الموضوع: عربيتى وعربية جارى السيراتو اتسرقوا امبارح قدام عينى...!!!!

لا حول ولا قوة الا بالله

المشاركة الأصلية كتبت بواسطة gasser_beek

مش عارف أقول إيه والله ولا أكتب إيه.........؟

أنا بس حبيت انبه كل الناس اللى معاها سيراتو لأنى واله العظيم شوفت عربيتى وعربية جارى كمان بيتسرقوا قدام عينى فى أقل من نص دقيقه....أقسم بالله العظيم فتحوا ودوروا عربيتى فى أقل من نصف دقيقه......

أنا ساكن فى التجمع الخامس - منطقة الياسمين- امبارح الساعه 5 الاربع الفجر سمعت صوت الإنذار بتاع عربيتى قومت بصيت بسرعه من سباك أودة النوم بتاعتى لقيت واحد راكب جوه عربيتى انا أقسم بالله من الصدمه كنت حاسس انى بحلم أنا زعقت بعلو صوتى بقوله بتعمل ايه ياض يبن ال..............

الأغرب كله اللى جاى بقى مش اللى حكيته نزل من العربيه بتاعتى وكانت وقفه جمبه عربيه سيراتو لونها بنى تانى وفيها واحد سايق حاولت على أد مقدر أشوف رقم العربيه دى معرفتش لان الدنيا ضلمه جدا لقيته بيفتح باب العربيه السيراتو التانيه ووبيطلع طبنجه أقسم بالله العظيم وبيشد الأجزاء ناحيتى بكل بجاحه أنا زقيت مراتى على الأرض واترميت فوقها _ أقسم بالله العظيم فى أقل من دقيقه كنت مقرر انى انزل حتى لو هموت انا ساكن فى الدور الأول فى دقيقه نزلت لقيت العربييتين طارواااااااااا

فى ثانيه كلمت جارى دكتور معايا فى الفيلا برده قلتله انزل بسرعه الله يبارك فيك عشان عربيتى اتسرقت حالا ونلحق الناس قالى دقيقه وهكون ادامك نزل وجينا نركب عربيته _ لا حول ولا قوة الا بالله - طلعت عربيته هيا السيراتو البنى التانيه اللى كانت معاهم وطاروا بالعربيتين......!!!

أقسم بالله العظيم كل ده مخدش اكتر من 3 دقايق بالظبط ومفيش فتفوته ازاز مرميه فى الارض العربيه اتفتحت اسرع ما انا بفتح عربيتى بالمفتاح بتاعها اقسم بالله....

أنا عملت محضر ونشر وربنا يارب يعترنا فيهم هم الاتنين........

حبيت أحذر كل الناس لوجه الله وحسبى الله ونعم الوكيل

اهم حاجة انك بخير الحمد لله والحرامي مضربش عليك نار وانشاء الله ربنا يكرمك انت وجارك وتلاقو عربياتكم

والله انا في الزقازيق هنا لسه مسروقة عربية النترا 2011 بتاعت واحد صاحبي من تحت بيته والعربية فيها انذار وبرده اتشالت والمشكلة انه مسمعش اي صوت وقت ما اتسرقت
فعلا احوال مصر بقت غريبة وبقت الناس بتتسرق زي السلامو عليكم وطبعا ولا في امن ولا في امان

ربنا يسترها على المصريين جميعا