عاوزة اخــد رأيكوو فى حاجة محيرانى اوى .... !!
السلام عليكم و رحمة الله و بركاااته
عندى موضوع كدة محيرنى و عايزة استشير حد فيه و مش هلاقى احسن منكو اخد رأيه
الحمد لله العربية بتاعتى انا مبسوطة منها جداااا و الحمد لله كان اختيار موفق جداااا
المشكلة فى حاجة واحدة بس ان لون العربية عاملى مشكلة كبيرة اوى فى موضوع النضافة دة موش عارفة ليه كدة .. السيتي كانت سودة برضه بس يمكن احساسى ان العربية جديدة مخليني مش مستحملة موضوع ان العربية الاقى عليها نقطة تراب و صراحة انا اعترف انى اصلا مجنونة و عندى وسواس قهرى :oops:
المهم محمد اخويا ناوى ان شاء الله يجيب سيراتو برضه و عجبته جداااا فلما لاقانى حالتى صعبة كدة عرض عليه حاجة انه ياخد هوه عربيتي السودا بتاعتى و انا اعمله توكيل مثلا بالعربية و هو يجيب واحدة تانية بس قسط عشان معوش يدفع كاش و يجيبها بأة اى لون انا عاوزاه و تبقي ليه انا !! لخبطكووو؟؟؟:fool::fool:
بس مشكلتى انا فى حاجة دلوقتى انى مش فاهمة دلوقتى هل ممكن ان حد يجيب عربية قسط و فى نفس الوقت يبقي عامل توكيل لحد بيها ؟؟ هو مش كدة كدة بيبقي فى حظر بيع لمدة ما يخلص القسط؟ هل ميمنفعش اعتها نعمل توكيل لحد؟
بعدين ساعات اقول انفض و خلاص و الحمد لله على كدة و الحمد لله معايا عربيتي و رخصتى باسمى و كل حاجة و بلاش وجع دماغ و قرف تانى:fool:
انتو ايه رأيكوو؟؟
بس بليز يا جماعة محدش يتريق عليه او يحسسنس انى بكلم فى تفاهة :( لانى تعبانة نفسيا و فكرت اعرضها للبيع بس بجد حراام الناس هتخسفلى بيها الارض و انا لسه معملتش بيها 300 كم و بكياسها !!!
كبري دماغك كفاية غسلة في الاسبوع
اول نصيحة اتقالت ليا ابعد عن اللون الاسود عشان النضافة
بس انا خايف من حاجه...
هو اهتمامك بالنضافه كده دايما على طول ؟
خايف يكون وسواس قهري ! ( Ocd )
وده بيكون غصب عنك تكوني مجبرة على النضافه بصورة صعبة ومهما اتغلست تفضلي شاكة ومش عاجبك نضافتها
حطي في دماغك ان العربية دي ماشية في الشارع يعني مش اتفضل على نضافتها على طول
وتاني حاجه: العربية عشان تقضي مصلحتك بيها مش هاتزيني بيها
والمهم يكون صالونها نضيف وخلاص
محدش هايوقفك في الطريق ويقولك : ايه ده عربيتك مش نضيفه كده ليه
وكمان كثرةغشيل العربية بالمياه منغير داعي هايدخلك الميه جوه التجاويف ويحدث ما لا يحمد عقباه وانتي مش واخده بالك
وشكرا