اية الحل انا قرفت من المنطقة اللى ساكن فيها

**Lion_Heart** · 22-12-2011 10:06 PM

المشاركة الأصلية كتبت بواسطة aif

بلاغ اليى مأمورية الضرائب اللي تبعها المكان وصورة منه لوزير المالية ورئيس مصلحة الضرائب انه فاتح من عير بطاقة ضريبية
وبلاغ مشابه لضرائب المبيعات انه مش متسجل
وبلاغ مشابة للسجل التجاري انه معندوش سجل
وبلاغ مشابع للغرفة التجارية انه مش مسجل ف الغرفة
وبلاغ مشابة للدفاع المدني انه خطر وح يحرق العمارة
وبلاغ مشابه لرئاسة الحي انه بدون ترخيص
...
كل بلاغ اكتب نسخة مع التحية للسادة ./ فلان وفلان وفلان وصولا للوزير المختص
واكتب المبلغ اي اسم وهمي لو مش عاوز مشاكل معاه
وابعت الخطابات بالبريد
وابقي سلم عليه أوي

+1

**kar!m** · 22-12-2011 10:46 PM

عندى نفس المشكلة .. و نزلت للراجل 5 مرات أكلمه بكل أدب انه يشتغل جوه ورشته و يبطل يشتغل فى الشارع.

يقول لى أنا بشتغل بالنهار .. أقول له أنا بقول لحضرتك اشتغل جوه المحل مش امتى .. يقول لى طيب 5 دقايق بس .. و كل يوم من ده.

حاولت أقنع الناس اللى فى الشارع اننا نقول له كلنا .. قالوا لى ده جارنا و بتاع .. أقول لهم هو ما راعاش الجيرة .. و عارفين لو معندوش بديل كنت قلت ماشى . انما أنا بقول له اشتغل براحتك بس جوه المحل بتاعك و المحل فاضى .. انما متطلعش فى الشارع.

بس الناس فعلا سلبية جدا .. يعنى أكيد مش انت لوحدك اللى متأذى .. بس انت لوحدك اللى بتشتكى .. أو ممكن تقول ان الناس اتعودت انها ما تاخدش حقوقها .. فما دام بياكل و يشرب و لاقى مكان ينام فيه بيقول الحمد لله.

لحد ما تعبت بصراحه .. و حسبى الله و نعم الوكيل.

أنا برضه مستنى لما الدنيا تتضبط و هشتكيه ان شاء الله.

**Land_Cruiser** · 22-12-2011 10:51 PM

المشاركة الأصلية كتبت بواسطة lion_heart

:s_thum1[1]::s_thum1[1]::s_thum1[1]:
+1

فعلا الشكاوى الكتيرلاكتر من جهه ممكن تجيب نتيجه ان شاء الله
+11111

**medododo** · 22-12-2011 10:55 PM

بلغ انه بيصنع مسدس خرطوش
والعيار اللي ميصبش يدوش

**akramlail** · 22-12-2011 11:01 PM

المشاركة الأصلية كتبت بواسطة medododo

بلغ انه بيصنع مسدس خرطوش
والعيار اللي ميصبش يدوش

الله على دماغك

هيا دى الافكار الشيطانية اللى تشفى الغليل
بس اعمل الشكوى دى فين
اوعى تقولى الشرطة

**akramlail** · 22-12-2011 11:14 PM

تخيلوا لما الواحد يبقى كارة انة يروح بيتة اللى نفسة يرتاح فية
ساعات لما بتفرج ف التلفزيون على بلد زى دبى وغيرها وانا مزهول
اقول نكونش احنا فجهنم وبنتحاسب على افعالنا ومش عارفين
ملهاش وصف تانى جمب البلاد دى

**Medo007** · 23-12-2011 01:28 AM

قدامنا على طوول محل نص متر فنص متر بيرش وبيعمل تجديد للخشب
يعني تودي له اوضة نوم يرشهالك اييييييييييييييييه مية مية
وتخيلوا ياجماعة بيرش فين في الشارع !!!
اه والله في الشارع قدام العربيات وريحة الرش بتوصلنا لفوق

المشكلة انه جارنا برده وبيحرجنا يعني لو حد جيه يلعب في العربية يزعق له ويقوله العب بعيد وكده
بس فنفس الوقت احنا منضرين منه اكتر واكتر

كل شوية لازم نغطي العربية عشان الرش ده بيعمل هبو وبيخلى بوية العربية خشنة مع الوقت

انا بقى كل شوية اروح مشوار صغير ارجع اغطيها على طول
حتى لو خارج بعديها بربع ساعة اغطيها برده وارجع اشيل الغطا

ولو سبتها مره مش متغطية
يخبط علينا ويقول هنررررررررش

الله يخرب بيت الرش وسنين الرش
ساعات والدي لما يجي وينسى يغطيها وبتحصل كتير
دلوقتي البوية في عربية والدي بقت خشنة جدا وعايزة تتلمع ببولش

لكن اانا الحمدلله مفيش مشاكل

العيد اللى فات قفل المحل اسبوع كامل

عشان العيد وكده , عايز اقولكم اني كنت فراحه تاااااامة اجي براحتي واسيب العربية مش متغطية
وفضلت اسبوع كده بالى مرتاح بعد العيد بقى اول ما فتح وشوفت وشه مبقتش اطيقه
وبقيت اركن واسيب العربية مش متغطية عشان يخلي عنده دم

ودعيت عليه من كل قلبي وقلت يارب يوفق حالك ومشوفكش شغال دلوقتي فعلا
الشغل بقى قليل

ربنا يرحمنا من الناس اللى دماغها تعبانة دي

**Medo007** · 23-12-2011 01:32 AM

ومره كلمته وقلت له على فكرة بره في مجال الشغل اللى زي ده بتبقى عبارة عن صالات كبيرة متغطية بعيدة عن مناطق السكن عشان متضرش الناس والريحة دي
عمل فيها عبدو العبيط وقالى اه فعلا بس بره بقى امكانيات كتير وكده

يارب يوقف حال كل واحد بيضر بالناس وميوفقوش في شغله ويصرفها على مرضه

**al_manara** · 23-12-2011 08:02 AM

المشاركة الأصلية كتبت بواسطة aif

بلاغ اليى مأمورية الضرائب اللي تبعها المكان وصورة منه لوزير المالية ورئيس مصلحة الضرائب انه فاتح من عير بطاقة ضريبية
وبلاغ مشابه لضرائب المبيعات انه مش متسجل
وبلاغ مشابة للسجل التجاري انه معندوش سجل
وبلاغ مشابع للغرفة التجارية انه مش مسجل ف الغرفة
وبلاغ مشابة للدفاع المدني انه خطر وح يحرق العمارة
وبلاغ مشابه لرئاسة الحي انه بدون ترخيص
...
كل بلاغ اكتب نسخة مع التحية للسادة ./ فلان وفلان وفلان وصولا للوزير المختص
واكتب المبلغ اي اسم وهمي لو مش عاوز مشاكل معاه
وابعت الخطابات بالبريد
وابقي سلم عليه أوي

فكرة كويسة جدا .

طيب الي شايف عمارات بتبني ادوار مخالفة . يبلغ فين ؟

**medododo** · 23-12-2011 10:12 AM

المشاركة الأصلية كتبت بواسطة akramlail

الله على دماغك

هيا دى الافكار الشيطانية اللى تشفى الغليل
بس اعمل الشكوى دى فين
اوعى تقولى الشرطة

جواب إلي السيد وزير الداخلية
وأرميه في أقرب صندوق بريد

ألبس كيس بلاستيك في إيدك عشان البصمات

وأكتب الراسل حد شغال عنده في الورشه

عشان ترتاح من الفريق كله قد 3 شهور تحقيق

وطبعا أنا برىء من المصلحة دي انا مجرد ناصح أمين

الموضوع: اية الحل انا قرفت من المنطقة اللى ساكن فيها

LinkBack

أدوات الموضوع

عرض

-

-

-

-

-

المواضيع المتشابهه

تحذير من الاتعامل مع الاستاذ طارق اللى ساكن فى شارع دمشق

الكارينز فيها البتوعتين اللى فوق دول اللى عاملين زى الشبكة

الى الدكتور: احمد شهدى اللى ساكن فى قسم اللوجان العربية فيها سم قاتل

المنطقة اللى فوق الكاوتش؟

الكلمات الدلالية لهذا الموضوع

المفضلات

المفضلات

ضوابط المشاركة