2107روسى موديل 2012

**mirra** · 18-12-2011 01:55 AM

يا جماعة حد فيكو يعرف موديل 2012 من لادا 2107 روسى انجكشن حينزل امتى؟احسن واحد حبيبى لسة بايع اوبل كورسا 2004 و عايز يجيب لادا روسى بس ما لقاش عند شركة الكمونى فى طنطا غير موديل 2011.

**totaman** · 18-12-2011 11:44 PM

انا سمعت انه مفيش 2012 هينزل اخرها 2011 فقط

انا لسة شارى فى اواخر شهر 11 لادا روسى 2011 انجكشن

**a7madramadan** · 19-12-2011 01:31 AM

انا في شهر 12 2009 كنت باشتري زيرو واشتريت موديل 2009 و التوكيل قالي موديل السنة بينزل في آخر يناير و اول فبراير ما اعرفش نفس النظام شغال لحد السنادي ولا ايه النظام الحقيقة

**mirra** · 19-12-2011 01:37 AM

انا اتصلت النهاردة بشركة الامل فرع القاهرة و سمعت كلام غريب........قالولى مفيش غير موديل 2011 بسعر 53000 جنية و مش عارفين اذا كانوا حينزلوا موديل 2012 و لا لا لان العربية جالها زيادة 10000 جنية من الشركة الام و دة حيخلى سعرها 63000 جنية و بالتالى مش حتنزل.رجاء لو حد عرف معلومات جديدة يقولى.

**ahmed_gamal777** · 20-12-2011 07:25 PM

سعرها عند حمدى لادا توكيل ومعرض (جوزيف تيتو الى عند المطار ) 57000روسى ومركبين ليها باور وتكيف
بانسبة لصاحبك كان معاة كورسة ويركب لادا صعبة شوية علية دى
(واحدا ساكن فى فلة فى التجمع الخامس يسكن فى شقة فى مدينة السلام ازاى (مع احترامى الشديد لكل جرانى فى السلام )

ياما يكون عايز يركب حاجة بالسلوفانة بتعتها
يا ما يراجع نفسة شوية
عموما لو عايز يركب الادا يودع الحياة المدنية ونقولة اهلا بيك فى مدرسة الرجال صعقة هههههههههه
(من فيلم عبود على الحدود)

**a7madramadan** · 28-12-2011 09:10 PM

أعتقد بيقولوا الكلام ده علشان يخلصوا الــ 2011 الي عندهم مش أكتر ويجوز أساسا تكون الــ 2012 نازلة كمان شهر او اتنين وتم التعاقد عليها وتكون بتتشحن بس بيقولوا كده وخلاص

وموضوع الــ 10000 ده كلام فاضي أساسا ثمنها صافي بيقل مع الزمن و سوقها متوسط برة بس جيد في مصر بالنسبة لشغل التكاسي و حبة للملاكي مش منطقي السعر يزيد بالشكل ده خصوصا ان الطلب عليها شبه ثابت لا قل ولا زاد قوي يعني ....

**MEKAWY2000** · 09-02-2012 09:53 PM

حرام عليه

**mimim** · 18-02-2012 08:43 PM

انا اتصلت بالمصرية جرين بلازا قالى مفيش لادا روسى 2012 بس فى مصرى ب 47500

**engaass** · 18-02-2012 10:08 PM

هو ينفع حد ينزل من كورسا ويركب لادا ولا على اساس ان الاتنين اوروبى

**mirra** · 19-02-2012 12:33 AM

اطمنوا يا جماعة الراجل بعد ما جرب قيادة عربيتى رجع فى كلامة و اشترى شيفورلية لانوس 2012.بس انا برضة كييف لادا و لو ربنا كرمنى و حبيت اجيب احدث برضة حخلى الادا المحترمة.

الموضوع: 2107روسى موديل 2012

LinkBack

أدوات الموضوع

عرض

-

-

-

-

المواضيع المتشابهه

موديل 2012

--- { قائمة اسعار السيارة اسبيرنزا موديل 2012 اعتباراً من 1/1/2012 } ---

طول نيسان صنى موديل 2012 كام

شراء 316 موديل 2012

بيجو 308 موديل 2012

الكلمات الدلالية لهذا الموضوع

المفضلات

المفضلات

ضوابط المشاركة