يعنى حضرتك تجيب 80 كم\ساعة على الغيار التانى وميبقاش قرص؟
عرض للطباعة
يا جماعة علي فكرة انا الموضوع ده بيحصل معايا ونا بنقل عادي مش بقرص بمعني الكلمة ده بيحصل حتي ونا بنقل علي 2.5 ولاز م اشيل رجلي من علي البنزين براحة علشان rpm ميعلاش
وهو حضرتك بتجيب 80 على التاني والآر بي ام على 4 ؟؟؟ غريبة دي..
واصلا البروشور والكتالوج الرسمي لشير العالمية موضح إن اقوي عزم للسيارة ما بين 4100 - 4300 لفة.. يعني برضوا مفيش قرص.. وكمان لما الآر بي ام يعلى لـ 5 و 5.5 او 6 يبقى دا اسموا ايه بقا طالما حضرتك بتقول ان 4 دا قرص... ؟؟
خالص التحية
مش هنختلف هنقول 70 كم\ساعة على التانى وار بى ام 4 تمام كده؟ او بغض النظر عن الار بى ام خلينا فى صوت الموتور بيكون عامل ازاى؟
ثانيا ار بى 5 و6 ده اكيد على الخامس مش اقل من كده واتفق معاك انه مش قرص
ثالثا والاهم والاعم ان كل اللى اقصده ان الراجل يحافظ على الموتور من ناحية ومن ناحية تانية يوفر حرق بنزين --- أعتقد ان كل ما نقلت بدرى ومحرقتش على الغيار بيكون اصح وافضل للعربية
تحياتى لك
استاذي الفاضل.. ربنا ما يجيب خلاف..
طبعا الار بي ام العالي = بنزين اكتر ، لكن مش شرط إن ال 5 وال 6 يكون ع الخامس بس.. بدليل ان العربية ممكن تقلبها لنمط السواقة الرياضية..... :) :)
اكيد طبعا حضرتك تقصد ان الراجل يحافظ ع الموتور - جزاك الله خير - لكن مع ار بي ام 4 برضوا حيحافظ عليه وكمان اداء العربية والعزم والسحب حيكون افضل..
تقبل خالص التحية