تشتغرى ارخص عربية زيرو و تكون اقل استهلاك بنزين على الاطلاق ولا لقى ؟؟؟؟

**atamim** · 26-05-2008 02:46 PM

المشاركة الأصلية كتبت بواسطة CAMARO

آه أشتريها ليه لآ .. ؟!
:):)

بس دي أكيد التاتا ..
صح .. ؟!
:):)

صح يا باشا

**atamim** · 26-05-2008 02:50 PM

المشاركة الأصلية كتبت بواسطة SEATLOVER

يا ريت يا جماعة اللى شارك فى الموضوع يفهمنى هو بيدور عن اية
اصل العنوان بدايتة و نهايتة صعبة اوى

ولكم جزيل الشكر

الموضوع اسهل ما يكون خبر تنافس شركات السيارات على انتاج سيارات شعبية رخيصة الثمن جدا زى التاتا مفروض ثمنها من 19 الف ل 22 الف جنية مصر

فتخيل الناس حتقول عليها اى لو زيرو و بالسعر دا و اقصى سرعة فيها 100 كيلو/ساعة

و ماتورها 33 حصان بس حقن الكترونى كمان

و منها موديل فول ابشن بتكيف و ازاز كهرباء

انا حبيت اعرف بس من الناس بتفكر ازاى هل تفكر بس فى كلام الناس ولا فى امكانية العربية ولا فى سعرها

شكلها من الموقع زى الدايو ماتيز بالظبت نفس الشكل و الحجم

يعنى اكبر من الماروتى شوية صغيرين بس ماتورها اضعف من اى عربية حد ركبها قبل كدة

**mo7amed_omara** · 26-05-2008 03:01 PM

ياجماعة بس العربية الالتو مثلا ماتورها 800 سىسى يابانى و كويسة مش دة برضو رايكو ؟؟؟؟

و لا يمكن علشان اليابان عندها تكنولجيا تعمل عربية ماتورها 800 بس
و اعتقد ان الهند لسة معندهاش الخبرة فى كدة

**Engesso** · 26-05-2008 06:05 PM

المشاركة الأصلية كتبت بواسطة atamim

تشتريها ولا لقى ؟

ايه يا جماعة؟؟ خلاص مش عارفين نكتب؟؟ هي عمر لأ تتكتب كده؟ حتى لو كنا بنكتب بالعامية، لازم يكون فيه شوية احساس بالكتابة...

زي اللي بيكتب لكن بالألف (لاكن)، ايه يا جماعة؟ امال وصلتوا للجامعة وناس منكم اتخرجوا ازاي؟؟؟

**atamim** · 27-05-2008 12:55 AM

المشاركة الأصلية كتبت بواسطة Engesso

ايه يا جماعة؟؟ خلاص مش عارفين نكتب؟؟ هي عمر لأ تتكتب كده؟ حتى لو كنا بنكتب بالعامية، لازم يكون فيه شوية احساس بالكتابة...

زي اللي بيكتب لكن بالألف (لاكن)، ايه يا جماعة؟ امال وصلتوا للجامعة وناس منكم اتخرجوا ازاي؟؟؟

هاهاهاها تصدق انك انت بنفسك كاتبها غلط

**sherif80** · 29-05-2008 02:22 PM

المشاركة الأصلية كتبت بواسطة hazem_khidr

العربيه مش استهلاك بنزين قليل بس
العربيه يعني اعتماديه و قادره تستحمل الشوارع
صاج كويس و قطع غيار معمره .
يا فرحتي اروح اجيب عربيه زيرو ب 25 الف و كل يوم عند ميكانيكي و كهربائي و عفشجي و سروجي .
لا انا اجيب عربيه مستعمله و برضه صغيره اضمن و اوفر علي المدي البعيد.

+1

فعلا فى عوامل كتير اهم من موضوع البنزين والسعر

زى الامان - الاعتمادية - الجودة