على فكرة عندك حق يا محمود ...
هتصعب عليه فعلا.. و هحس نفسي خنتها كدة ..
انا هستخير برضه لانى مش مطمنة خالص
عرض للطباعة
على فكرة عندك حق يا محمود ...
هتصعب عليه فعلا.. و هحس نفسي خنتها كدة ..
انا هستخير برضه لانى مش مطمنة خالص
إن شاء الله خير و تاخدي القرار اللي تبقي مطمنة انه صح :)
اهلا
اسيب المنتدي كام ساعه ارجع لاقيكي عامله موضوع 40 مشاركه ههههههههه.
فينك يا كريم تشوف :).
نيجي للجد بقي:
الباشمهندس عمرو رد من الجانب القانوني و كلام سليم.
لو من الناحيه القانونيه يعني لا قدر الله حد عمل اي حادث او كده اللي بيتحمل المسئوليه السائق مش المالك.
اما لجهه الخلافات العائليه او ما شابه ذلك
فلنفس اماره بالسوء.
بس فيه كبار في العيله و متهيالي ما يقدرش يعمل حاجه ف دي نستبعدها خالص.
يبقي حل من اتنين:
1.كل واحد ياخد عربيه التاني و يمشي بيها عادي.بس بعد الخمس سنين حتدفعوا مش اقل من 5 الاف جنيه في نقل الملكيه دا لو الرسوم ما زدتش!!!!!!
2.كل واحد يرضي بعربيته و خلاص و لا دي اول و لا اخر عربيه حتركبيها ان شاء الله.
و هاتي غطا للعربيه خلي السايس يغطيها في الجراج و قدام الشغل نفس الحكايه برضه
حتحميها من التراب و الشمس و كل حاجه
اتصدق يا محمود نفس اللى بيحصل معايا انا كنت فاكر نفسى لوحدى اللى بيحصلى كده الاول الموضوع ده بضايقنى والاقيهم مليانلى العربيه حمام و اقعد انضف و بعد كده الصراحه بقيت انفض و اعتمد على انى اروح البنزينه انضفها كل اسبوع و شكرا على كده
اونا ما تحطيش فى دماغك الكلام ده انا برضه كنت عامل زيك كده بس بزياده عنك شويه علشان:
1-التراب
2-اللون الغامق بيخلى التكييف ياخد وقت اطول فى انه يسقع العربيه
3-انا عربيتى لونها نبيتى فكل واحد من اصحابى يقعد يقولى ده لون بناتى لحد ما خلونى كنت هكره العربيه
بصى ريحى دماغك و ابقى وديها تتغسل فى البنزينه كل اسبوع و بيقيت الاسبوع هيبقى كفايه عليها بس انك تلميعها بفوطه زفره
وبعدين ياسيتى خليها تترب عشان متتحسدش.....
يا onna ركزى فى الكلام اللى قولتة تانى ...
هو هايديكى دفعات من عربيتك ..يعنى انتى مش هاتدفعى حاجة من معاكى
(لضمان استمرار القسط عندة )
والا اللى هايطلع من الاتفاق ../ التانى ما هينوبة الا استهلاك عربيتة من الطرف التانى
فهمتى
للاسف يا حازوم ..دى بيتقال عليها فى القانون (ثغرة )
يعنى ابقى اثبت يا حلو ..
يعنى (شهود-نور-بليل -ظروف -...)
ويا سلام لو حد من الشهود (اطبش ) اقلك دى كانت واحدة ست !!!!!!
------------
يا جماعة الحل ..بتاع كل واحد ياخد عربية التانى دة ...فى منتهى الخطورة و فاشللللللللل
-لان اى طرف لا يملك مستند ملكية للسيارة بحوزتة
(يعنى السيارة كامتلاك بودى ...لا تعنى امتلاكها)
-اى طرف هايلغى الاتفاق مع نفسة / التانى هاترجعلة العربية مستهلكة و ممكن تكون بحالة لا يرضى بها ابداً !!!!!!
----- الكلام اللى انا بقولة هو دة اللى بيتعمل فى عُرف الظروف دى سواء كانوا اخوات ولا لا ------------مش اول مرة يتعمل يعنىمعلش اصلى واخد الموضوع جد /لو حد بيقرا الموضوع و عندة نفس الظروف
السلام عليكم ورحمة الله وبركاته
بصي يا onna
مبدئياً .. اتعلمي كده تثبتي حقك في كل حاجه مهما كانت صلة القرابة .. ده مش خوانه
قال تعالى :
" إذا تداينتم بدين إلى أجل مسمى فاكتبوه"
سورة البقره الآيه 282
بالنسبة لرأيي الشخصي بقه
ربنا يباركلك في عربيتك بس اللون الاسود انا من رأي مش بتاع مصر اساسا
الشمس بتبهدله مع الايام .. ويمكن ده سبب ان اللون الاسود غالباً بيكون أغىل من باقي الالوان في الزيرو . . . ده بصرف النظر عن انه بيحتاج اهتمام
لو انتي مضايقه من النظافة وشايفاها حاجه هتتعبك
ببساطه خليه يجيب العربية الي هتبقى بتاعتك قسط باسمه .. وعربيتك باسمك الي هتبقى بتاعته
ولما الاقساط تخلص انقلوا الملكية .. خلال الفترة كل الي هيفرق معاكوا يوم التجديد جددي عربيتك وهو يجدد الي باسمه .. بس كده واختاري اللون الي عايزاه
لكن لو بتحبي عربيتك .. خلاص الخيره فيما اختاره الله ..
بس عايز اقولك حاجه ومن غير زعل
انتي كده بتشتغلي نفسك ومش هتخلصي لازم تاخدي قرار حاسم ..
ارجو اني اكون افدتك بعد كلام الاعضاء الي فيه الخير وكل الحلول الممكنة ..
تحياتي
إحم..... إحم ..
انا عندي الحل يا نهي
شوفي يا اختنا العزيزة ...
انتي خلي اخوكي يشتري عربيتة برضة لونها اسود.....
وطبعا لما يحطها في الجراج ح تترب ......
بالتالي انتي ح تشعري من داخلك ان عربيتك مش الوحيدة اللي بتلم التراب..دي كل العربيات كدة ... فح ترتاحي نفساويا ....ده من ناحية ...
من ناحية تانية .... اكيد السايس مش بيعرف يقرأ...ف مش ح يعرف العربيتين من بعض
لما تقوليله لمعلي العربية تاني ح يفتكر انه لمع عربية اخوكي بدل عربيتك و مش ح يتذمر من كتر التلميع .. وهكذا خليه يلمع العربية 30 كرة في اليوم
حل مفتكس ... مش كدة
على فكرة عندك حق انك تاخد الموضوع بجد لانه فعلا موضوع خطير
انا والله مش مخونة اخويا بس الواحد ميضمنش الظروف ممكن اى حد يتعرض لاى
ظرف و ميقدرش ساعتها يدفع القسط و انا اللى ادبس فيها و كمان دى مدة التزام
طويلة ( 5 سنين) يا عالم ايه اللى هيحصل وقتها. هو كمان يا عمرو معهوش
يدينى القسط على دفعات خالص لانه هيقتطعه من مرتبه شهريا مش اكتر ..
بجد الموضوع risky جدا و انا استخرت و مش مطمنة بجد ..
رأيى اللى اكيد محدش هيقولهولك غيرى
بيعيها و اشترى الماتيريا او الجراند بونتو اللى انتى بتحبيهم
هتخسرى فلوس فعلا بس انتى اصلا بتشترى العربية ليه مش عشان تريحى نفسك ؟
خلاص تبقى الفلوس دى عشان تسعدنى مش اقعد اعدهم و اللون اللى مضايقك غيريه انتى اللى شاريه العربية مش هى اللى شارياكى و دايما اعملى اللى يريحك انتى فى الحاجة اللى تخصك انتى
و بلاش" بدل" او المعاملات المادية تدخل فى الاسرة
انا استحرم بصراحة ارمى فلوسي فى الارض و ابيع
هو انا هزل انضف شوية كمان شوية و امارس هوايتي و هجيب غطا ووتر برووف من موبيل اللى قدامنا دى و ربنا يشفينييي :oops:
ربنا معاكى بصراحه ..انا زيك برضه بس على خفيف....هو بس عشان الكار جديده معلش....حاولى تشغلى مفسك بحاجه تانيه.....
وبعدين بلاش الحرص الزياده على الكار عشان بتحصل حاجات مش لذيذه بعد كده....انا مجرب كثيييير جدااا...
العربيه كان موضوع النضافه ده واكل دماغى على الاخر و لما كانت يكون فيها خبطه صغيره اجرى واعملها عشان شكلها....
وبعد كده واحد لبس فى العربيه من الخلف روقهالى على الاخر.....
if u want to sale ur car , plz, give me some info about , or call me on 0123306291 , also u can do wht ur broth told u , no problem.
no problem u can do wht ur broth told u , if u want to sale , plz, give information about , or call me on 0123306291
لا حول ولا قوة إلا بالله
في ناس كدة لم تشتري الحاجة و تفرح بيها يطلعلها هاجس كدة يبوظ الدنيا
أنا اقترح عليكي لئن بمر بحاجات ذي دي بس أحياناً
انك تستعيذي من الشيطان وال هواجس و تقنعي و تنسي إن ممكن أصلاً يكون حد ياخد عربيتك ولا يبدلها كأن مثلاً مثلا أخوك مسافر أو معرضشي العرض أصلاً !
بس إنت ربنا كرمك بعربية ما شاء الله شكلها شيك والله و كلها يومين و تتعودي و متهايألي الريشة حتبئى أسهل من الفوطة :)
صلي عل نبي كدة ربنا يخليلك أخوك و عربيتك كمان ؛) فهماني
اطمئن من جواكي و ارضي و كل المشكلة تتحل ولا خطيبك يزعل ولا حاجة
و ربنا يشرح صدرك
قولوا اامٍيين
فكرك يا روضة؟
خلاص هجيب الريشة دى بس خايفة التراب يجرح العربية و انا بنضفه !
مهم جدا ادراك الاتى:
1 - فى ناس كتير جدا بتمشى على رجليها لمسافات طويلة لانها مش لاقيه حتى تركب اتوبيس وبيكونا لابسين أحذية سوداء و كلها تراب من كتر المشى ومش زعلانين ولاحاجة لان فى مشاكل وحاجات تانية كتير أهم من موضوع التراب
2- لازم نتأمل شوية فى نعمة ربنا علينا وانه اختصنا بنعم كتير عن باقى خلقه وماتشغليش نفسك بواساوس الشيطان علشان بدل ما تشكري ربنا على نعمة الكتير عليكي تلاقى نفسك مشغولة بمواضيع فرعية واحزان وهموم
3- ممكن تلاقى نفسك فى مشكلة أكبر من بتاعة التراب دي ساعتها صدقينى حتقولى ياريتنى ما شغلت تفكيري وبالى على حاجات بسيطة كده
اه والله يا بنتي فكري و نص
فيه ريشة ناعمة بيقولو عليها في كارفور قريت عنها فالمنتدى هنا
و لو أخوك ده مش موجود ولا حد كان قالك بدل ولا بيعي كنت هتعملي اه ؟!!!
نستعيذ بالله من التذبذب بعد الشراء
و ربنا يكرمك و يكرم الجميع و بعد كدة إبئي اشتري لوحدك يا ماما !!!! :)
و برغم إلي إنت عملتيه ده أحياناً بفكر ف اللون الاسوده ؛)
وأنا كمان بحب اللون الأسود
ربنا يكرمك
بس والله و حتى و انا بعمل الموضوع انا كنت خايفة الناس تفتكرنى بطبطر على نعمة ربناا
بجد والله ما بطر و لا حاجة يمكن انا الموضوع انا مكبراه شوية و اى حد ممكن بستهيفه لكن انا للاسف بتجيلي حالة غريبة من الفرسة و العصبية للا ارادية:no: اول ما بشوف تراب على عريبيتي
طيب ما انا ياما مشيت قبل ما اركب عربيات اصلا خصوصا انى مقاطعة كل المواصلات و خصوصا التاكسي لموقف صعب حصلى زمان و فالحمد لله حاسة بالناس و حاسة بالتعب و حاسة بالبهدلة اللى كنت بتبهدلها
و ربنا يكرم الجميع يا رب و يشفيني
طبعا انا مش هاقدر أزود على اللي الناس قالوه يا نهى غير..
.
.
.
.
.
.
.
.
.
.
.
.
.
.
بيعيها و هاتي ماتيريا بيضاااااااااااااااا :Lighten:
:biggrin24:يا سلاااام :) والله يا علا فى الجوووون بس الايد قصيرة و العين بصيرة و ماما ايدها طويييلة :biggrin24:
ربنا يقدم اللى فيه الخير بأة :)
لا نتكلم جد بأه :)
انتي أصلا استخرتي على السيراتو يا نهى و ربنا قسم لك بالعربية دي باللون ده، يبقى الخيرة فيما اختاره الله و حاولي ترضي نفسك بما قسمه لكي الله و هتلاقي نفسك مبسوطة بيها ان شاء الله :)
و بعدين يا عبيطة، ما دام خطيبك حابب اللون ده يبقى خلاص، خليكي فيه و لما يسألك انتي غيرتي رأيك ليه ومش ناوية تبيعها قولي له و هو انا أقدر برضه أعمل حاجة انت مش حاببها او من غير رضاك؟ انا غيرت رأيي عشان خاطرك انت بس :)
و اهي تبقى بجميلة يا أوختشي خليكي ناصحة :1aa:
تصدقي يا اونا انا كرهت السيراتو السودا مع ان العربية شكلها حلو ههههه:) يا اونا العربية دي البوية بتاعتها هتقع من النضافة ارحمي العربية شوية حرام لازم العربية يحصلها مناعة من التراب عشان تتعود عليه عارفة الابيزا نظرا لان المرسيدس لسه مجتش و الابيزا مدخلتش تحت سيطرتي رسمي العربية متشوفيهاش من التراب خدت مناعة منه :3gears: بصي هاتلها غطا ووتر بروف و زي ما قالولك كده بالريشة و خلي البواب المسكين يغسلها 3 مرات يوميا و بالميه و الصابون كمان و هتلاقي العربية علي طول بتبرق يشيل الغطا و يغسلها و يغطيها تاني و ربنا يعين البواب و السيراتو البوية بتاعتها تصمد:):)
الماتيريا البيضاء ديه كل ما اشفها (اسمها Scion xb في كندا) أحس انها ناقصها هلال أحمر كبير و سارينة و تبقى عربية إسعاف رسمي :jiggy:
بجد يا نهى الأسود أحلى لون ...و أنا عربيتي في مصر كليو سودة و مبسوط بيها ...هي بتحتاج بس تنضيف يومي (مش غسيل ....الغسيل الكتير يبوظ الدهان و يعمل مشاكل ) و كل شهر و لا حاجة اديها طبقة شمع و فوم
على فكرة أنا ناوي إن شاء الله اديها للمدام و أجيب عربية تانية .....سودة برضه :)
يا ستي أنا مذبذبة زيك بس لسة مشترتشي باءة !!!
يعني مطلعة عين العيلة كلها دنا كمان بفكر أغير النظام خالص
و على فكرة فعلاً الشمع حلو زي مثلاً كدة يا نهى الخشب لم نديلو pledge كويس ميمسكشي فيه التراب و متنسيش بعد كدة الريشة :) يعني ولا غسيل ولا يحزنون بس إنت شوية بس والحالة هتروح
الصبر جميل، احنا فى موسم التراب، كلها شهر و التراب يقل شوية، ده بالنسبة للأحوال الجوية
اما بالنسبة للأحوال الأجتماعية، أحب اشاركك فى تجربتى الشخصية، كان عندى اهتمام بالخطوط المتوازية، تطور الى هوس، يعنى ممكن كنت ارجع اطلع الدور التاسع علشان دواسة باب الشقة كانت مش متوازية مع الباب و أنا خارج و الناس كانت ممكن تضحك عليا و انا باركن ركنة سهلة جدا فى عشر دقايق علشان عاوز العربية متعامدة بزاوية 90 على الرصيف و انزل و اركب 4-5 مرات, و تخيلى بقى حياتى كانت عاملة ازاى أو حطى نفسك مكان مراتى ايام الخطوبة و احنا قاعدين فى اى مكان و كل اهتمامى ان كل حاجة على الترابيزة تبقى متوازية.
باختصار زى الادمان بالضبط، ووصلت لمرحلة انى لازم ابطل، طب ازاى؟، دورت كتير و قرأت كتير ووصلت لطريقة صعبة، بس نتائجها مذهلة، ابتديت اسيب لوحة واحدة معوجة شوية و اتحدى نفسى هسيبها قد ايه، و بعدين ابتديت اتحدى نفسى هركن فى كام ثانية و هلم جرا، و شوية شوية الأمور بقت طبيعية و مبقاش يجيلى ارتكاريا لما اشوف يافطة معووجة فوق عمارة او واحد مش ماشى موازى للرصيف.
انتى لازم تتعمدى تعملى عكس اللى انتى عاوزاه، يعنى تبتدى بانك تسيبى دواسة واحدة غير نضافة و بعدين العربية تسيبيها كام يوم، يعنى بالبلدى كدا تجمدى قلبك و تتحدى نفسك انك تبقى مهملة شوية، يعنى عكس اللى انتى بتعمليه تماما و جربى و مش هتخسرى حاجة و يمكن ربنا يهديلك نفسك و تلاقى ان الكمال لله وحد و ان كل انسان لازم يكون له عيوب، علشان الناس تشوف مزاياه