اقتباس المشاركة الأصلية كتبت بواسطة hosam_optrawy مشاهدة المشاركة
لو موتور المازدا بالنسبه لك ضعيف يبقى الفلوونس والفوكس برضه هايبقوا ضعاف
مع اعتراضي علي بعض اللي اتقال ف كام حتة.. ومع اعتراضي بصراحة كدة ان يتجرب فيك ف موضوع الفورد (مش منتشرة أو بالأصح مش موجودة هنا ف اسكندرية) بس انا عاوز أعلق بالأخص ع الجملة دي..
المازدا (علي عكس الفلوونس والفوكس) جزء من المبلغ المدفوع فيه بتدفعه علي أساس انك حتاخد موتور 150 حصان أو أعلي (ودا اللي بيحصل في أوروبا مثلا).. لو قارنتها بأي عربية تانية ف نفس رانج السعر حتلاقي دايما الراحة والكماليات مش بنفس الجودة.. لكن دا المفروض برضه في سبيل انك تاخد موتور أعلي وأقوي.. زي كدة الجولف والجيتا الجيتا فخامة أعلي والجولف موتور أقوي.. تيجي هنا ف مصر تلاقي نفس السعر العالي علي موتور 105 حصان!! طب ع الأقل كان يقلل 10 بواكي أو أكتر كمان من تمنها عشان لما نقارنها بنفس الفئة السعرية نحس بيها شوية.. ماينزلهاش بالتمن دا ويعتمد علي جهل الشعب المصري انه حايعجبه شكل العربية ويشتري علي عماه.. بس الحمد لله طلعت الناس واعية بدليل عدم انتشارها ف السوق.

يبقي الفلوونس والفوكس ضحو بالموتور في سيبل الرفاهية.. المازدا ضحت بالرفاهية ونست الموتور!!