انصاص فيكترا بي بسعر الجمله!!!!!!!!!

عرض للطباعة

21-12-2011, 06:31 PM
فادى محمد

انصاص فيكترا بي بسعر الجمله!!!!!!!!!

السلام عليكم ورحمه الله وبركاته..
النهارده كنت مسافر المنصوره من الطريق الزراعي ولفت نظري انصاص فيكترا بي واقفه وسط انصاص مرسيدس وبي ام ..نزلت اسال الراجل علي شويه رفايع كده محتاجهم ,قاللي انه بيبيع جمله فقط يعني النص علي بعضه:U_thin1[1]: .
عرفته بنفسي وبالمنتدي بتاعنا والراجل زي العسل سجل بياناتي وتليفوني .لما سالته العربيه كامله تعمل كام ؟ قاللي نص امامي +نص خلفي +ابواب+سقف =12000ج (قاللي هديلك العربيه كامله بالمسمار مش ناقصه غير كاوتش وبطاريه)
طبعا ده سعر اولي ممكن ينزل الف او اتنين كمان ,استاذنته اني اتفرج عليهم شفت عربيه فضي 1600 سي سي ايكوتك والتانيه لونها كان اصفر زي المقاولون العرب بس موتور ديزل وفي واحده بنزين ..
الفايده بقي..... اللي عاوزمثلا موتور ممكن ياخد نص هيكون اوفر كتير من لو اشتراه لوحده وهيقدر يبيع كبوت ورفارف وعفشه اماميه واسكاترا ..
والراجل قاللي ان اخوه اللي بيتسوق دلوقتي هو في المانيا وبيسافر علطول,لو حد عاوز موديل معين بلون معين بيقدر يجيبهوله :S_thum1[1]:..
مش ناقص غير بيانات الراجل ..
ا سيد محمود متولي
المنصوره-بطره-طريق طلخا شربين السريع
0184099989(جوال)
0185584401
0198944777
00306948871855
ربنا يوفق ان شاء الله:36_9_4:
21-12-2011, 08:14 PM
mmamdouh73

والله سعر كويس يعنى لو كل 3 محتاجين حاجات مختلفة يشتروا عربية حيبقى اوفر وممكن بعد فترة يبقى عندنا اكتفاء ذاتى .
21-12-2011, 08:43 PM
wama00

تسلم يا فادى والله,, بجد فكرة كويسة جداااااا وممكن نتجمع ونشترى عربية كاملة واللى عايز حاجة ياخدها بجد المنتدى هنا ما شاء الله عليه اسرة بجد
ربنا يديم المعروف
21-12-2011, 10:14 PM
tananybasha

تسلم ايدك و عينك يا فادى
ما شاء الله عليك
بس فيكترا بى بس
ايه التفرقة العنصرية دى
21-12-2011, 11:08 PM
sniperwolf

بقولك اية يافادى باشا الراجل دة لية فى الاسترا بردة ولا ؟
22-12-2011, 12:09 AM
فادى محمد

ربنا يكرمكم ...
.انا ماشوفتش عنده استرا ولا فيكترا ايه
انما الراجل قاللي اي موديل اجيبهولك باللون كمان
22-12-2011, 12:13 AM
tananybasha

يعنى انت تعرفه كويس
و تثق فيه
اصل بالطلب هيطلب دفعه مقدمه
و الواحد مش مستحمل يضيع منه جنيه
22-12-2011, 12:26 AM
فادى محمد

اقتباس:

المشاركة الأصلية كتبت بواسطة tananybasha

يعنى انت تعرفه كويس
و تثق فيه
اصل بالطلب هيطلب دفعه مقدمه
و الواحد مش مستحمل يضيع منه جنيه

لا يا محمد انا اول مره اتعرف عليه ..
بس انا فرشت لينا عنده فرشه كبيره
وبعدين احنا مش هنشتري سمك في ميه
انت محتاج ايه يا محمد؟؟
22-12-2011, 12:42 AM
tananybasha

انا محتاج اعرف
دى اهم عندى
انا عايز ماف
و قاعدة موتور خلفية
مش اكتر من كده
22-12-2011, 01:36 AM
sniperwolf

بقولك اية يافادى باشا ......انا هكلمة بكرة اسالة على صالون استرا لو كدة اقولة اية او من طرف مين ؟
22-12-2011, 01:58 AM
mode_dode90

ولله فكرة جمده جدااااااااااااا انا ممكن اجيب نص امامي و اشطة انا عايز اغير
Abs
وكنت بفكر اعدل في المتور اجيبة 2000 ايكوتيك اوتومتك
و اغير مكنة البور
لالا دا انا ابيع و اروح اشتري احسن ولله :D
22-12-2011, 02:00 AM
mode_dode90

اروح اشتري نصين و اقفلي عربية اوبل 30000 سي سي و اريح دماغي و لو اتزنقت ممكن اجبها حصانين من نزلة السمان :d
22-12-2011, 03:21 AM
sniperwolf

اقتباس:

المشاركة الأصلية كتبت بواسطة mode_dode90

اروح اشتري نصين و اقفلي عربية اوبل 30000 سي سي و اريح دماغي و لو اتزنقت ممكن اجبها حصانين من نزلة السمان :d

لا هتلها حمارين احسن ولية حصانين و تكلفة الاحصننة غالية :d
22-12-2011, 08:22 AM
ashrafnoby

والله يافادى فعلا ربنا يكرمك انك جبته رقم التليفون علشان الاى عايز يسال فى حاجه
22-12-2011, 10:20 AM
Tiar

والله فكرة جميلة تسلم يا فادي

اعملو حسابي معاكم عاوز فيتيس لفيكترا ايه 2000 سي سي منوال بالديسك والاسطوانة

طيار
22-12-2011, 10:25 AM
alpota

تسلم يا فادي على اخبارك الجامده دي , انا معايا فيكترا بي 2001 ومحتاج تظبيط في العفشه جامد واكصدام امامي وخلفى , ممكن نتشارك ونشوف كل واحد محتاج ايه.
23-12-2011, 03:15 PM
dodee128

انا كلمته ورحتله وعلى فكرة الراجل ده جايب العربيات دى من اليونان وعلى حد علمى ان سواقط المواتير بتاعت اوروبا كلها بتنزل قبرص واليونان واللى انا لاحظته ان العربيات مش بمستوى النضافة المطلوبة يعنى حالتها تعبانه اوى
ولما سالته على الأوتوماتيك قالى مش هاقدر اجيبه لان الأوتوماتيك نادر فى اليونان
وعلى فكرة انا اتكلمت معاه فى الأسعار وقالى العربية الفضى ممكن تخلص ب8 الاف جنيه بس بردهه الماتور اللى عليها 1600 اللى بيسموه تيجرا وده غير مستحب على الفكترا
23-12-2011, 04:16 PM
windofchange

يعني ايه سواقط الموتور يا دودي ؟ يعني مواتير ماشية كتير ولا ايه
23-12-2011, 05:37 PM
dodee128

يعنى المواتير اللى بيها عيوب تصنيع او كما يقال الفرز التانى والمبدا ده معمول بيه فى مختلف الصناعات مش فى العربيات وبس
وعلى فكرة انا قبل ما اكتب المشاركة دى سالت تاجر قطع غيار استيراد قلى ان بضاعة اليونان بتكون اسوء بضاعة وعلشان كده بتيجى رخيصة وده لان اليونان دولة فقيرة والناس هناك بتستخدم العربيات استخدام سيئ وما بتحافظش عليها غير الألمان والإيطاليين والأسبان اللى بيبقى استخدامهم للعربيات عالى جدا غير ان هما بيجددوا موديلات العربيات باستمرار نظر ا لارتفاع مستوى الدخل
23-12-2011, 08:19 PM
haitham2011

اقتباس:

المشاركة الأصلية كتبت بواسطة dodee128

انا كلمته ورحتله وعلى فكرة الراجل ده جايب العربيات دى من اليونان وعلى حد علمى ان سواقط المواتير بتاعت اوروبا كلها بتنزل قبرص واليونان واللى انا لاحظته ان العربيات مش بمستوى النضافة المطلوبة يعنى حالتها تعبانه اوى
ولما سالته على الأوتوماتيك قالى مش هاقدر اجيبه لان الأوتوماتيك نادر فى اليونان
وعلى فكرة انا اتكلمت معاه فى الأسعار وقالى العربية الفضى ممكن تخلص ب8 الاف جنيه بس بردهه الماتور اللى عليها 1600 اللى بيسموه تيجرا وده غير مستحب على الفكترا

بس لو العربيات ده جيه فعلا من قبرص و اليونان هتبقي دركسيون يمين !!!
23-12-2011, 10:27 PM
kar!m

طيب ما اخد أنا عربية من اللى ب 12 ألف و اجمعها عند سمكرى .. بألف مثلا ولا حاجه و اركبها

أكيد محدش فكر فى الفكرة دى قبل كده :-)
23-12-2011, 10:39 PM
tananybasha

حرام
و فكرت فيها
و هتمشى بيها ازاى من غير ورق
23-12-2011, 10:54 PM
wama00

صحيح هتمشى بيها ازاى من غير ورق؟
23-12-2011, 11:04 PM
sniperwolf

مش حوار على فكرة اشترى عربية فيكترا حوادث تكون مش نافعة خالص وخد الورق بتاعها برقم الشاسية و هات العربية الاستيراد الى ب 12 الف دى و وديها عند سمكرى شاطر يلحم رقم الشاسية فى الاعربية الاستيراد دى ويستحسن تجيب العربية نفس لون العربية الى عاملة حادثة و نفس الموديل بس كدة الموضوع بسيط
23-12-2011, 11:22 PM
alzelafy

ايوا يا جماعه الناس دول بيبيعو عربيات جمله و العربيه بتكون كامله و ب 8000 جنيه مش 12 احنا جايبين بى ام 316 96 ب 8000 جنيه و دى طبعا اغلى من البى ام و سالناة على نيسان قالنا اى عربيه انا بسافر و اتسوق و اجيب العربيات للناس و الكلام دة فى بورسعيد واحد اسمو الحاج حسن فى عمارات بنك الاسكان و عرفنا بعد كدة انو بيشتغل جمله بس يعنى عربيات كامله مش موتور و فتيس و كلام من دة و كمان الجماعه بتوع الحرفيين بيشترو منو و يبيعو العربيات قطع يعنى يجيبو العربيه ب 8 الاف و يدولك الموتور ب 5000 مثلا و الفتيس 200 مثلا و الاكصدام ب 1000 و يتسلى بقى فى باقى العربيه ابواب و تابلوة و شنطه و عفشه و الباقى من السيارة هو دة الشغل ...... يعنى لو واحد عربيتو عاوزة مصاريف 5 الاف يجيب عربيه كامله احسنلو يزود 3 و يجبها اوفر بكتيير و ممكن نفس اللون و تبقى عربيتك فابريقا برة كمان بس بالطلب انا معايا ابيزا قالة اجبهالك ب 4500 يعنى تمن الموتور و جوز الاكصدامات لما سالت عليهم
23-12-2011, 11:30 PM
MOSHAKS

اقتباس:

المشاركة الأصلية كتبت بواسطة heshamxp

مش حوار على فكرة اشترى عربية فيكترا حوادث تكون مش نافعة خالص وخد الورق بتاعها برقم الشاسية و هات العربية الاستيراد الى ب 12 الف دى و وديها عند سمكرى شاطر يلحم رقم الشاسية فى الاعربية الاستيراد دى ويستحسن تجيب العربية نفس لون العربية الى عاملة حادثة و نفس الموديل بس كدة الموضوع بسيط

فعلا فى ناس بتعمل كده كتيييير بس مش عارف هل موضوع العربية الملحومة ده جامد ولا لا
23-12-2011, 11:36 PM
mmamdouh73

الموضوع بتاع السمكرى ولحام رقم الشاسية ده قديم لكن حرام وممكن يتعرف فى المرور
23-12-2011, 11:40 PM
sniperwolf

اقتباس:

المشاركة الأصلية كتبت بواسطة mmamdouh73

الموضوع بتاع السمكرى ولحام رقم الشاسية ده قديم لكن حرام وممكن يتعرف فى المرور

لا ياباشا ما انتا هتاخد الافراج الجمركى بتاع الموتور و كائنك مسقط موتور جديد فى العربية
23-12-2011, 11:41 PM
sniperwolf

اقتباس:

المشاركة الأصلية كتبت بواسطة moshaks

فعلا فى ناس بتعمل كده كتيييير بس مش عارف هل موضوع العربية الملحومة ده جامد ولا لا

اقراء كلامى كويس ياباشا انا مجبتش سيرة لحام شاسية او عربية خالص
24-12-2011, 12:09 AM
zendo

يعنى العربيات الانصاص دى بتتجمع وبتتلحم لحام بنحاس احمر اسمة كوريسلية وفية عربيات بتتباع كده كتير بس هل ده مياثرش على العربية مع الوقت فى المشى بالنسبة ان هى نصين
24-12-2011, 01:11 AM
Youssef.Awad

متابع باهتمام ..
24-12-2011, 01:35 AM
sniperwolf

اقتباس:

المشاركة الأصلية كتبت بواسطة zendo

يعنى العربيات الانصاص دى بتتجمع وبتتلحم لحام بنحاس احمر اسمة كوريسلية وفية عربيات بتتباع كده كتير بس هل ده مياثرش على العربية مع الوقت فى المشى بالنسبة ان هى نصين

ولحام لية يعنى ياريت تتابع الموضوع كويس من الاول وتقرا كلامى كويس علشان تفهم قصدنا اية بالظبط
25-12-2011, 06:26 PM
احمد فهمى

انا بس عايز اقول حاجه هو مين اللى حرم لحام العربيه؟؟؟؟ طيب محرمش ان ال 128 بتتباع فى بره مصر بثمن فيكترا سى انا شايف عادى وبعدين انت هتشتريها مش هتسرقها والموتور بورقو مع افراجو رسمى للمرور ورقم الشاسيه هتبقى شارى في سياره حادس يعنى عادى جدا الحرام انك تجيب عربيه جمرك وتزور فى ملف فى المرور وتفضل طول العمر عربيه مسروقه :)
25-12-2011, 07:17 PM
meika

لو كل الناس بتفكر كدة
كانت عاملته من زمان
25-12-2011, 07:58 PM
sniperwolf

اقتباس:

المشاركة الأصلية كتبت بواسطة ahmed_fahmy

انا بس عايز اقول حاجه هو مين اللى حرم لحام العربيه؟؟؟؟ طيب محرمش ان ال 128 بتتباع فى بره مصر بثمن فيكترا سى انا شايف عادى وبعدين انت هتشتريها مش هتسرقها والموتور بورقو مع افراجو رسمى للمرور ورقم الشاسيه هتبقى شارى في سياره حادس يعنى عادى جدا الحرام انك تجيب عربيه جمرك وتزور فى ملف فى المرور وتفضل طول العمر عربيه مسروقه :)

لا لحام الشاسية دة غلط علشان حضرتك لو بتشوف صناعة العربيات هتلاقى ان الشاسية بيتصب كلة حتة واحدة الحام دة غلط فى الحوادث و المطبات الجامدة لقدر الله بيبان و بيفك و بتبقى بدل مجرد حادثة بتبقى كارثة ..... وعربية مسروقة اية ياباشا انتا بس مش فاهم القصة عاملة ازاى ولا العربيات الاستيراد دى بتيجى ازاى