ايه المعايير اللى كل واحد بيحطها و هو بيختار شريكة حياته
1- التدين
2- الاخلاق و السمعة
3- المستوى الاجتماعى
4- التعليم و السن و الشخصية و مستوى التفكير
اكملوا او عدلوا ........
عرض للطباعة
ايه المعايير اللى كل واحد بيحطها و هو بيختار شريكة حياته
1- التدين
2- الاخلاق و السمعة
3- المستوى الاجتماعى
4- التعليم و السن و الشخصية و مستوى التفكير
اكملوا او عدلوا ........
نفس اللى انت كاتبه بالظبط ههههههههه
الوسط المحيط بالانسان بيأثر فيه سواء بالسلب او الايجاب
كل واحد وحسب تفكيرة و البيئة اللي عايش فيها
بس اهم حاجة التدين و السمعة الطيبة ليها ولاهلها
المستوى الاجتماعي دا بيبقى فية كلام بس المفروض و الاحسن ان الزوجة مستواها ميبقاش اعلى من الزوج
الجمال دا حاجة نسبية من فرد للتاني
ما بردو مينفعش الزوج يبقى مستواه عالي جدا عن الزوجة .. ميبقاش الفرق كبير اوي يعني .. كل حاجة وليها حدود .. زي بردو حكاية الجمال مش معنى اني مش مشترط ان زوجتي تكون ملكة جمال اني اجيب واحدة قبيحة :36_2_49[1]:
و خد بالك ناس كتير ساعة الاختيار بيتنازلو عن شروط كتير .. اصل صعب تلاقي كل المواصفات اللي بتحلم بيها في شخصية واحدة
والله يا م.محمد الموضوع صعب انك تحط معايير فى خطيبتك (زوجة المستقبل) ومتتغيرش بعد الجواز.
بس ممكن تقول التدين مهم جدا لان اللى بتعامل ربها صح يبقى هتعامل جوزها صح بنسبة كبيرة ومننساش برضه انها بنى ادم معرض لهفوات وغلطات زى الراجل بالظبط ومن هنا التفاهم والتسامح. = التدين
وده السوال اللى سالته لنفسى انا هقدر ابقى متسامح اد ايه ومع ايه واعدى ايه وامسك على ايه.والمحصلة انا اتربيت ازاى وشخصيتى ايه وهل هتتكيف على طباعى ولا انا صعب. = التفاهم.
بعد الجواز احنا الاتنين بنتغير وايام بتمر علينا صعبة وايام حلوة وصعب الحكم عليها فى النقطة ديه فى الخطوبة الا اذا اختبرنا بعض على الاقل نعرف هنصبر اد ايه وصبرنا طريقته ايه.= فهمنا لبعض.
زعلنا شكله ايه وبنعالجه ازاى والاريح الاتفاق من الخطوبة اننا لما نزعل نحاول على اد ما نقدر منطولش وحد فينا يحاول يكسر حدة الموقف ولو بكلمة او بتعليق صغير.=الحلم.
مستوى التعليم مهم لانها فعليا ليها دور كبير فى تربية وتعليم الاولاد فيما بعد ومش مهم تكون حاصلة على دكتوراة ولكن اللى يهم هتقدر تعلم الاولاد.
المستوى الاجتماعى مهم برضه لانه هياثر على طريق تعاملها معايا ومع الاولاد فيما بعد.ومنصحش يكون بعيد اوى عن الزوج بالقلة او الرفعة.
السمعة : صعب الاعتماد عليها فى زمن فيه الجيران مبيحترموش بعض ولا بيحبوا لبعض الخير او الفكرة السائدة وللاسف انها ممكن تكون برة حاجة وفى منطقتها حاجة.وعشان كدة هنرجع للتدين تانى (اظفر بها تربت يداك).
بس مش فاكر ايه تانى اللى فكرت فيه قبل ما اتجوز. :)
هي المعايير تختلف من شخص لآخر
بس فيه خطوط عريضة لابد تجتمع
*التدين
*الاخلاق
*السيرة الطيبة
*الوسط الاجتماعي الجيد اللي ملهوش علاقة بالوسط المادي
*سمعة الأهل
*الوسط المادي -انكحوا الاكفاء-
*نيجي ليها هي بقا كدة اخترنا العيلة:-
*الدين طبعا
*الاحترام
*قدر يرضيك من الجمال -ودا نسبي طبعا-
*السن
*التعليم
*صفات انت بتحبها تكون فيها هتضيفها
*الفكر والعقل مهم جدااااااااااااا
نفس الترتيب اللي انت كاتبه بالضبط
يعني انا شايف المعايرر ممكن تبقي كتير
والشروط اكتر
بس ممكن اختصارها في الاتي
1- متدينة او عندها استعداد للتدين
2- من بيت طيب
3- علي قدر من الجمال بقدر ما يعفني
يعني لو واحد شغال في مكتب زمايله ملتحيين ومواظبين على الصلاة هتلاقيه هو بعد فترة اتأثر بيهم وربى دقنه وواظب على الصلاة
ولو واحد في مكان اللي مش ملتزميين دينيا واخلاقيا وهو كويس هتلاقيه غصبا عنه اتاثر بيهم بمرور الوقت
لو واحدة في مكان مختلط ومعظم اللي فيه هزار وتهريج غصبا عنها هتندمج فيهم بمرور الوقت
انا شايفة ان الاختلاط اكبر افات المجتمع في العصر الحديث
إيه دا...هو لسه في شباب بيختاروا زوجاتهم؟؟
صحيح اهم حاجة شوف نظام الاسرة ايه
لو الام متسلطة والاب مالوش شخصية تأكد ان البنت هتحاول تقوم بنفس الدور الا اذا لقت زوج المستقبل شخصيته طاغية اكتر منها بكتير
نصحية واحد خبرة بلاش تختار احسن
هوا لية كل مقول لحد بيسئلني عن مواصفات العروسة الي بتمناها بمناسبة اني بدور علي عروسة كويسة اني بحب الجمال وعايزها تكون اولا جميلة يقولي اهم حاجة تكون متدينة هوا لازم الجميلة متكونشي متدينة او لازم المتدينة تكون وحشة علشان يليق عليها الايمان!!!
انا اولوياتي مثلا
اولا تكون جميلة علشان اعجب بيها من الاول وافكر فيها.
ثانيا تكون متدينة بدون تشدد الدين مش كلمة حرام بس لا في حجات قليلة حرام وباقي الدنيا حلال.
ثالثا تكون من مستوي اجتماعي مقارب ليا شوية اقل او اعلي عادي جدا.
رابعا تكون طبعها حلوة ودمها خفيف علشان بعد فترة هتعود علي شكلها لكن طبعها لو وحشة هتبقي صعب العيشة معاها ولو دمها تقيل الصراحة هبقي حاسس اني مخنوق منها.
بس دي وجهة نظري.
كلام سليم ....
الراجل فى مجتمعنا مفيش على لسانة غير أن مراتة لازم تكون متدينة ومتوسطة الجمال ....
ولما يشوف واحدة جميلة يتجنن عليها :oh: وينسى موضوع التدين دة خالص ....
ومش بعيد أبدآ تلاقى راجل بيتجوز على مراتة المتدينة واحدة تانية مش متدينة زيها بس أجمل منها يكتير ....
هى معادلة صعبة شوية ....
حاجة + حاجة+ حاجة = زوجة تسعدنى ....
مينفعش أشيل من المعادلة دى حاجة على حساب حاجة تانية ....
يعنى مثلآ مينفعش أقول أن البنت دى متدينة أوى أوى بس هى فى نظرى مش جميلة خاااااااااااالص ....
اشكركم
لكن نسينا معيار مهم و هو القبول و مقدار التفاهم واللى بيظهر جدا بعد الجواز زى ما استاذ Ayman-Ahmed قال
و اخيرا محدش هياخد غير نصيبه
التغيير بيبقى نسبى من شخص لاخر تبعا لشخصيته و تفكيره و تربيته
الكويس لو شخصيته قوية و علاقته بربه كذلك صعب يتغيير للاوحش
الحمد لله
نفس وضعك اشتغلت سنتين مع مجموعة منعدمى الاخلاق كل شىء مباح حتى الخوض فى اعراض الزملاء
بالاستعانة بالله و التوكل على الله قدرت احمى نفسى و مبقاش زيهم و بفضل الله و توفيقه بقيت اعرف افهمهم و العبهم اوقفهم عند حدودهم , لدرجة ان فى اخر ايامى بقوا يحتنبوا الشغل
التدين
والصفات الشخصيه
انا تابعت كل الردود اللى فاتت ... والغريب انى ملقتش الا رد واحد جايب سيرة مستوى التفكير او الذكاء (وكان فى اخر مرتبة فى الرد)
عن نفسى انا مواصفات الزوجة اللى بدور عليها :
1- تكون ذكية ودماغها كبيرة ومتكنش ناشفة علشان اعرف اتعامل معاها بعد كده ولما تحصل مشاكل نعرف نحلها
2-تكون على قدر من التدين وتبقى عارفة واجباتها قبل حقوقها
3- على رأى والدى ( تكون خارجة من بيت عيلتها شبعانة )
3-الجمال ده انا شايفه نسبى ... انا اهم حاجة انى اقتنع بالبنى ادمة اللى قدامى ككل بكل حاجة فيه
عجبتنى جملة الفكر والعقل مهم جدا لأن فى شباب كتير عايزها مبتعرفش تفكر قوى عشان متعرفش تتناقش معاه ومش عايز يبقى لها رأى فممكن يكون ضد رأيه عايز يريح دماغه من الاخر وده تلاقيه واضح قوى فى واحد فى اواخر الأربعينات وعايز واحدة متخرجة من الكلية طازة ويقول اصل عشان اشكلها على مزاجى موهوم يا عينى : )
بس فى مشكلة كتير ناس تقول انا عايزها متدينة واول مالتدين بتاعها ده يصطدم مع رغباته ورغم اقتناعه بأن عندها حق يتخنق من تدينها ده
لو اتكلمنا مثلا عن رفضها الأختلاط فى الفرح او رفضها انه يمسك ايدها او اى حاجة هو عايز يعمل عكسها ساعتها بيبقى تدينها تشدد وخنقة
فبالنسبة للتدين بيتهيألى لازم يكون فى تقارب بينهم برضه مش فرق شاسع ونية قوية من الطرفين انهم يعلوا مع بعض
عن أبي هريرة - رضي الله عنه - أن رسول الله - صلي الله عليه وسلم - قال "تنكح المرأة لأربع: لمالها - ولحسبها - ولجمالها - ولدينها فاظفر بذات الدين تربت يداك" رواه البخاري ومسلم في صحيحيهما .
بص يا باشا
فكك من اي معايير
وانا بقول لحضرتك الكلام ده عن تجربة فعلا
انا خطبت مرتين
اهم حاجة .... لا معايير ولا غيره
اهم حاجة انت عاوز ايه
انت عاوز ايييييييييييييييييييييييي يه
حديث الرسول بيقول فاظفر بذات الدين
والمجتمع حواليك بيفرض عليك تقبل حاجات معينة وترفض حاجات
يعني في تقاليد .. في عيب .. في عيلة عاوزة تفرح بيك
في عيلة هتناسب عيلة تانية وهيبقوا واحد ومن حقهم يرتضوا الناس اللي هيناسبوهم
كل ده لازم يتاخد في الاعتبار
ومحدش طبعا يختلف علي اهمية الالتزام والتدين وانه ييجي نمرة وااااحد
لكن خلاصة تجربة عملية اقدر اقولك انك مش هترتاااااح الا لو اخدت واحدة انت مقتنع بيها
من الاخر علي مزاجك
سيبك من ايه المعيار او ايه المفروض
انت راحتك في ايه
دماغك ايه
متخدش حد مش هترتاح معاه عشان المفروض او الظروف او المجتمع او العيلة او الناس او منظرك او .. او ..
ارضي ابوك وامك لانهم اللي باقينلك
وقبلهم طبعا ترضي الله عز وجل
اما غير كده شوف انت هترتاح مع مييييييييييييييييييين
ودماغك ايييييييييييييييه
الموضوع دا مهم جدا
والله بقالي سنتين بدور علي عروسة مناسبة ومش عارف
ادعولي
المشكلة مش انك تلاقى اللى تعجبك مهى ممكن بعد متلقيها متقبلش بيك
خدوا عندكم التعريف دة من الفيس
تعريف العريس 2011
-----------------------
هو كائن هلامي معرض للرفض او الرفض من قبل اهل العروسة
صغير الحجم متوسط الطول احيانأ
متواضع ماديأ لا يتناسب مع مطالب ام و ابو العروسة
يطفح الكوتة عشان يجيب شبكة ويجهز شقة
وفي الاخر مرفووووض
يعيش ويتعايش
يأكل ويشرب وقليلأ ما يفرح ^_^
اشكرك و بالتوفيق