صيانة الـ 60 للوجان

**zemoss** · 15-01-2012 05:42 PM

ربنا يوفقك ويكتبلك الخير

وفعلا يا ريت بيانات الميكانيكي ورقمه وادّينى انت بقى التقييم

**engziada** · 14-03-2012 12:26 PM

يا جماعه أنا من الإسماعيلية .. معايا لوجان 2010 و دلوقتي عاوز أعمل صيانة الـ 60 بس بصراحة التوكيل حراق أوي .. الموضوع وصل دلوقتي لـ 1850 جنيه تقريبا من غير طلمبة مياه .. وكمان بيقولوا مافيش حاجة إسمها فلتر بنزين بيتغير لأنه داخلي .. عاوز رجالة القاهرة يدلوني على مركز أو ميكانيكي ياخد الموضوع من بابه .. يعني أوديله العربية و أستناها لحد ماتخلص يعني هو اللي يشتري الحاجة و يركبها و طبعا مصنعيته ممتعداش مصنعية التوكيل اللي هيا حوالي 550 جنيه !!! أرجوكم أفيدوني بسرعة .. أنا إن شاء الله ناوي أنزل الأسبوع الجاي على يوم الحد أو ألأتنين بالكتير ..
لو مافيش ميكانيكي أو مركز يعمل الموضوع ده قولولي أنزل على فين بالظبط أشتري كل المطلوب في صيانة الـ 60 وأروح على مين مؤتمن يركبهم .

**engziada** · 15-03-2012 12:39 AM

أرجوكم يا جماعه ساعدوني

**blackhorse123** · 15-03-2012 12:41 AM

يعنى كل الناس اجمعوا انهم يهربوا من التوكيل
انا معاكم ان التوكيل غالى قوى بس على الاقل حاجاته اصليه وعليها ضمان
والله ده من راى الشخصى

بس الله اعلم لما اوصل صيانه 60 ممكن افكر زيكم

الله المستعان

ما اجمل ان تحلم بالسعادة وان تعيش لحظاتها لتدرك جمال الطبيعة والحياة لتحاكي البحر والسماء

**Egyzizo** · 15-03-2012 01:07 AM

المشاركة الأصلية كتبت بواسطة engziada

أرجوكم يا جماعه ساعدوني

أمانة عليك ، لو وصلت لطلبك تقولى علشان ناوى أعمل زيك.

**akerima** · 15-03-2012 10:53 AM

نصيحة يا جماعة لوجة الله صيانة ال 60000 لازم تتعمل في التوكيل انت بتشتري ماتور عربيتك من جديد بال 2000ج اللي بتدفعهم دول وكونك تعمل الصيانة دي برة التوكيل يبقي كانك بتشتري بطيخة الله اعلم بيها

**jaso** · 15-03-2012 12:35 PM

امبارح انا اشتريت طقم سير كاتينة بالبلية من محل حاتم في العشرين الأصلي بتاع التوكيل ب400 جنيه وقالي انه ف التوكيل ب 470 جنيه ونصحني بيه وقالي ان التركي أبو 85ج والبلية ب 85 جنيه بلاش تجيبة لأنه ممكن مايكملش معاك 20000 كم
بس ما لقيتش عنده سير المجموعة (6 مجرة) فالميكانيكي ركبلي القديم وقالي انه كويس وشغال لحد ما تجيب جديد مفيش منه قلق لأنه ضرره بس انه ممكن يعطلك بس مفيش خوف ع الموتور
والميكانيكي علشان يركب الحاجات دي خد 225 جنيه بتنظيف فلتر الهواء و تربيط العفشة و البوجيهات بردو نضفهم
على فكرة الفانوس الامامي عنده ب 220 جنيه ونسيت أقول اني جبت منه تيل فرامل أمامي تركي ب 65 جنيه...طبعا لسه العفشة محتاجة شوية حاجات عندي لأني هلكت العربية الصراحة فممكن أحتاج مساعدين والجوز عنده ب550 جنيه وكمان جوز المقصات ب 350 جنيه..العربية دلوقتي على 65000 كم تقريبا

**jaso** · 15-03-2012 12:39 PM

المشاركة الأصلية كتبت بواسطة engziada

يا جماعه أنا من الإسماعيلية .. معايا لوجان 2010 و دلوقتي عاوز أعمل صيانة الـ 60 بس بصراحة التوكيل حراق أوي .. الموضوع وصل دلوقتي لـ 1850 جنيه تقريبا من غير طلمبة مياه .. وكمان بيقولوا مافيش حاجة إسمها فلتر بنزين بيتغير لأنه داخلي .. عاوز رجالة القاهرة يدلوني على مركز أو ميكانيكي ياخد الموضوع من بابه .. يعني أوديله العربية و أستناها لحد ماتخلص يعني هو اللي يشتري الحاجة و يركبها و طبعا مصنعيته ممتعداش مصنعية التوكيل اللي هيا حوالي 550 جنيه !!! أرجوكم أفيدوني بسرعة .. أنا إن شاء الله ناوي أنزل الأسبوع الجاي على يوم الحد أو ألأتنين بالكتير ..
لو مافيش ميكانيكي أو مركز يعمل الموضوع ده قولولي أنزل على فين بالظبط أشتري كل المطلوب في صيانة الـ 60 وأروح على مين مؤتمن يركبهم .

لو محتاج أي مساعدة حضرتك ممكن تكلمني وممكن أوديك لنفس الميكانيكي اللي عملي الصيانة..مصنعيته كلها متكملش 300 جنيه..وانا لسه كاتب اسعار الحاجات اللي انا جبتها
عموما العنوان هو شارع العشرين - عين شمس
وده رقمي لو حابب تكلمني وممكن أروح معاك...وبالمناسبة أنا رايحله النهاردة علشان يكمل باقي الشغل
01065534541
جمال سليمان

**jaso** · 15-03-2012 12:46 PM

المشاركة الأصلية كتبت بواسطة egyzizo

أمانة عليك ، لو وصلت لطلبك تقولى علشان ناوى أعمل زيك.

لو حضرتك محتاج أي مساعدة في الصيانة دي أنا تحت أمرك..الناس اللي بتعامل معاهم بجد يعرفوا ربنا ومحترمين و أسعارهم ممتازة ..وأنا لسه كاتب رقمي فوق في أي وقت حضرتك محتاج أي حاجة كلمني..الميكانيكي ومحل قطع الغيار جنب البيت عندي في عين شمس - أحمد عصمت -شارع العشرين
وايدينا في ايدين بعض نقضى على جشع التوكيل
والله المستعان

**engziada** · 15-03-2012 01:04 PM

بص أنا إتصلت بـ (رينو هوم - ميشيل حليم) لقيت الأسعار الآتيه لقطع الغيار التي سيتم إستبدالها في صيانة الـ 60 ألف و كلها قطع غيار أصلية (فرنسية) حسبما قال :
فلتر هواء - 115 ج
بوجيهات - 45 ج
طقم كاتينه - 350 ج
فلتر زيت - 45 ج
طلمبة مياه - 350 ج
سير دينامو و تكييف - 195ج
زيت فرامل - 24 ج
-------------------------------
المجموع تقريبا 1100
من غير الزيت - تقريبا 290 ج
و المصنعية - تقريبا 300 ج
يعني الإجمالي تقريبا 1700 جنيه + خسران الضمان + جودة و إعتمادية التوكيل

يعني الموضوع خسران ..

دخلت على جروب "مركز خالد عمارة"
https://www.facebook.com/khaledemara...53284594738391

لقيتهم عاملين تخفيض تقريبا صيانة الـ 60 بـ 1350 جنيه
بس خالي بالك برضه من غير طلمبة المياه اللي هي بـ 350 جنيه
يعني الإجمالي برضه 1700
يعني هي هي ...