** · 24-05-2008 04:25 PM

بالعكس...صورة التابلوه بالظبط تابلوه اللانسر الجديد

و شكلها من بره مبقاش Eye Catching زي الاولاني :(

**NaderNabil** · 24-05-2008 04:27 PM

**Mzeid** · 24-05-2008 04:30 PM

شكلها بقى عجيب من الأمام ..
و بقت شبه ال I30 ..
:):)

**YoussefMostafa** · 24-05-2008 05:00 PM

الواجهة الامامية بتاعت الميجان 2 احلي

انما التابلوه ده رائع ومختلف يا نادر عن بتاع الانسر

**fahd_628** · 24-05-2008 05:04 PM

الف شكر يا باشا بس انا مازلت بقول ان الشكل الحالى اشيك و احلى

دية تحس انها مكعبرة معرفش لية بس هية تنفع حاجة شبابية

بس التابلوة طبعا تحفة جدا جدا

**akram2025** · 24-05-2008 05:21 PM

الحمد لله اني اشتريت الميجان 2008،،،، الشكل الجديد مشوه ومش ظريف خالص..

عربية مالهاش شخصية تماما،،، فهي لا منها لاجونا ولا هي ميجان... حاجة كدة بين الاتنين..

التابلوه شكله متوسط... و هو أقل مستوى من المتوقع له أن يكون.

**Ramy_Tantawi** · 24-05-2008 05:31 PM

نفس الاحساس اللي جالي والله لما تأكد الشكل النهائي منها مش عارف ليه حسيت بإحباط وفعلاً فيها شبه كبير بينها وبين اللاجونا ولا محصله كده ولا كده ده غير انها غير مريحه لي نفسياً بالمره وحاسس ان في استعجال من رينو مش عارف عندي احساس ان الجيل الحالي من الميجان أخد شغل كتير ووقت كافي جداً مما جعلها متميزه وبتنافس لغاية دلوقتي اشكال جديده مع انها مطروحه من 2002 لغاية دلوقتي مازال شكلها قوي وتصميمها رائع أما الجيل الثالث فا انا مش مرتاح ليه ابداً مش عارف ليه ..............يمكن يا جماعه عشان لسه جديده الله اعلم يمكن رأيي يتغير بعد فتره يتكرر فيها رؤيتنا ليها ..