هل ممكن تحويل كرولا 93 لاوتوماتيك وباور؟

**mahmoud_9111** · 26-12-2011 05:36 AM

السلام عليكم ورحمة الله
فى البداية بشكر كل المشاركين فى المنتدى الرائع اللى فادنى كتير جدا وربنا يجازى كل الناس المحترمه اللى بتشارك خير على مساعدتهم.
انا عربيتى كرولا 93 تكيف وسنتر وعاوز اركبلها باور وفتيس اوتوماتيك.
ايه رايكم وايه نصايحكم فى الموضوع ده؟

**mahmoud_9111** · 29-12-2011 05:45 AM

هو الموضوع صعب اوى كده يا جماعه؟

**seadaelbeda** · 06-01-2012 03:01 PM

تحويلها ممكن لان عربيتى تويوتا 93 ومتركبلها فتيس اتوماتيك ومفيهاش بور وسالت عليه قالوا بيركب عادى بس نصيبحة شوف عربيه بور واتوماتيك اساسا ومتركبش لان هيكلفك

**mahmoud_9111** · 07-01-2012 05:42 AM

متشكر جدا لاهتمام حضرتك
بس انا بحب عربيتى لانها حالتها حلوه وفابريكه وكنت عاوز اعملها اوتوماتيك وباور.
تتكلف حوالى كم عشان تتعمل اوتوماتيك؟

**wawamoha** · 07-01-2012 02:21 PM

بص انا متاكد مليون في الميه انها تتعمل باور و يتركب فتيس اوتوماتيك
بس بصراحه مش متاكد عند مين .. و تتكلف كام
و رايي اه طبعا اعملها كطالما العربيه حلوه معاك

**mr_sameh** · 08-01-2012 02:42 AM

ممكن تعمل فيها كل حاجه تركب فتيس اتوماتيم وده بيحتاج تعديل بسيط في الكهرباء والفتيس في حدود 1500 جنيه تقريبا اما الباور هيكلف شويه لانك هتغير الاسكاترا وتجيب طرمبة باور وطاره مزدوجه وده هيكلف في حدود 2500 جنيه تقريبا

**moraba3** · 07-03-2012 03:52 PM

انا ماركبتش كرولا قبل كده. بس الفرق بين العادة و الاتوماتيك عموما بيبقي في الفتيس بالقواعد بتاعته و الردياتير و سربنتينة الفتيس و احيانا في بعض العربيات بتضطر تغير ضفيرة خاصة بالفتيس وبالنسبة لسيارات الدفع الخلفي (اللي ليها كرونة) بيغيروا عمود الكردان نظرا لاختلاف طول الفتيس و طبعا ده مالوش علاقة بيك لان عربيتك جر أمامي