عربيت والدي كانت هتتسرق وعايز انذار

**ecybrarian** · 27-12-2011 08:10 PM

المشاركة الأصلية كتبت بواسطة nice_bird

السلام عليكم
امبارح كنت قاعد مع اصحابي بنحكي علي سرقة العربيات عندنا في سوهاج المهم بعد ماروحنا نزلت كدا بعد الفجر اجيب حاجة من عربيتي (بركنها تحت البيت) وقولت ابص علي عربيت والدي (بتتركن عالطريق الرئيسي لان مفيش مكان تحت البيت) علشان هوا مسافر المهم لقيت اتنين بموتوسيكل ورا العربية شافوني ودورا الموتوسيكل وطلعوا (ملثمين ولابسين زي بعض وجوانتايت وشكلهم مريب) روحت لقيت العربية متشال عنها الغطا من ورا وشكلهم كا بيحاولو يفتحو الشنطة بس الحمد لله ربنا ستر وعايز اشتري انذار اركبو عالعربية ( لانسر هاف سبور) من غير ما ألغلي الريموت الاصلي ولا الايمبوليزر بتاع العربية وعايز اعرف ينفع ولا لأ وايه افضل نوع ومصنعية التركيب كام وكمان عايز اجيب قفل دواسات وعايز اعرف تمنو كام

بص ياباشا..في حاجة اسمها إنذار ابجريد upgrade..دي اجهزة إنذار يتعمل على السنرال لوك بتاع العربية..يعني بتسخدم ريموت العربية الأصلي..بس بتستفيد من حساس الصدمات shock sensor والسرينة وكدا يعني..عموما في نوع سباي spy upgrade جامد وسعره حنين

**د.محمود صلاح** · 27-12-2011 08:28 PM

ربنا يحفظهالك .. اعمل كل ما في وسعك لتامين السيارة

**tarekmomo** · 28-12-2011 12:08 AM

طالما والدك مسافر والعربية ما بتتحركش حطها فى جراج احسن

**hpxp** · 31-12-2011 12:10 AM

انا اتسرقت مني تويتا كورولا وكان فيها انذلر بس علي حظي المنيل عطل قبل سرقه العربيه باسبوع
حط انذار ويبقي رموت كمان علي الفابريقه
2- طالما العربيه بتتركن فترة طويله ياريت جنزير بس طويل شويه هتربط بيه الدريكسيون بالفتيس وممكن تعمل معاهم دواسه البنزين والفرامل وفي مقبض الكرسي من تحط وطبعا قفلين حلوين
3- مع كلابش الدريكسيون نام وانت مرتاح خلي باللك لازم الدريكسيون ينزل لتحت عايز تعرف ليه ابعتلي علي الخاص وانا تحت امرك
4- اهم جاجه في الانزار السرينه العاليه وياريت ميبقاش تحت الدريكسيون لانك اول ما بتدخل فصلته شكراا

**hpxp** · 31-12-2011 12:10 AM

+اقفل الدركسيون

**ls1090** · 31-12-2011 01:38 AM

ركب انزار upgrade على ريموت العربية الاصلى بس هات نوع اسمه gemini ايطالى لان spy
و wolf Symphony فشلة فى الانذار upgrade
شوف الموضوع ده
http://www.nilemotors.net/Nile/261638-upgrade.html