معرفش لو حد أثار الموضوع ده قبل كده ولا لأ بس لازم أشركه معاكم
أعتقد ان 70% من الازمة المرورية عدم الالتزام بالحارات :
1-الحارة المرسومة على الطريق بتبقى كبيرة شوية من حدود العربية و ده طبيعى عشان فى حالة الاعطال او الازمات يتسع الطريق ذو الحارتين (منهم واحدة وقفت بسبب الحادثة او العطل) الى حارة ثالثة احتياطية حتى لا يقف السيل المرورى ابداً.
2-ما اسميه بالوقوف الهرمى؟! بسبب عدم الالتزام بالحارات عند وقوف سيارة - ميكروباص غالباً بجانب الطريق- بيبقى ماشى وراه عربية و جزء من عربية اخرى و خلفهم 3 عربيات - بسبب عدم الالتزام بالحارة! و بالتالى يقف الطريق ذو الـ4 حارات بوقفة عربية فى اقصى اليمين.
3- الوقوف العشوائى بيسد أكثر من حارة.
4- التفرع للخروج من الطريق _مثل نزله البحر الاعظم و المنيب على الدائرى و)يؤدى الى عركلة المرور جداً بسبب عدم النظام مثال لحل الموضوع نزلة ميدان لبنان من عند الدائرى, كانت ازمة للدائرى كله بس لما اتعمل رصيف قبل النازله بـ500 متر مفيش زحمة دلوقتى خالص.
5- عدم احتكاك السيارات الغير مبرر و بالتالى الحفاظ على السيارات مده اطول.
أتمنى أكون قدرت أشرح الموضوع كويس
أنا مقلتلوش حل بس 80% من حل المشكلة بمعرفة السبب.
شكراً