هبدة في الفتيس و اختفاء حركة الغيارات المانوال في ميجان 2

النهاردة و انا علي طريق السفر حصلت حاجة غريبة
حصلت هبدة كدا و فجاءة العربية جابت التالت و ورضيتش تجيب الرابع قلبت العربية علي المانوال درايف لاقيت انها ما بتقلبش ة علامة الاستيبترونك اختفت و مش شغالة
و انا ماشي اخدت مطب العربية رجعت طبيعية تاني تماما ... علي الاتوماتك و الاستيبترونك

و انا راجع برضوا في الطريق حصل نفس الموضوع تاني و فضلت ماشي علية .... لحد ما دخلت البلد و فجاءة كل حاجة رجعت طبيعية جدا .... مع العلم اني كنت ماشي في الحالتين علي 130 كم

هل يا تري هي دي مشكلة شنابر الديل بتاعت الفتيس و لا ممكن تكون مشكلة كهربا او فيش مش متثبتة كويس

مع العلم ... مفيش شك جير بوك .... و لا جير اوفر هيت ... ولا اي رسالة تحذيرية لا سابقا ولا لاحقا .
و شكرا ع المساعدة :grrrr: :crashcomputer5:

جرب تنضف فيشة الكنترول بتاعت الفتيس وشوف معتقدش انها شنبر

اكيد مشكلة فيش الكهربا خلى كهربائي كويس يراجع على الفيش وينضفها بأسبراى جاف وإن شاء الله بسيطة

مشكله عندك عيار مشط الجير .

ده المشط اخي الغالي
http://im16.gulfup.com/2011-12-26/1324912742441.jpg

اقتباس:

---

المشاركة الأصلية كتبت بواسطة mahmoudfs

ده المشط اخي الغالي
http://im16.gulfup.com/2011-12-26/1324912742441.jpg

---

استاااااذ..اهلا بك في المنتدى

هو المشط دا بيتنضف ازاي؟؟ اقصد هل لازم يتحل او يتفك من مكانة؟ وهل لازم ننضف برضة وصلات كومبيوتر الفتيس؟ كمبيوتر الفتيس إللي فوق الرفرف الشمال

الف شكر للاسود

بالنسبة لمشط الجير ... مين ممكن يظبطة او يعايرة لاني عارف انة لازم متخصص يعايرة باستخدام الافوميتر

اقتباس:

---

المشاركة الأصلية كتبت بواسطة superplanner

الف شكر للاسود

بالنسبة لمشط الجير ... مين ممكن يظبطة او يعايرة لاني عارف انة لازم متخصص يعايرة باستخدام الافوميتر

---

فعلا..انا قرأت الموضوع في service manual دا بعد ما استاذنا mahmoudfs جاب لنا مكانه..لازم يتقاس بالأوم Ohm ولازم قياس المقاومة يبقى صفر (راجع 23A-39)..انا شخصيا هاكلم المهندس خالد الزيني

Service manual link
http://www.uas-bg.com/meganii/eng/MR364MEGANE2.pdf

انا عندى الموضوع ده فى 307 AL4 لسة بادئ قريب و العربية بتفضل على ال D و مش بتنقل , انا كنت فاكر الفتيس بيسخنلانى لما كشفت بالكمبيوتر كان جايب temp sensor fault و غيرت الكولر بس منغير نتيجة
برده محتاج اعرف لو حد الفتيس عنده كان بيسخن لانى حاسس فعلا انه بيسخن و فى ريحة كده زي بتاعت العربية الجديدة لما بتحرق عليها.

الف شكر للرجالة

بعد بحث و نط و فط علي النت و التدوير و داونلود صور و خرايط كنترول و بلاوي
اكتشفت ان المشكلة هي ان في فيشة السوتش اتفكت ووقعت و هي اللي عملت الفلم الرعب دا

قام العبد لله نايم تحت العربية و مد ايدة و ركب الفيش و مقولكوش الدنيا بقت فللة الحمد للة و كلة رجع طبيعي

علي فكرة الفيشة في الفتيس من تحت ناحية وش الفتيس و هي فيشة 2 بن لونها اصفر

و الف شكر ع المشاركة:verygood:

اقتباس:

---

المشاركة الأصلية كتبت بواسطة superplanner

الف شكر للرجالة

بعد بحث و نط و فط علي النت و التدوير و داونلود صور و خرايط كنترول و بلاوي
اكتشفت ان المشكلة هي ان في فيشة السوتش اتفكت ووقعت و هي اللي عملت الفلم الرعب دا

قام العبد لله نايم تحت العربية و مد ايدة و ركب الفيش و مقولكوش الدنيا بقت فلله الحمد لله و كلة رجع طبيعي

علي فكرة الفيشة في الفتيس من تحت ناحية وش الفتيس و هي فيشة 2 بن لونها اصفر

و الف شكر ع المشاركة:verygood:

---

الله ينور ياباشا و حمدالله على سلامه ميجى