اقتباس المشاركة الأصلية كتبت بواسطة amr2004ibm مشاهدة المشاركة
الواحد مش عارف يشكركم ازى احنا فعلا قسم متميز باعضائه وليهم حق الاقسام والمنتديات الاخرى تغير مننا
الموضوع جامد جدا ومليون شكر للاخ الكريم المهندس حسام الى فهمنا اصل الموضوع وقضى على شائعات كتيره وفتىىىىىىىىىىى اكتر من قبل الصنايعييييييه الجهلاء والف شكر لحبيبى احمد صاحب الموضوع ( ربنا يكرمك فى الامتحانات)
بس انا احب استغل الموضوع ده علشان نعمل موضوع تانى وهو عمل حصر للبنزينات الكويسه بناءا على تجارب الاعضاء وليس على اسم الشركات ويشمل هذا الحصر مصر كامله من العريش شرقا الى السلوم غربا ومن الاسكندريه شمالا وحتى حلايب وشلاتين جنوبا حتى يستفيد كل الاعضاء فى جميع المحافظات وخاصتا الكثيرى السفر فى انحاء مصر
وده بعد ما عرفنا من الكلام الجميل الى فات ان العيب مش فى البنزين العيب اما من البنزينه الى بتخزنه او من المستهلك الى مش عارف ايه الاوكتان المناسب لعربيته
انا هعمل الموضوع دلوقتى علشان الكل يستفاد من جه ونحارب الفساد و الغش التجارى من جه اخرى
والف شكر لجميع الاعضاء وتمنياتى لهم بتوفيق
فعلا يا عمرو باشا قسمنا ده قسم جميل ومتميز بصراحة الواحد مبيقدرش يفوت يوم ميشوفوش ..
حسام بيه بصراحة ربنا يكرمه .. عرفنا حاجات ماكناش هنعرفها ابدا ..
شكرا يا باشا على دعائك الجميل ده . أنا مش عارف من غيركم الواحد هيبقى عمل ازاي .
بالنسبة بقى لموضوع البنزينات لتعمله هنا في نفس الموضوع .. لتعمله لوحده ونحط اللينك هنا ويبقى بجد موضوع متكامل . شوف اللي يريحك . وربنا يجازيك خير