بالله عليكم أفيدزنى سينيك مش بتدور خالص

**mohamedadelemam** · 25-12-2011 10:09 PM

السلام عليكم..والدى معاه رينو سينيك موديل 2005 وعاملة حوالى 40000كم..العربية كانت زى الفل..ركنها وبعد كدا حلفت ما تدور أبدا.يعنى المارش بيدور بس الموتور مبيلقطش.وأنا معرفش حاجة فى العربيات الانجكشن دى..المهم أخر ما زهقت دخلت لها شوية بنزين من بوابة الهواء(على فكرة نفس موتور الميجان بالظبط)دارت لمدة ثوانى واتطفت تانى..فأنا اعتقد انها طرمبة بنزين..فحضراتكم أفادكم الله أفيدونى فين بالظبط مكان الطرمبة أو الفيشة بتاعتها يمكن عايزة تتنضف..وياريت بالصور جازاكم الله خيرا ولو هى حاجة غير الطرمبة تبقى إيه؟..جازاكم الله كل خير

**ecybrarian** · 25-12-2011 10:53 PM

انا مااعرفش سبب عدم الدوارة..لكن لو بتسأل على مكان طلمبة البنزين؟ هاتلاقيها تحت الكنبة

**mohamedadelemam** · 25-12-2011 11:04 PM

جزاك الله خيرا بس حضرتك هى 3 كراسى..لما شلتهم لقيت فرش خيش كدا..حضرتك دا بيتفك؟..

**ecybrarian** · 25-12-2011 11:16 PM

حضرتك عايز تعمل الموضوع دا بنفسك؟؟ هو انت ممكن توصل لغطاء طلمبة البنزين والفيشة بتاعتها، بس مش هاتقدر تفك الغطا دا علشان بيتفك بمفتاح معين..انا حصل معي موقف مشابه بس عربيتي ميجان..عموما كل العربيات الانجكشن طلمبة البنزين بتبقى في قلب التنك..والطلمبة لها غطا تحت الكنبة في نفس الجنب إللي فيه فتحة التنك..لو هاتفك البطانة يبقى بالراحة علشان مايتقطعش في ايدك
دا كان إللي حصلي http://www.nilemotors.net/Nile/71740-a.html
وعلى فكرة انا زمان غيرت الطلمبة والعوامة بواحدة استيراد بتاعة سينيك اصلا..

**mohamedadelemam** · 26-12-2011 12:56 AM

السلام عليكم..جزاك الله كل خير..حضرتك أنا كانت كل مشكلتى انى أعرف المكان إنما الحمدلله أنا عندى عدة كاملة وبإذن الله أعرف أفكها..عموما يارب تكون الطلمبة فى نفس المكان فى السينيك ومتشكر جدا لحضرتك

**shawkylotfy** · 26-12-2011 04:39 AM

ممكن تكون فيشة الطلمبة بتاعة البنزين

**Ahmed Selim** · 26-12-2011 05:13 AM

لصاحب الموضوع:

الطرمبة محتاجة مفتاح خاص بيها مش موجود عند أى ميكانيكى.........موجود عند بعض بتوع رينو فقط.....يعنى غالباً مش هتلاقيه عندك.

نصيحتى ليك تشوف حد بتاع رينو و تخليه يشوفلك المشكلة أيه أحسن.

ليه بقولك كده ؟

علشان الطرمبة عبارة عن حاجتين.........بودى بلاستيك و موتور الطرمبة
اللى بيبوظ بيبقى الموتور و ده جديد ماركة بوش بحوالى 350 جم........لو و أنت بتحاول تفك الطرمبة كسرت البودى البلاستيك هتضطر تشترى طرمبة كاملة مستعملة و دى أعتقد فى حدود ال 600 إلى 700.

**shawkylotfy** · 26-12-2011 06:32 AM

ممكن يكون سلك ساح فى علبة الفيوزات حصلت مع صاحبى قبل كدة فى ميجان 2005 والميكانيكى جالة فى الجراج وفتح علبة الفيوزات الى فى الكبوت وقشر سلك ولحمة ودور دارت...

**mohamedadelemam** · 26-12-2011 06:42 PM

السلام عليكم..متشكر لكم جميعا وكتر خيركم..والحمدلله فكيت ال3 كراسى اللى ورا..هى طلعت مختلفة شوية عن الميجان ان بعدها فكيت فرش الشاسيه ثم لوح صاج ثم الأدراج اللى تحتها ثم سفنج كتير ثم الحمدلله لقيت فتحة التانك وطلعت جزء من الفيشة شايط..الحمدلله صلحتها ودارت السيارة..بارك الله فيكم جميعا لمساندتى ومساعدتى ..ومعلش يا وحوش استفسار تانى هتعبكم معايا..ايه سبب ان الفيشة شاطت؟..أنا أعتقد انه بيبقى بسبب سللك مش كويس أو حاجة ملخلخة..ولا إيه رأيكم؟

-

الموضوع: بالله عليكم أفيدزنى سينيك مش بتدور خالص

LinkBack

أدوات الموضوع

عرض

-

-

-

المواضيع المتشابهه

بالله عليكم أفيدوني

عربيتى البولو مش بتدور خالص بالله عليكم فيدونى

بالله عليكم افيدوني

بالله عليكم حد يقولي اية ده

افيدووونى بالله عليكم

الكلمات الدلالية لهذا الموضوع

المفضلات

المفضلات

ضوابط المشاركة