حاره الرسايل عندك مقفوله لانك وصلت للحد المحدد ليك للاستلام الرسايل على الخاص:3_3_102[1]:
عرض للطباعة
معذرة اقصى اليسار للتخطى فقط وليس للمشى مهما كانت سرعة حضرتك وفى السعوديه على سبيل المثال لو واحد استعبط وفضل ماشى فى الشمال حتى لو على 140 ودى سرعة الطريق وجه واحد وراه مجرد انه يقلبله النور دى معناها وسع يا ....... ولو موسعش وصادفه موتسكيل من اياهم نهاره مش هيعدى
لان مش من حق اى حد انه يمشى الناس على مزاجه ولو على سرعة الطريق
لو الطريق سرعته 100
و أنت ماشي 100 .......... كدا أنت في السليم و محدش له عندك حاجة
مفيش حاجة أسمها واحد يقعد يقلبلك (أنا بتكلم على أوروبا ) لأن معناه أنه ناوي يكسر السرعة القانونية و هناك الرادارات منتشرة أكتر من العربيات نفسها و بصور 3 دي كمان و بتعرفها وقتي و أنت بتكسر القانون
و هناك فيه نوعية مخالفات مش فلوس ......... خصم من نقاط الرخصة و دي أسوء عندهم لأن لو النقاط خلصت بيخليك تمتحن من جديد .
أي حارة يمكن القيادة فيها طالما أنت ملتزم بسرعة الطريق الرسمية .
اللي أتعلمته
أني لما أحب أعمل تخطي ........ أتخطى من اليسار أو من الحارة السريعة (لأن أنجلترا بيسوقوا عكسنا و هناك الحارة السريعة هي اليمنى )
انتو بتتكلمو على الحارات و ناسين حالة الشوارع عندنا الى بتخلى الواحد طول ما هو ماشى بيفادى فى الحفر و البلاعات و التكسير
وغير كده كمان يبقى متخطط.
الفكرة الرئيسية ان المنظومة كلها تتصلح فى نفس الوقت لان كله بياثر فى كله مينفعش نبتدى بحاجة و نسيب الباقى يعنى التعليم (القيادة مثلا) و الطرق و اليفط و الاشارات و الاسفلت و الزبالة الى على الطريق ووووووووووو
مينفعش حاجة واحدة
لك الله يامصر
بس والله متاكد انه ممكن البلد تتصلح و بسرعة بس نبدء
انا بصراحة كنت سامع ان المفروض طالما فيه حارة على يميني فاضية اني ابقى فيها مش في الحارة الشمال
يجوز يكون مش صح
لكن في المجمل , فتح الحارة الشمال بصفة عامة هايفرق كتير جدا في سرعة تفريغ الطريق و بالتالي في تقليل الزحمة
ماهو بجملة الهم بقى ! :w_022:
كلام سليم ياريت تطبيقة
طب لو سرعة الطريق في الحارة السريعة 100 و انا عندي ظرف طارئ و عايز اللي قدامي في اقصى الشمال يعديني ... مش حقي انه يمسك يمين ؟ (انا اللي هاخد مخالفة مش هو و بتكلم على ظرف طارئ مش على طول)