الرداتير فية عفريت

**ehab_11_22** · 20-12-2011 12:29 AM

العربية كنت غيرتلها مياة خضراء تركيز 90 % أغلى مياة فى العالم وكانت العلبة نص لتر ب 20 جنية مش دا المهم

المهم أن العربية بعد مدة حوالى 4 شهور بدأت الاحظ أن المياة ناقصة وبقيت أزودها كل شوية من القربة وأبص الاقيها نقصت تانى

ومع الوقت بدأت الاحظ أن غطاء القربة يتفتح لوحدووو وملاقيش ولا نقطة فى القربة

مع العلم أنى مش لاقى أى تسريب والحمد لله المروحة بتشتغل كويس والعربية مش بتسخن

رحت لميكانيكى كذا مرة يبص ويقولى مش شايف أى تسريب وقالى غير غطا الر داتير غيرتو وباردو المية بتنقص بس غطا القربىة مبقاش يتفتح زى الاول

رحت لميكانيكى تانى باردو قعد يبص ملاقش حاجة بتسرب قالى الرداتير دا عايز يتسلك روح لبتاع رداتير

رحت لبتاع الرداتير قالى أن الماروتى بيتفك من جوة الرداتير سلك حلزونى هو دا الى بيسلك الرداتير بقولو طيب بيتركب تانى قالى لا ومالوش أى تأثير فى دورة المياة

فياريت ياجماعة تقولولى أية رأيكو فى الكلام دا

**karimfahmy99** · 20-12-2011 01:37 AM

شوف هقولك تعمل اية . اول حاجة نزل المية دى خالص و اغسل الدورة و املاها مية عادية من الحنفية - فك الشبكة و اغسل سربنتينة الردياتير بخرطوم مياة من الاتجاهين - لما تملى القربة خللى المستوى قبل الماكس شوية . و جرب و بلغنا النتيجة و بعدين نكمل لما نعرف النتيجة

خارج الموضوع : اللى بيوعد بحاجة بينفذها اعتقد فاهم قصدى اية

**ehab_11_22** · 20-12-2011 11:29 AM

المشاركة الأصلية كتبت بواسطة karimfahmy99

شوف هقولك تعمل اية . اول حاجة نزل المية دى خالص و اغسل الدورة و املاها مية عادية من الحنفية - فك الشبكة و اغسل سربنتينة الردياتير بخرطوم مياة من الاتجاهين - لما تملى القربة خللى المستوى قبل الماكس شوية . و جرب و بلغنا النتيجة و بعدين نكمل لما نعرف النتيجة

خارج الموضوع : اللى بيوعد بحاجة بينفذها اعتقد فاهم قصدى اية

يا أستاذ كريم انا عايز ققولك أن المياة الى فى الرادتير بنسة 90 % من الحنفية لانى كل شوية بزودها أنا بس كنت عايز أخد رأيك فى موضوع أنى أسلك الرداتير وأشيل السلك الى فى الرداتير دا عشان بتاع الرداتيرات قالى أن السلك دا بيطلع ومبيركبش تانى

بالنسبة لخارج الموضوع : أنا قلت لحضرتك أنى برجع متأخر ومبحبش الصراحة أكون تقيل على حد عشان كدا مرديتش أنى أكلمك وأزعجك

**karimfahmy99** · 20-12-2011 10:58 PM

المشاركة الأصلية كتبت بواسطة ehab_11_22

يا أستاذ كريم انا عايز ققولك أن المياة الى فى الرادتير بنسة 90 % من الحنفية لانى كل شوية بزودها أنا بس كنت عايز أخد رأيك فى موضوع أنى أسلك الرداتير وأشيل السلك الى فى الرداتير دا عشان بتاع الرداتيرات قالى أن السلك دا بيطلع ومبيركبش تانى

بالنسبة لخارج الموضوع : أنا قلت لحضرتك أنى برجع متأخر ومبحبش الصراحة أكون تقيل على حد عشان كدا مرديتش أنى أكلمك وأزعجك

عموما احنا فيها لو تحب تجيلى يوم الجمعة بعد الصلاة نظبط الدنيا و نغسل من برة و نعمل دورتين تنضيف للمية اهلا بيك و متعملش اى حاجة من اللى بتوع الردياتيرات بيقولوة على الاقل تعالا ابص و اشوف لو مش عاوز تعمل حاجة - لما اشوف حجتك اية المرة دى

**ehab_11_22** · 21-12-2011 09:39 AM

المشاركة الأصلية كتبت بواسطة karimfahmy99

عموما احنا فيها لو تحب تجيلى يوم الجمعة بعد الصلاة نظبط الدنيا و نغسل من برة و نعمل دورتين تنضيف للمية اهلا بيك و متعملش اى حاجة من اللى بتوع الردياتيرات بيقولوة على الاقل تعالا ابص و اشوف لو مش عاوز تعمل حاجة - لما اشوف حجتك اية المرة دى :u_thin1[1]:

أن شاء الله نتقابل انا لو منزلتش الخميس يبقى نتقابل الجمعة بعد الصلاة وأستنى منى تليفون

**karimfahmy99** · 21-12-2011 09:57 AM

المشاركة الأصلية كتبت بواسطة ehab_11_22

وأنا فعلا كنت لاحظت حاجة أن الميكانيكى التانى لما فتح الغطا بتاع الرداتير وزود بنزين المياة كانت تنزل لتحت يسيب بنزين المياة تقوم راجعة طالعة بارة الرداتير

عشان كدا قالى روح سلك الرداتير

دا طبيعى جدا مفهوش اى مشكلة

المشاركة الأصلية كتبت بواسطة ehab_11_22

أن شاء الله نتقابل انا لو منزلتش الخميس يبقى نتقابل الجمعة بعد الصلاة وأستنى منى تليفون

اهو منتظر التليفون و ماسك الموبايل من دلوقت

**Amr Axel** · 20-12-2011 11:45 AM

بص انا وجهة نظري ان ممكن يكون السبب في المية اللي جبتها مش كويسة
فجرب تحط مية خضرا بتاعت موبيل مثلا و شوف اللي هيحصل
و جيب المية من البنزينة نفسها متجبش من محلات او ماركت لأن الناس ليهم تجارب سيئة من الانواع ده

**Amr Axel** · 20-12-2011 05:46 PM

المشاركة الأصلية كتبت بواسطة ehab_11_22

بس أنا خايف أروح أغسل دورة المياة وأحط مياة جديدة واللى أعرفو أن مياة موبيل الجركن ب60 جنية وتنقص تانى

ولا أنت أية رأيك ؟؟

زي ما استاذ hamaza قال
نضف الدورة و الريدياتير بدون شيل اي حاجة عشان مش ناقصة فزلكة منهم
ينضفها و هو ساكت ميعملش فيها انيشتاين و شوف المية نقصت يبقي غير المية و شوف مية موبيل

**mesaharaty** · 20-12-2011 02:27 PM

حضرتك روح لبتاع رادياتير محترم وقول له عاوز أنضف دورة الرادياتير وأغير المياه كلها وقبل ما تروح له اشترى جركن مياه من موبيل سعره حوالى 60 جنيه .
حيغسل لك الرادياتير من جوة ومن برة ويخرج الاتربة والرواسب وتحط المياه الجديدة على نضافة وطبعا لما يفك خليه يبص لك هل فيه خروم ولا تسريبات مثلا علشان بالمرة تتعمل .
وإن شاء الله المشكلة تتحل وابقى عرفنا عملت ايه

-

الموضوع: الرداتير فية عفريت

LinkBack

أدوات الموضوع

عرض

العرض المتطور

الرداتير فية عفريت - انشر الموضوع فى :

-

-

-

-

-

-

-

-

المواضيع المتشابهه

الرداتير الالمونيوم

تنظيف الرداتير

مروحة الرداتير

استفسار عن الرداتير

ماء الرداتير

الكلمات الدلالية لهذا الموضوع

المفضلات

المفضلات

ضوابط المشاركة