انصاص فيكترا بي بسعر الجمله!!!!!!!!!

**mode_dode90** · 22-12-2011 01:58 AM

ولله فكرة جمده جدااااااااااااا انا ممكن اجيب نص امامي و اشطة انا عايز اغير
Abs
وكنت بفكر اعدل في المتور اجيبة 2000 ايكوتيك اوتومتك
و اغير مكنة البور
لالا دا انا ابيع و اروح اشتري احسن ولله :D

**mode_dode90** · 22-12-2011 02:00 AM

اروح اشتري نصين و اقفلي عربية اوبل 30000 سي سي و اريح دماغي و لو اتزنقت ممكن اجبها حصانين من نزلة السمان :d

**sniperwolf** · 22-12-2011 03:21 AM

المشاركة الأصلية كتبت بواسطة mode_dode90

اروح اشتري نصين و اقفلي عربية اوبل 30000 سي سي و اريح دماغي و لو اتزنقت ممكن اجبها حصانين من نزلة السمان :d

لا هتلها حمارين احسن ولية حصانين و تكلفة الاحصننة غالية :d

**ashrafnoby** · 22-12-2011 08:22 AM

والله يافادى فعلا ربنا يكرمك انك جبته رقم التليفون علشان الاى عايز يسال فى حاجه

**Tiar** · 22-12-2011 10:20 AM

والله فكرة جميلة تسلم يا فادي

اعملو حسابي معاكم عاوز فيتيس لفيكترا ايه 2000 سي سي منوال بالديسك والاسطوانة

طيار

**alpota** · 22-12-2011 10:25 AM

تسلم يا فادي على اخبارك الجامده دي , انا معايا فيكترا بي 2001 ومحتاج تظبيط في العفشه جامد واكصدام امامي وخلفى , ممكن نتشارك ونشوف كل واحد محتاج ايه.

**dodee128** · 23-12-2011 03:15 PM

انا كلمته ورحتله وعلى فكرة الراجل ده جايب العربيات دى من اليونان وعلى حد علمى ان سواقط المواتير بتاعت اوروبا كلها بتنزل قبرص واليونان واللى انا لاحظته ان العربيات مش بمستوى النضافة المطلوبة يعنى حالتها تعبانه اوى
ولما سالته على الأوتوماتيك قالى مش هاقدر اجيبه لان الأوتوماتيك نادر فى اليونان
وعلى فكرة انا اتكلمت معاه فى الأسعار وقالى العربية الفضى ممكن تخلص ب8 الاف جنيه بس بردهه الماتور اللى عليها 1600 اللى بيسموه تيجرا وده غير مستحب على الفكترا

**windofchange** · 23-12-2011 04:16 PM

يعني ايه سواقط الموتور يا دودي ؟ يعني مواتير ماشية كتير ولا ايه

**dodee128** · 23-12-2011 05:37 PM

يعنى المواتير اللى بيها عيوب تصنيع او كما يقال الفرز التانى والمبدا ده معمول بيه فى مختلف الصناعات مش فى العربيات وبس
وعلى فكرة انا قبل ما اكتب المشاركة دى سالت تاجر قطع غيار استيراد قلى ان بضاعة اليونان بتكون اسوء بضاعة وعلشان كده بتيجى رخيصة وده لان اليونان دولة فقيرة والناس هناك بتستخدم العربيات استخدام سيئ وما بتحافظش عليها غير الألمان والإيطاليين والأسبان اللى بيبقى استخدامهم للعربيات عالى جدا غير ان هما بيجددوا موديلات العربيات باستمرار نظر ا لارتفاع مستوى الدخل

**haitham2011** · 23-12-2011 08:19 PM

المشاركة الأصلية كتبت بواسطة dodee128

انا كلمته ورحتله وعلى فكرة الراجل ده جايب العربيات دى من اليونان وعلى حد علمى ان سواقط المواتير بتاعت اوروبا كلها بتنزل قبرص واليونان واللى انا لاحظته ان العربيات مش بمستوى النضافة المطلوبة يعنى حالتها تعبانه اوى
ولما سالته على الأوتوماتيك قالى مش هاقدر اجيبه لان الأوتوماتيك نادر فى اليونان
وعلى فكرة انا اتكلمت معاه فى الأسعار وقالى العربية الفضى ممكن تخلص ب8 الاف جنيه بس بردهه الماتور اللى عليها 1600 اللى بيسموه تيجرا وده غير مستحب على الفكترا

بس لو العربيات ده جيه فعلا من قبرص و اليونان هتبقي دركسيون يمين !!!