اقول ايه لابني لما يسال عن ربنا

**shaddadfalcon1** · 18-12-2011 10:59 PM

محمد ابني 3 سنين ونص ربنا يبارك فيه ويبارك في ابنائكم جميعا دخلته حضانه جنبي هنا في مدينة نصر والحمد لله الحضانه بتعلمه قران واحاديث والنهارده زوجتي بتقولي انه بدال يسال ويقوله هو ربنا فين واحنا بنشوفه ولا لآ وبعديها بشويه ضرب اخوه الصغير فزوجتي قالتله كده ربنا هيزعل منك قالها هو ربنا شايفني ؟ هو فين انا مش شايفه؟

ايه الحل الأمثل والرودود المثلي للتعامل مع هذا النوع من الأسئله مع الأطفال مع مراعاة ان ابني من النوع اللحوح اللي بيسال علي كل صغيره وكبييره وكتيير بتخنق منه واقوله اسكت شويه لان كل سؤال بيرد عليها بسؤال تاني
يعني ابقي ماشي في الشارع مين ده يابابا وبيعمل ايه وهو ماشي كده ليه ولابس كده ليه وزعلان ليه وكل اجابه يصحبها كلمة ليه

**Ayman-Ahmed** · 19-12-2011 12:33 AM

كان والدى الله يكرمه بيقولى ربنا ورا السحاب ده كله وشايفك دايما .طب هو انا مش شايفه ليه عشان لما تصلى وتصوم وتكبر كمان شوية تشوفه وممكن يجى فى الحلم كمان لو انت كويس وبتسمع كلام بابا وماما ومتزعلش اخواتك.لكن طالما مبتعملش كل الحاجات ديه يبقى ربنا بيزعل منك واحنا عشان بنحبه اوى مش عاوزين نزعله.

ومعلش اعذرنى ولكن طالما بسم الله ما شاء الله عليه بيسال عن كل حاجة.ده ادعى انكوا تنموا فيه التفكير وتلاعبوه العاب تنمية فكر وذكاء ومعلش حاول تجاوبه على قد ما تقدر واستحمل اسئلة طفل لا يعرف وحضرتك اللى بتعرفه.

ربنا يبارك لنا فيما رزقنا.

**maka** · 19-12-2011 12:42 AM

طالما دائم السؤال يبقى عاوز يعرف دائما و يفهم , نمى قدراته زى ما قال استاذ ايمن و حاول تعلمه القراءة و العاب الملاحظة و ال iq

**shaddadfalcon1** · 19-12-2011 12:48 AM

انا بالفعل دلوقتي بعلمه ا ب و a b c والالوان والحيواناات وبيحفظ قران كويس قوي وبيلقط مني وانا قاعد علي الكمبيوتر وبيعمل الحاجات تاني لوحده

**Ayman-Ahmed** · 19-12-2011 01:29 AM

طيب بسم الله ما شاء عليه.

استمر وعلمه المفيد يعنى مثلا افتحله برنامج Paint وخليه يتعلم يرسم عليه مثلا.ده انا كنت بشوف ناس بترسم لوحة كاملة بالبرنامج. اهو منها يتعلم الالوان وممكن تدور على النت على صور بيضا مثلا لحيوانات او عربيات وتخليه يلونها بالبرنامج.وبلاش كتير بس عشان ايده وعلمه يكتب كتير.اسمه - عنوانه - رقم التيلفون.وخلى بالك طويل اهم حاجة لان الفترة ديه هى اللى بيتبنى عليها طريقة مذاكرته واستيعابه بعد كدة.

ومعلش بعد اذنك(اتفقوا حضرتك والام) : لو مش قادر تستحمل او هتتعصب عليه او حاجة ابقى قول لوالدته تاخد مكانك .

**rompo10** · 19-12-2011 01:30 AM

ربنا يخليه وتشوفه رئيس جمهوريه كمان

**MohaMed_Refaat** · 19-12-2011 02:03 AM

ربنا يخلهولك ويباركلك فية ويطرحلك فية البركة

**blazer** · 19-12-2011 02:08 AM

ربنا يبارك ليك فيه
نمى فيه نقطه حب المعرفه جيب ليه كتب التاريخ والدين للاطفال
عليك وعلى المكعبات الميكانوا والبازل
وديه جنينه الحيوانات :d مش بهزر بس فعلا الاطفال بيتعلموا كتير من الحيوانات والطبيعه

**EsmatKazem** · 19-12-2011 02:22 AM

مهما سألك .... اوعى ترد بكلمة " لما تكبر تعرف " قول له الحقيقه و بسطها له عشان يفهم ....

**ramyhekal** · 19-12-2011 04:04 AM

ربنا يحفظه ويحفظ اطفال المسلمين لما يسأل جاوبه باجابات مبسطه ومتزهقش منه مهما سأل كتير

الموضوع: اقول ايه لابني لما يسال عن ربنا

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو من كل من يقرأ العنوان ان يدعو بظهر الغيب لابني بالشفاء العاجل

عايز لعبه لابني

لوجاناوى جديد يسال سؤالين

لمن يسال عن جهاز الgps يتفضل هنا

لكل من يسال عن تكييف الماروتى

الكلمات الدلالية لهذا الموضوع

المفضلات

المفضلات

ضوابط المشاركة