الموضوع: تشتغرى ارخص عربية زيرو و تكون اقل استهلاك بنزين على الاطلاق ولا لقى ؟؟؟؟

السلام عليكم ورحمه الله و بركاته

طبعا كلكم شفتوا ال سوزوكى ماروتى و الالتو و غيرها الى اقل من 1000 سىسى و كلكم عارفين انها بتشم البنزين و عملية جدا بغض النظر عن حجم الشنطة (الى ممكن تعوضة لما تتنى ظهر الكنبة فيكون مجال التخزين كبير جدا)

المهم لو لقيت عربية اكبر من الماروتى و الالتو و فى حجم الدايو ماتيز او الهيونداى الالتو او السبرانزا الهاتش باك

و يكون ثمنها بحاجة و عشرين الف بجميع الكماليات تكيف و انذار و زجاج كهربا و لو من غير كماليا فى حدود ال 20 الف

و تكون عربية زيرو و شكلها انسيابى

و ماتورها صغير 700 سىسى حقن الكترونى يعنى حيوفر البنزين بالثلث

و بلدها دولة من دول اسيا معروف عنها تجميع و تصنيع كل انواع السيارات و المقطورات و الاتوبيسات

تشتريها ولا لقى ؟

هل هية فعلا حترحمك من زحمة المواصلات و التاكسيات و توفر معاك للصبح لان ماتورها صغير ينفع جوة البلد

عايز كل واحد يشرحلنا وجهة نظرة فى ارخص و اكثر عربية اقتصادية كان بيتمنى امكانياتها تكون اى