بخصوص فتيس mmt تانى و تالت و عاشر كمان

**Veroman** · 20-12-2011 11:11 AM

يا جماعة اى حد نازل قريب التوكيل بخصوص الفتيس يقولى عشان انزل معاة عشان لسة كنت هناك قريب و معرفتش اتفاهم معاهم و الفتيس بيرزع جامد فى الغيارات و فى الاخر يقولو هى كدة و هنا فى المنتدى ناس كتير اتكلمت فى الموضوع دة و قالو بعد تغير الوحدة بقت العربية احسن و انعم بكتير من الاول و انا عايز اعمل كدة خصوص ان الضمان قرب يخلص فياريت اللى نازل او اللى عايز ينزل يقولى و ننزل معا بعض يمكن نقدر نضغط عليهم

**feras_elngar** · 23-12-2011 07:48 PM

انا معايا 2009 وخلصت الضمان من كام شهر والفتيس دلوقت بيرزع جامد فى النقلة التانية والتالتة وبتتنطط فى الزحمة لما تشعر بنزين وعايز تحرك العربية بالراحة
روحت التوكيل الاسبوع اللى فات وقلتلهم على الرزع قالى هنعمل كشف ب 200 جنيه
بعد الكشف قالى الفتيس طبيعى ........... كنت هتجنن
قعدت اعافر معاهم ساعتين ولا حد عبر .... المعاملة اختلفت بعد الضمان

شكلنا هنتعذب مع الفتيس ده

**Youssef.Awad** · 23-12-2011 10:11 PM

متابع باهتمام .. وحسبى الله ونعم الوكيل فى التوكيل .. ضمان تويوتا سنتين بس !!!!!

**Veroman** · 23-12-2011 11:35 PM

حضرتك مكنتش وافقت اصلا على ان الكشف دة خصوصا ان كدة كدة انتا معاك الضمان بتاع التعديل و حضرتك بتقول عاملت 111000 انا بقى عامل 15000 يعنى ملهاش دعوة بالكيلو يس و غير كدة هما عارفين ان الفتيس دة اصلا فية عيوب صناعة يعنى حرام الفلوس اللى بخدوها على اى حاجة خاصة بة .. بس مش هنسكت انشاء الله لحد ما يعملو حل جذرى للموضوع دة غير ان لو اتصلحت وراح الرزع هيرجع تانى بعد كام الف تانى مشكلة ملهاش حل

**احمد فهمى** · 26-12-2011 02:25 AM

كنترول الفتيس ده فى عيب صناعه ومش لازم يتسكت عليه اعمل قضيه وافضحهم هم هيجاملو الشركه على افا الناس

**محمد محمد** · 29-12-2011 06:28 PM

انا رايح الشهر الجاي ان شاء الله

**wwaeel** · 30-12-2011 04:44 AM

اولا ال 200 كشف دول اشتغاله المفروض مكنتش تدفعهم ثانيا موضوع المهندس الي يقولك الفتيس عادي ومفهوش حاجه حط صباعك في عينه وقوله هات اي عربيه تانيه نجربها وقارن بين عربيتي والعربيه الي هنجربها من عندكم ووريني طبيعيه ازاي من الاخر الناس دي عارفه كل حاجه وبتستهبل الناس وبينصبو علي الناس من الاخر عاوزين حد يكون قليل الادب معاهم فكره انكم تروحو مجموعه دي كويسه جدا لانهم بيخافو من التجمع ومبيبقوش عارفين يضحكو علي حد لان كذا واحد بيشتكو من نفس العيب قدامهم فمش هيعرف يقنعكم كلكم ان مفيش مشكله وده العادي بتاع العربيه انا احتمال اروح قريب التوكيل لان الفتيس بدأ يضعف ويجيب رجه بسيطه في الطالعه لو حد عاوز يجي معايا اوك انا احتمال اروح علي يوم السبت الجاي

**Veroman** · 30-12-2011 11:14 AM

انشاء الله هنزل معاك

-

الموضوع: بخصوص فتيس mmt تانى و تالت و عاشر كمان

LinkBack

أدوات الموضوع

عرض

-

-

-

-

المواضيع المتشابهه

العربيه إتخبطت تالت أو بالأصح عاشر بقى

نتائج المهمه السريه/بخصوص الفليشيا التى حيرت عالم وحيرتنا بخصوص تجربة فتيس موتور 1600

كلاكيت عاشر مرة - التصميم الداخلى لل فتيس mmt

تانى موضوع فتيس الاتوماتيك النوبيرا 2001

الكلمات الدلالية لهذا الموضوع

المفضلات

المفضلات

ضوابط المشاركة