شاب و بجد محتاج مساعدة من احلى اعضاء فى المنتدى

**saher19** · 25-05-2008 06:29 AM

سلام عليكم على احلى اعضاء
انا شاب 19 سنة و معايا 40000
و عاوز اجيب بيهم عربية بس تكون تكيف و باور اشطة يعنى دول اساسى
و تكون عربية موديل 2000 او 2001 كدة يعنى
بفضل لو اعرف اركب جوليت ب 40000 الف اولانوس او فيرنا

و ايه رايكم فى العربيات دى من ناحية البنزين لانى انا بستخدام العربية كتير و عالطول فى الساحل فا ايه رايكم فى العربيات دى من ناحية انها تستحمل الطريق و توفير فى البنزين ولا لا

ياااااريت بجد تساعدونى لانى محتاج اعرف بجد
ومشكوررررررررررين

**freez** · 25-05-2008 07:04 AM

بص يا باشا انت بتتكلم فى 40000 صح
عندك الماروتى
وممكن لانوس بس هتبقى 99 مثلا وهى عربيه محترمه وجميله
وفى برده التيمبرا هى عربيه قويه وجميله انا ماشى بيها زى الفل
و الاكسل طبعا والرينج بتاعها بيبقى اقل من 40 يعنى ممكن تجيب عربيه منها فابريقه وملهاش حل ويتبقى معاك فلوس تصرف عليها قبل ما تركبها
والابيزا
تمام
نيجى للبنزين طبعا ده هيرجع على حسب موتور العربيه لو انت عايز عربيه يكون استهلاكها للبنزين قليل يبقى خليك فى ال 1300cc
وبصراحه انا توهت وانا برد على موضوعك
املى استمارة الشراء علشان تلاقى مساعده اكتر وادق من اعضاء المنتدى

**hazem_khidr** · 25-05-2008 10:14 PM

باقل من التمن دا بشويه ممكن تجيب اكسيل 1500 فول اوبشن 98 .
عربيه ممتازه وا ستهلاك بنزينها جميل جدا.

**halimo** · 25-05-2008 11:20 PM

ممكن تجيب فيكترامو 95 1600 سى سى عربية محترمة وبتاعة سفر بجد واستهلاك بنزين متوسط بس فيها عيب واحد فقط هو قطع غيارها غالية لانها المانى لكن بتعيش كتير واحد صاحبى معاة لسة مغير دسك واسطوانة بتوع الفابريكة وعامل بيها 300000 ك واهم من كل دة طالما انت بتسافر الساحل كتير العربية ثابتة على الطريق بشكل رائع فتبقى مطمئن على نفسك وانت ماشى.
اما باقى العربيات الكورى ال الاخوة قالوا عنها كويسين لكن حتة الامان على الطريق فيها شك كبير وبالنسبة للتمبرا عربية رائعة وممتازة بس قطع غيارها غير متوفرة راجع النقطة دة كويس لو فكرت فيها وربنا يوفقك ان شاء الله.

**saher19** · 25-05-2008 11:46 PM

أولا مشكوررررين بجد على الرد

بس يعنى هما ال40000 مش يجيبوا لانوس1 2000

**saher19** · 26-05-2008 12:10 AM

يعنى لو سمحتووا عربية لانوس 2000 بالمواصفات دى تعمل كام
جميع الكماليات مانيوال تكييف باور سنترلوك زجاج كهرباء 4 مش فارقة لو رشت بره
انما تكون حالة الموتور كويسة و مش مشيت كتيرر