عايز اروح عند نادى الصيد

**midoabdeen** · 23-12-2011 11:49 AM

عندى ميعاد بكرة وهقابل الراجل عند بنزينة الامياراتى هو بيقولى قبل نادى الصيد
انا هاتحرك من ميدان السواح لهناك
ومش عارف اركب اية ومنين

**Ahmed_Rahem** · 23-12-2011 02:15 PM

انهى نادى الصيد المهندسين ولا 6 اكتوبر، لان لا دة ولا دة جنبة او قريب منة بنزينة للاماراتية، وضح حتى انهى حى,

والسلام ختام

**abdo_general** · 23-12-2011 10:30 PM

بص ياباشا انا مش عارف ميدان السواح دا فين بس علي ما اعتقد انه الي قريب من مسطرد وشبرا الخيمة وترعة الاسماعليه

المهم انت هتطلع الدائري في التجاه القاهرة الجديدة والمعادي

انت تقريبا بتتكلم مواصلات انا مش عارف نظام المواصلات عندك ايه

بس انت لو تقدر تروح مثلا لموقف العاشر وبعديه هتركب من موقف العاشر ميكروباص رايح المنيب

الميكروباص هيمشي في اتجاه زهراء مدينة نصر والقاهرة الجديدة والقطامية

ونادي الصيد هيبقي علي يمينك وبعديه علي الشمال بنزينة امارات مصر

دا كده لو انت جاي من اتجاه موقف العاشر

اما لو جاي من اتجاه المنيب

هتركب ميكروباص رايح زهراء مدينة نصر

وقبل كارفور المعادي بحوالي 1 كيلو هتلاقي بنزينة امارات مصر علي يمينك وبعديها بشوية نادي الصيد علي الشمال

المهم بس قدام انت مش عارف المكان بالظبط تابع مع سواق الميكورباص الي انت هتركبه علشان هو ينزلك عندها

وتوصل بالسلامة ان شاء الله

ومعلش الوصف مش كامل بس علي قدي

:)

**Eng_hatemfathy** · 23-12-2011 10:58 PM

اركب من عندك اى حاجه لنادى السكه واركب من هناك ميكروبا ص المعادى او حلوان وانزل منه فى المعادى على الاوتوستراد تحت الدائرى اى قبل صقر قريش بشويه هتلاقى كل اتوبيسات المقطم بتقف هنا اركب اى واحد وقوله نزلنى المسجد او البنزينه وساعات ميكروباصات بتحمل برده من نفس المكان وبتقول قطاميه وبالتوفيق