عايز اشتري عربيه..ساعدوني لوجه الله..

**sammor_28** · 24-05-2008 06:30 PM

المبلغ المتاح / يفضل 55 الف-حد اقصى60الفنوع العربية / مستعمل
خبرتك فى السواقة وسكك الصيانة /متوسط
شكل العربية / مش فارقة (سيدان او هاتش باك)
الموديل /مش فارقة
إستخدام السيارة فى الاغلب / داخل المدينه وسفريات الأثنين
انتقالاتك بالعربية / فى الاغلب معايا ناس-قليل لوحدي
الكماليات المرجوة / جميع الكماليات - المهم التكييف
إستهلاك البنزين /معقول مش عالى قوي
قطع الغيار / فى المعقول
اماكن الصيانة / يفضل لو توكيل محترم-او ميكانيكيه محترمين جدااااا
التفرغ لأعمال الصيانة / عندك وقت
الاستمرار بالعربية لفترة /هاتستمر بيها فترة طويلة ان شاء الله
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ثبات جيد وذلك للسفر
ملاحظات اخرى / ياريت تكون عربيه شبابي فيها نوع من القوه ودرجه تحمل عاليه وقله اعطال لأني بسافر كتير واغلب الأوقات معايا والدتي-ومع اقل الأضافات يكون شكلها جميل

**sammor_28** · 24-05-2008 06:34 PM

متأسف.... أضافه كمان-يفضل لو اوتوماتيك بس مش شرط
والموديل مايكونش قديم قوي يعني مش قبل التسعينات شرط اساسي

**AboMaro** · 24-05-2008 06:43 PM

لانسر كريستاله - اوتوماتيك

**mshamy** · 24-05-2008 07:16 PM

انا رأيي تجيب هوندا
1- سيفيكSi 93-95 سي سي 1600 (في حدود 52-54 الف)
2- سيفيك 96-00 EXi سي سي 1500 (في حدود 55-60 الف)

**mshamy** · 24-05-2008 08:05 PM

بص يا سمور
في واحد صاحبي معاه عربيه سيفيك 98 EXi نبيتي كان بيفكر يبيع علشان عايز يجيب زيرو و كان بيكلمني بياخد رأيي المتواضع هو من ساكني المعادي و أسمه صفي الدين و تليفونه 0188881099 لو حبيت تكلمه و تتفق معاه هو كان بيتكلم في 60 بس انا فهمته انها ما تجبش السعر ده دلوقت ممكن تنزلها الفين او حسب ما الميكانيكي بتاعك يقدر يفتيلك فيها لاني بصراحه ما شفتش العربيه من فتره بس عارف انه لسه مغيرلها عفشه كاملة جديده استيراد من بورسعيد مع كاوتش جديد و ربنا يوفقك

المشاركة الأصلية كتبت بواسطة sammor_28

متأسف.... أضافه كمان-يفضل لو اوتوماتيك بس مش شرط
والموديل مايكونش قديم قوي يعني مش قبل التسعينات شرط اساسي

**sammor_28** · 24-05-2008 10:19 PM

مشكر جدااا ياأستاذ mshamy بجد انت طول عمرك وانت بتجاوب عالأسئله من غير اي تقصير..
وشكرا على اهتمامك..
طب ممكن بعد اذنك تقولي مواصفات الهوندا EْXi عشان انا مش عارفها..
وان شاء الله لو في نصيب هكلم صاحب النمره اللي انت اديتهالي..
وشكرا ليك مره تانيه..:)

**mshamy** · 25-05-2008 08:58 AM

شكل العربيه زي اللي في التوقيع بتاعي كده بس نبيتي
الموتور 1500 سي سي انجكشن "نظام حقن الكتروني"
الفتيس اوتوماتك
زجاج كهرباء + مرايات كهرباء
قفل مركزي
تكييف
بور ستيرينج
كاسيت + سي دي + راديو + سماعات
أعتقد انها راشه بره نظافه

المشاركة الأصلية كتبت بواسطة sammor_28

مشكر جدااا ياأستاذ mshamy بجد انت طول عمرك وانت بتجاوب عالأسئله من غير اي تقصير..
وشكرا على اهتمامك..
طب ممكن بعد اذنك تقولي مواصفات الهوندا EْXi عشان انا مش عارفها..
وان شاء الله لو في نصيب هكلم صاحب النمره اللي انت اديتهالي..
وشكرا ليك مره تانيه..:)

**mohamed_rhem** · 25-05-2008 09:15 AM

الاخ سمور انت طلبت نصيحه لوجه الله
وانا بنصحك بلاش الهوندا لعده اسباب
اهمها ان سعر قطع الغيار غاليه جدا امثله
سير كاتينه 210
تيل فرامل خلفي 190
فلتر ينزين 180
طبعا العفشه والمساعدين غالين جدا
طبعا الحجات ده مينفعش تتجاب الا جديد
بالنسبه للاستيراد سعره معقول زي الفوانيس والاكسدمات بس هي تعتبر غاليه في فئه التسعينات
بالاضافه ان العربيه واطيه جدا وفي تعديل بيحصل في بورسعيد في المساعدين الاماميه انهم بيياخدها ويظبطوها عن خراط بطول معين وتركب ورا
وطبعا المطبات مع الحموله بتاعتك
العربيه الشباب هلكها لان كل اللي بيركبها بيجري فصعب تلاقي واحده سليمه
بس الهوندا لو فابريقه تكسب وده صعب تلاقيه اغليهم معدي 130 الف كيلومتر
انا شخصيا انصحك بالمتسوبيشي 99 او 2000
في حدود الميزانيه بشرط ان تكون فابريقه بالكامل
لا يزيد الكيلومتر المقطوع عن 40 الي 60 الف كيلو علي الاقصي
ان تشتريها من مالكها ويفضل اول يد استعمال راقي
وفي النهايه انت طلبت نصيحه لوجه الله
فلابد من الصدق والامانه مع الله
وربنا يوفقك وانصح بالاستخاره

**sammor_28** · 26-05-2008 12:00 AM

الف الف شكر ياجماعه بجد احسن منتدى وفعلا بتثبتولي كل يوم عن يوم اننا اخوات..
شكرا AboMaro و م/عمرو و استاذ mshamy..
شكرا ليكم ياجماعه عالنصيحه الغاليه ..:)