الموضوع: جنوط

بص يا باشا ايام لما جيت اجنط الياريس

لفيت على كل محلات الجنوط اللى في القاهرة

ماسبتش محل ماروحتلوش مابين اشرفكو وارابكوم وسعيد علام وغيره وغيره

كل المحلات هتلاقي فيها الجنوط تيواني واندونيسي وتيلاندي نوع SSW وهتلاقيه زي ماحضرتك لقيته كدة في رنج ال 2000 طبعا بالنسبة للجنط ال 15

معادا ارابكوم ده الوحيد اللى هتلاقي عنده حجات بجد نضيفة

طبعا مش هكلمك في الجنوط ال momo وال oz لانها مش بتنزل الا للجنط ال 17

بس هتلاقي عنده هناك نوع تيواني اسمه HiJon النوع ده افضل تيواني موجود في السوق وفرق كبير اوي بينه ومابين ال SSW

لدرجة ان الفرق يكاد يكون ملحوظ بمجرد النظر للجنط هتحس انه افضل كجودة

الى غير ان التشكيلات اللى عند اشرفكو وسعيد علام واغلب محلات الجنوط تحسها عادية انا متاكد انك مالقتش حاجة شدت انتباهك

لكن في اربكوم هتلاقي تشكيلات تحفة لو عربيتك 5 مسمار ولونها فاتح فيه هناك جنط 15 لونه رصاصي كان هيطلع من عيني بس للاسف عربيتي غامقة وماكنش هيمشي الى غير اني ركبت جنط 16

عموما ارابكوم اغلى هتلاقي الجنط ال 15 في رنج ال 2700 بس مع الفصال ممكن تاخده على 2500

فرق 500 جنيه بس يستاهل

روح هناك واتفرج مش هتخسر حاجة وابقى طمنا عملت ايه

المشاركة الأصلية كتبت بواسطة mahmoudalaa

والله مش عارف اقول لحضرتك اية علي نصيحه هي العربية كحلي فانا شايف ان الجنط الابيض هيبقي جامد عليها بس ممكن تقولي ارابكوم فروعه فين بالظبط

ارابكوم في مدينة نصر ده اللى انا جبت منه الجنط واعتقد هتلاقي برضوا حجات هناك بيضة حلوة

هتمشي في شارع النصر في اتجاه المطار لحد ماتلاقي سيتي ستارز على شمال وعلى يمينك City Center هتفضل مكمل علطول لحد اول يو تيرن بعد مايكون فتحة السيتي ستنر على يمينك

هتاخد يو تيرن وتدخل اول يمين بعد اليو تيرن هتلاقي هناك الشبراوي اعتقد معروف وممكن انت تبقى عارفه

ارابكوم اول يمين بعد الشبراوي ادخل وافضل ماشي فيه هتلاقي المحل في اخر الشارع

وعربيتك نفس لون عربيتي ده شكل الجنط اللى جبته

كان عامل 3100 وبعد الفصال خدته على 2800