الموضوع: هل توقف انتاج الماتريكس و الالنترا الشكل القديم

لا يا فاندم مش كده خالص
الجيل الأول من الإلنترا و الثاني دول لهم ظروف خاصه دول ما أنتشروش أصلا و أنا كان عندنا إلنترا 1997 من الزيرو و عمرنا لا لقينا لها قطعة غيار في وقتها أبدا

الفكره في الآله موجوده و بتحتاج قطع غيار و لا الناس أستغنت عنها

أقرب مثال
الفولكس البيتل و الميكروباص
المازدا 323
و موديلات البيجو المعمره
و الفيات الـ128_123_131
و السيات
و غيرهم
سبب وجود قطع غيارهم وجودهم هم نفسهم

وجهة نظر سيادتك تحترم
لكن يجب الإشاره إلي إن خطوط إنتاج قطع الغيار للشركات دي بتبقي منفصله و إداره مستقله و دواعي الإنتاج هي الطلب طول ما الطلب مستمر طول ما الإنتاج شغال دا غير البلاد اللي بتشتغل علي كده زي تايوان و الصين و تركيا و غيرها
و مثال علي ذلك تاني بلاش البيتل
خلينا في الإكسل موديلات تبدأ من 93أو 94 و تنتهي 97 يعني قارب وقف الإنتاج علي 15 سنه و مازالت قطع الغيار الهيونداي الكوري موجوده و الكوري العاديه موجوده و التايواني و الصيني و .... و,,....
و يقابلها الإلنترا 96 : 2002 مفيش منها قطع غيار إلا قليل و عند المتخصصين
و مثال تاني بالعكس موديل زي اللانسر الشارك (ex) قطع غياره مش متوفره في مقابل البومه و الكريستاله

عرض و طلب طول ما حضرتك بتطلب المصنع بينتج

المشاركة الأصلية كتبت بواسطة wshawky

معلش البيتل بالذات اللى حضرتك ذكرتها دى ما ينفعش تقارنها بالالنترا خالص لان سياسه انتاجها عكس الكورى 180 درجه لانها مثال للعربيه اللى انتجت لسنوات طويله جداً ( من عام 1938 الى عام 2003) و ظلت بنفس الشكل مع تغييرات طفيفه طوال هذه السنوات و انتج منها 21 مليون نسخه و بالتالى هى من اكتر موديلات السيارات مبيعا فى تاريخ صناعه السيارات فلو المصنع كان بينتج كل سنه قول مثلا ٢٠٪ زياده علشان قطع الغيار اللى بيركب على معظم الموديلات شوف بقى المخزون يبقى عامل ازاى انما اى شكل للالنترا مش هيزيد عن خمس سنوات بالكتير قوى و ده هيخلى مخزون قطع الغيار مهما كان قليل و كمان مش مشترك مع الموديل الاحدث و بعدين ان عندى تحفظ على حكايه ان قطع الغيار موجوده طالما العربيه ماشيه فى الطرق وسؤال هو مين اللى بيصنع قطع غيار العربيات دى ؟ مصانع السيارات نفسها؟ معتقدش لانها بتغير خطوط انتاجها علشان تنتج قطع غيار الموديلات الجديده و ممكن تنتج بعض قطع الغيار للموديل الاقدم بموديل و لا اتنين لبعض الوقت لكن تركيزها هيكون على الموديل الجديد و بالتالى اللى هيبقى فاضل اما بواقى الانتاج او الحاجات المستورده المستعمله او المحليه او ممكن الناس تبتدى تدور على حاجات من موديلات تانيه تركب عليها او حتى حاجات مش اصليه و شويه شويه الحاجات دى بتنقص..

+111111111

مش شرط المصنع الام يستمر في انتاج قطع الغيار لان فيه مصانع تانيه كل شغلها في توفير قطع الغيارحتي بعد توقف الانتاج بفتره والمصانع دي اكتر منها مفيش وفي كوريا والصين بس العامل الاهم انهم بيدرسوا احتياج السوق من خلال معرفه مبيعات ماركه معينه طوال سنوات انتاجها وبيبتدوا بناء عليها الاستثمار في انتاج قطع غيارها بس لازم تكون عربيه منتشره زي النترا ماتريكس اكسيل لانسر علشان يحطلها خط انتاج في المعدات بتاعته
اضف الي ذلك الاستيراااااااااااااااااا اااد ..

النوبيرا و اللانوس انتاجهم متوقف فى العالم من 2002 تقريبا و فيه قطع غيار اصلية gm كمان
و اللانوس بيتم انتاجها تحت اسم شيفورليه و نفس قطع الغيار
و كمان هيونداى مش هى اللى بتنتج قطع الغيار
شركة Mobis هى اللى بتنتج قطع غيار لهيونداى و كيا
لانسر كريستالة و لانسر مكواه و لانسر بطة ليهم قطع غيار
كورولا جميع الموديلات السابقة لها قطع غيار
و امثلة كتير يصعب حصرها
و لاحظ اسعار المستعمل فى الالنترا عالية جدا لكثرة الطلب عليها
يعنى كتير تشوف عربية رشة كلها و صاحبها بيتكلم فى 74 الف
و الهيونداى عموما فى السوق اسعار المستعمل فيها عالى لتوافر قطع الغيار و الاعتمادية و سعر قطع الغيار فى المتناول و اعطالها بسيطة
عشان كدة احنا بنجيب العربيات المنتشرة و مبيعاتها عالية عشان نضمن نلاقى قطع غيارها لحد ما العربية تصدى