كود كاسيت فيكترا b ؟

**Moe86** · 26-12-2011 05:30 AM

سلام عليكم,
أنا زميل من قسم فيات و محتاج مساعدتكوا
بطارية الفيكترا تعبت و لما إتغيرت الكاسيت (الأصلى) بطل يشتغل و شاشة المعلومات جابت التاريخ 01-01-1997 مع إن العربية 2001, و التاريخ ثابت مش بيتغير حتى !
تقريبا فى كود بيدخل بس أنا مش فاكر إية هو و بيدخل إزاى لأنها عربية الوالد و مش بسوقها كتير.
الحل إية ؟
تانى حاجة, فى علامة برتقالى كدة ظاهرة من زمان تحت التاريخ مش عارف إية معناها و الكاتلوج ضايع, ممكن تقولولى إية دى؟ هل ليها علاقة بالABS ؟ لأنه بايظ من سنين فى حادثة ( كنت دخلت بيها فى رصيف )
لو حبيت أصلح الABS بتاعها تمنه إستيراد كام تقريبا؟ لو الكونترول نفسه بايظ كمان, الليلة دى هتبقى كبيرة ولا إية ؟ أصل البونتو بتاعتى مافيهاش ABS فأنا مش فاهم قوى

شكرا مقدما

**Ahmed_lol2007** · 26-12-2011 08:36 AM

أولا أهلا بيك يا باشا منورنا والله ورجالة فيات حبايبنا
ثانيا بالنسبة للساعة فى زرارين فيها من فوق الزرارين دول اللى بتظبط منهم الساعة والتاريخ
بتفضل دايس ثانيتين 3 تقريبا على الزرار اللى ف الشمال تقريبا هتلاقى الارقام بقيت بتظهر وتختفى إبدا ظبط ساعتك وتاريخك بالزرار اليمين وتنقل بين الخانات بالزرار الشمال بردة
بالنسبة للكود بتاع الكاسيت لازم يكون عندك عشان تدخله وعموما كنت سامع إن فى برنامج بيجيب لك الكود عن طريق السيريال بتاع الجهاز والشباب بردة هتفيدك
ثالثا بالنسبة للمبة الى منورة ف الشاشة من تحت دى تخص تيل الفرامل ياريت تبص عليه لان كدة ياما التيل ضايع ياما حساس معلق
الabs زميلنا فادى كان مصلحه ف طنطا تقريبا من فترة وممكن يتغير بس السعر مش ثابت بداية من 500 الى 1000
ولو فى أى حاجة تانى إحنا موجودين ياباشا

**magdyelshikh** · 26-12-2011 06:25 PM

كود التسجيل مكتوب على التسجيل نفسه بس لازم تفكه وخلى بالك المحاولات الكتيرة بتضيع الفلاشه بتاعت
يعنى يالسلامه

**Mahmode** · 26-12-2011 06:40 PM

التوكيل ممكن يحللك موضوع الكود بس حياخد فلوس طبعا.

**tananybasha** · 26-12-2011 10:58 PM

انا هاتكلم على الكاسيت
لو دخل الكود 10 مرات غلط
يبقى شكراً
شيله و ارمية متصرفشى عليه

**Moe86** · 27-12-2011 04:21 AM

Ahmed_lol2007 الله يخليك يا باشا, أوبل فيهم ناس محترمين كتير برضو, أنا كنت فاكر الساعة مرتبطة بكود الكاسيت! و بالنسبة للتيل هبص عليه علشان ما إتغيرش من زمان فعلا

magdyelshikh حضرتك متأكد إنى لو فكيت الكاسيت هلاقى الكود عليه ؟ لما أدخل الكود أدخله على طول ولا أدوس على حاجة معينة الأول ؟

Mahmode ممكن, بس منصور دة ضايع, روحتلهم فى حوارات زمان و معرفوش يحلوها خالص

tananybasha طنانى باشا, شكرا للنصيحة و إنك نورت الموضوع

caboo_1 منتدى القرية الالكترونية شكله معقد أو غريب كدة! بس ممكن أحتاجه فعلا لو هجيب السيريال مثلا علشان يجيبولى الكود