الموضوع: محتار بين صنى و لا الاكسنت ار بى

المشاركة الأصلية كتبت بواسطة Ahmazong

أولا بالنسبة للفئة ..

حضرتك لو accent وصلت لفئة optra و الصني مكانوش عملوا elantra ..

1. accent بتقارن بـ verna , لانوس , لوجان , new accent , aveo , yaris , honda city ..
2.elantra بتقارن بـ optra , صني , cruze , هوندا civik , كورولا , تيدا , و حتى الجيتا ..
3.sonata بتقارن بـ accord , camry , skoda superb , و هكذا ..
كل الفئات ده ثبتة لا تتغير .. العالم كله ماشي بيه ماعدا مصر .. حتى الخليج ماشي عليه .. عمر مافئة بتطغي على التانية .. حتى لو ديه بقلها 100 سنة و والتانية بقلها سنة .. وعمر التكنولوجيا مابتزود الفئة .. بتغلي الفئة مش اكتر ..

ماهى وصلت ليه ؟ عشان بتتطور والاتنين التانيين زى ماهما داخلين فى 10 سنين بدون تغيير

لكن زمان كان فعلا الاكسنت اقل منهم بفارق

عارف يادكتور الاكسنت الشكل بتاع 1996 كان ابعادها طول 4117 وقاعدة عجلات 2400

وبعد كدا الجيل بتاع 2003 اللى هى الفيرنا عندنا حاليا طول 4260 وقاعدة عجلات 2440

وبعدهم النيو اكسنت طول 4280 وقاعدة عجلات 2500

وحاليا الار بى طول 4370 وقاعدة عجلات 2570

يعنى العربيه فى 10 سنين طولها زاد حوالى 15 سم وقاعدة عجلاتها زادت 17 سم , ودى ارقام بتخليها تقرب من عربيات المفروض انها فئة اعلى

فى مقابل عربيه زى الصنى ابعادها زى ماهى تقريبا من سنة 2000 ويمكن قبل كدا لحد 2012

وطبعا احنا عندنا في مصر الكفة معوجة شوية .. وده لللاسف بسبب جشع التجار .. مع احترامي لشركة هيونداي و شفروليت مصر .. أسوء توكيلين في مصر .. والناس فاكرة طول مالعربية غالية تبقى أحسن من غيرها الرخيصة .. يعني مثلا متجيش تبعلي عربية بتقارن بالفيرنا < مع فرق التكنولوجيا طبعا > ب 115 ألف ليه هو نهب ..

طبعا هأقول تاني ده بس في مصر ..

بغض النظر عن الاسعار كل كلامى كان على الاحجام , وطالما اتكلمت عن السعر على فكره الاكسنت اربى فى امريكا تمنها 14,195 الف دولار والنيسان فيرسا او التيدا الجديده 2012 تمنها 10,990 الف دولار !!!

عموما ما علينا من النقطه دى

موضوع العزم ..

حضرتك الأرقام اللي صح بس للاوروبي والياباني .. ارقام الكوري عن الهورس بور ده مش elnet .. حضرتك ممكن cerato توصل ل 90 هورس بور net .. وبرده الانترا كذلك بس أعلى شوية ..

الكلام دا مش مظبوط حضرتك يمكن تقصد ال wheel او القدره الصافيه من العجل والموتور راكب فى العربيه اللى بتتقاس عال dyno , ودى فعلا ممكن تنزل السيراتو من 124 ل 90 , وكذلك معظم العربيات هاتنزل 20 - 30 حصان

لكن موضوع Gross و Net الفرق ان الجروس قوة الموتور لوحده تماما وال Net هو قدرة الموتور وهو لوحده برضه مش راكب فى العربيه بس بيركب فيه بعض الملحقات , النقطه دى يشرحها حد من الاساتذه المهندسين فى المنتدى هايكون افضل منى بكتير واوضح

لكن معظم الشركات سواء كورى اوروبى يابانى بتقيس Gross

وكمان حاجة .. ليه حكمه على مواتير نيسان إنها بتقارن ب مواتير الهوندا .. مواتير النفس الطويل.. عشان كده حضرتك ممكن عربية زي الفيرنا .. تطلع من أي عربية قدمها .. لكن بعد كده العربية بتقطع نفس ومبتقدرش تكمل على سرعة عالية .. كل ده بسبب ضعف العزم.. كده حضرتك بتساوي بين موتور الصني والفيرنا من حيث العزم .. اللي من رغم تُقل الصني تطلع من الفيرنا على السرعات العالية بسهولة جدا ..
ده اللانوس يا راجل بتطلع من الفيرنا على السرعات العالية ..
أنا بكلم حضرتك على logics مش موضوع numbers وخلاص ..

تحياتي لحضرتك ..

الفيرنا على فكره عزمها مش ضعيف دا 144 نيوتن و 106 حصان , وبالحجم والوزن دا يعتبر ممتاز , والكل يشهد للفيرنا خاصة فى موضوع التسارع , صعب اوى بصراحه الصنى او اللانوس يطلعوا منها فوق او تحت ال 100

وخالص تحياتى ليك يادكتور