مساعده فى بيجو 307 sw

**ahmed1_com** · 18-12-2011 01:59 AM

كنت عايز اعرف من وحوش البيجو شوية حاجات انا جبت 307 sw بانوراما عربيه جميله بس فيها شوية حاجات عايز اعرفها
1- فى رساله بتطلع مكتوب فيها remote control battery fault يعنى فى خلل فى بطاريه ريموت العربيه

2- فى زجاج من الى ورا بيطلع وينزل هو بيقطع كده

3- هو فيها مثبت سرعه ولا لا

**shifou** · 10-03-2012 05:47 AM

السلام عليكم ورحمة الله وبركاته،،
أولاً متأسف على الرد المتأخر لكن أنا شفت الأسثلة دلوقتي بس.
بالنسبة للسؤال الأول زي ما حضرتك قلت الخلل في بطاريات الريموت فده حاجة من إتنين، لما بتكون العربية جديدة بيبقى فيوز الريموت متشال من العربية علشان الريموت ما يشتغلش غير ساعة استلامك للعربية وده ممكن تعمله في التوكيل أو بنفسك بعد ما تشوف مكانه في كتيب دليل الصيانة، لكن لو كانت السيارة مستعملة فده بيكون غالباً بسبب إن بطاريات الريموت محتاجة تتغير أو الفيوز السابق ذكره هو اللي محتاج تغيير.
أما موضوع التقطيع بتاع الإزاز فده غالباً لأن كارتة الإزاز الكهربا محتاجة نضافة (أحسن حاجة ياستخدام الـ wd40 بتاع إزالة الصدأ).
أخيراً العربية دي في منها موديلات بمثبت سرعة وموديلات لأ، وممكن تعرف ده من وجود المفتاح الخاص بيه أو عدمه.
أرجو أن أكون قدرت أفيد حضرتك، وعذراً للإطالة.

**ahmedkhairy** · 15-03-2012 09:52 AM

الف مبروك سيارة ممتازة جدا

**MuhamedNabil** · 16-03-2012 02:07 AM

ريموت العربية محتاج بطارية ممكن تغبرها عند حد بتاع سعات او مفاتيح عربيات انا جبتها من رديو شال ب١٠ و غيرتها بنفسى, بتفتح الريموت ب ٥ قروش او حاجة نفس الحجم كده.

موضوع الازاز ده ليه اكتر من حاجة هو بيطلع و يقطع و لا يطلع و ينزل تانى حته صغيرة كده

**ahmed1_com** · 07-04-2012 02:37 AM

مشكورين جدا على الرد لا الزجاج بينزل عادى جدا بس لما بيطلع بيقطع يفضل يقع لحد لما يقفل لكن بينزل عادى يف العربيه جميله جدا بس فيها شوية حجات كدا عايز اعملها هو فى صوت خفيف كده بيطلع من العفشه فى المطبات حاسس انو ممكن تكون عايزه تتربط بس لانى الصوت خفيف جاد وكمان الجلد بتاع الابواب متاكل الى الباب بيقفل عليه عايز يتغير كنت عايز اعرف اجيبو منين والعفشه دى ممكن اروح لاى عفشجى ولا لازن مركز متخصص فى البيجو وشكرا