علبة دركسيون والقطمه( فيستا 99 مش باور )

**mido51eg** · 19-12-2011 01:19 PM

زمان في العربية القديمة كان العفشجي هو اللي بيحشي علبة الدركسيون عندي. معرفش في الفورد برضه ممكن العفشجي يحشيها ولا لازم في شارع شامبليون. عموماً نستنى رد جوزيف.

**tatooo2005** · 19-12-2011 01:30 PM

ايه يا عم جو عبرنا ولا انتا خلاص الفيستا معدتش بتهمك :)

**aYaBooY** · 20-12-2011 11:49 AM

بص يا طارق اولا احنا في العربيات الي معانا عندنا اسكاترا مفيش علبة دركسيون
وظيفة الاسكاترا انها تنقل الحركة بين محورين عموديين على بعض
جزء تلاقي المحورين دول عبارة عن مشرشر في محور و ترث في محور تاني المفروض العلاقة بينهم
تكون محكومة و لما يحصل تاكل مع الوقت و الاستعمال و الافترا الي بيحصل لنا في الشوارع المشرشر و الترث بيحصل لهم تاكل
و ده بيسبب احساس التخبيط الي انت بتحسة في المطبات بس
العفشجي شغلته انه يفك و يركب و زمان نظرا لبساطة الاسكاترا بتاعت الفيات و مشتقاتهم كان بيعمل عملية الحشوا و ده نظرا لتوافر الخامات المستخدمة في الاسواق
طيب عندنا انت محتاج تروح لحد متخصص حشوا علشان مفيش حد بتاع قطع غيار فورد هايبيع طقم اصلاح اسكاترا و بنائا عليه لما تروح لمتخصص حشوا هايجيب طقم اصلاح بنفس المقاسات و يستخدمة
و بردوا زي ما شرحنا في التليفون موضوع الحشوا مش هو الحل الوافى الي هاينهي على المشكلة ابديا بس هو ارحم من انك تعد تدور على اسكاترا استيراد من غير باور و ديه اعتقد توافرها مش قوى
و برده فيه حل انك تشوف الاسكاترا الجديدة بكام و فيه منها بدايل ولا لا