الموضوع: موضوع هيغير مفاهيم ناس كتير عن البنزين وخصوصا بنزين 95 ..معلومات غريبة وقيمة جدا

المشاركة الأصلية كتبت بواسطة fbiahmed

مع قلة معرفتي بالفيرنا بس طبقا للمبادئ (ابتدي بالترتيب ده عشان متصرفش كتير)
1- غير بوجيهات و فلتر و ازبط العربيه على جهاز obd II و اكشف على tps sensor , control
2- غير سلوك البوجيهات
3- غير حساس الكرنك
4- اكشف على الرشاشات
5- اظبط تاكيهات

الف شكر يا استاذ احمد على المعلومات دى

المشاركة الأصلية كتبت بواسطة fbiahmed

صباح الفل العلبه السودا الي في اول الشكمان في وش العربيه الي راكب فيها حساس الاوكسجين الجديد الي في الصني 2011 الي تحت ال heat sink الي بيقعد يطقطق بعد ما تطفي العربيه في البرد هي دي علبة البيئه صباح الصباح مش بقولك وبرده المانيوال قريت مكتوب فيه ايه مينفعش اقل من 92 و موصى ب 95

حبيب قلبى يا باشمهندس احمد
اعتقد والله اعلم ان نيسان حاطه فى حسابتها سوء انواع الوقود فى بعض دول العالم الثالث فقط لا غير وان البنزين 92 وال 95 مش حيفرقوا فى محرك النيسان وذلك طبقا لنسبة انضغاط المحرك
وعموما الكلام المكتوب فى الكتالوج مش مختلف عن الكلام المذكور فى الموضوع ,
المشكلة ان c.r. بتاعة المحرك جاية فى المنطقة الفاصلة بين الجازولين 92 & 95 واى غش ولو بنسبة بسيطة فى نوعية الوقود حيفرق فى اداء السيارة .
انا شخصيا اضمن نوعية الجازولين اللى خارجة من شركات البترول .
لكن لا اضمن ظروف التخزين وضمير اصحاب البنزينات
عن نفسى لما بلاقى بنزينة تابعة لشركة بمون منها وانا مغمض
انما لو تابعة لعميل بحط ايدى على قلبى
على فكرة بنزينات وطنية كلها تبع الجيش واحتمال الغش فيها ضعيف جدا .

المشاركة الأصلية كتبت بواسطة ahmazong

!!!!!!!!!!!!!!!!!!!!!

كل عام وانت بخير يا دكتور
انا آ سف على التاخير فى الرد
النت ظروفة وحشة شوية
بيقطع لما بكون فاضى وعايز اكتب ردود فى المنتدى

المشاركة الأصلية كتبت بواسطة ahmazong

اخيرا جيت يا حسام باشا ...
عايزين رد على الأسئلة ديه ؟؟؟؟؟؟؟؟؟؟

الضغط البخارى للبنزين يرتبط ارتباط وثيق بدرجة الحرارة , ويتناسب تناسب طردى , يعنى كلما ارتفعت درجة الحرارة كلما ارتفع الضغط البخارى وبالتالى كلما ازداد البخر , ولذلك فاننا كمصنعين للبنزين بنحط فى اعتبارنا ان الضغط البخارى للبنزين فى الصيف اقل من الشتاء لان درجة الحرارة فى الشتاء اقل من الصيف ,
يبقى احنا بقر الامكان بننتغلب على فرق درجة الحرارة بتقليل الضغط البخارى وبنراعى كده فى المواصفة التصنيعية
الاستهلاك فى الصيف بيزيد لعدة عوامل اخرى منها الزحام او استخدام المكيف فى العربية ويضاف بالطبع الى ذلك ارتفاع درجة الحرارة .
بالنسبة للمحركات ذات نسبة الانضغاط 9.8 فاعتقد الاقدر على اجابة هذا السؤال هو مصنع السيارة
الكتالوج هو الحكم والفيصل .
لو الكتالوج قايل 92 يبقى لا تضع اقل من ذلك , والاعلى من ذلك هو تهدير فى الفلوس
لو الكتالوج سايب الموضوع بدون تحديد فطبقا لمعلوماتى تحط 92 ( على لاقل ) وتكون ضأأأأأأأأأأأأأأأمن كويس قوى ان البنزينة محترمة ومش بتضرب البنزين
على فكرة ضرب البنزين بيكون بغشة ببنزين 80 الاقل فى السعر
وحل الموضوع ده رفع سعر ال 80 ويكون متقارب من 90 - 92 بحيث لا يغرى البائع على الغش
احيانا بعض القرارات تكون موجعة ولكن فى المصلحة العامة .

المشاركة الأصلية كتبت بواسطة ahmazong

طب شفت موضوع 95 ده .. بيقولك زي ما أنت شايف < من اجل تحسين أداء السيارة > //
إيه معنى الكلام ده ..

التفسير الوحيد بالنسبة لى ان نيسان عاملة حسابها على موضوع سوء انواع الوقود المستخدمة فى الدول اللى بيتم فيها استخدام هذا الموديل
لما يكون عندك بنزين 95 ومغشوش حتى وهو مغشوش حيوفى الحد الادنى لمتطلبات السيارة , اما لو بنزين 92 ومغشوش يبقى حننزل عن الحد الادنى لتشغيل السيارة والكلام دا انا شخصيا واجهته وانا بمون 92 .
على موضوع ان شركات السيارات بتحط فى حسابها موضوع غش وسوء الوقود موضوع معروف وشائع جدا .