عرض للطباعة
السلام عليكم ورحمة الله وبركاته
النهاردة الصبح بفتحح العربية لقيت الدواية تحت الركسي كلها اسفنج من بتاع الكرسي وعلامت ارجل على الطابلوة وكمان اعزكم الله روث العرسه .
طبعا حاجة فى منتهى القذارة وكمان تخريب الكرسي من اسفل ده يا ترى منين ممكن تدخل الايبيزا او اتعامل معها ازاى ؟
تحياتى لحضراتكم ،،
ب 2 جنيه شيح من عند اي عطار وترشه في جميع انحاء شنطة العربية او اي مكان ممكن تدخل منه والمشكله هتنتهي ان شاء الله
فعلا اكتر مكان مفتوح ممكن تدخل منه عرسة هو الشنطة من تحت الأستبن
والله المستعان
،
،
الله يبارك فيكم يا شباب وجزاكم الله كل الخير انا قمت بتنظيف السيارة جيدأ وقمت برش مادة اسمها ملاثيون .
بس يا ترى موضوع الشيح ده اكيد انا الى اعرفه ان الثعابين هى الى بيطردها الشيح هل فعلاً بيجيب نتيجة مع العرسة ؟
لو فعلا كده انا اصلا عندى كمية محترمة من الشيح فى البيت لسة كنت جايب بـ 5 جنية وطلعت كمية كبيرة اوى هقوم برش شوية فى الشنطة وصدر العربية من ناحية التابلوه وربنا يكرم ويا ريت يا باشا تقولى على فاعلية الشيح مع العرسة هل حضرتك مجربها ؟
طيب واثار الريحة بتاعتها ده تروح باية ولا بعد قد اية انا غسلت موكيت الارضية بفرشة البلاط والصابون السائل ؟
وجزاكم الله كل الخير ،،
في انتظار النتيجة
وربنا يوفقك
والله يا جماعه انا رشيت شيح بس تانى يوم برده دخلت المهم شيلت الاستبن لقيت طبطين مفتوحين تحت الاستبن وواحده تالته مقفولة قفلتهم بحتتين جلد وكوللا وبعد كده حطيط كرتونه عليهم ورجعت الاسبن والحمد لله عدى يومين من غير اى هجوم .
تحياتي للجميع وارجو ان كل واد يشوف الموضوع ده يتاكد من الفتحات ده علشان يتقي شرها وربنا يبعد مثل هذة الاشياء عنا وعنكم ان شاء الله ....
وكل عام وانت بخير ،،
طب الحمد لله انها جت علي قد كدة
وربنا يبعد عننا هذه الضيوف
والله المستعان
،
،
وانا من الأول قولتلك علي موضوع الأستبن دة
أسمع يا سيدي القول الفصل :
1 - انا لما اشتريت عربيتي كان فيها نفس المشكله دي شويه فضلات عرسه و شويه عضم سمك و ريحه بقى مقولاكش لدرجة اني مره قرفت من العربيه وديتها كار كير و دفعت مبلغ محترم في الصالون بس و تاني يوم الصبح نفس الفيلم لما جالي تبول لا أرادي من الموضوع ده
2 - رحت لكذا واحد عشان المشكله دي كل واحد يجيبلك شوية كله و لباد و يفضل يلزق في اماكن متفرقه من الحوض مفيش فايده
3 - الفضيحه الكبرى بقى كنت خارج من الشغل و الموظفين كلهم امام الشركه و كله بيركب عربيته و وكنت بوصل 3 زملائي معايا 2 رجاله و واحد ست و طبعا الست هاتركب جنبي و لسه بنركب و زميلتي بتحط رجلها جوه العربيه و هوووووووووب رقعت بالصوت الحياني لأنها لقت العرسه جريت من فوق رجلها و جري في مكان خفي و على الشارع و طبعا الشركه كلها اتلمت و في أيه و ايه اللي حصل و اخوكم بقى واقف في نص هدومه أصلها مش ناقصه العرس كمان
4 - المشكله دي كانت سبب معرفتي بالكهربائي الأسطوره زكريا الهواري وهو اللي حل المشكله
5 - أيه بقى المشكله قنطرة العربيه راكب عليها علبة الدركسيون و في جوينت طالع من العلبه الي القطمه الجوينت ده و محدش يفهمني غلط في موضوع الجوينت متغطي بعلبه بلاستيك خارجه من الحوض الي العلبه و وظيفتها تمنع دخول المياه و الهواء و التراب الي الصالون بس في فروق بسيطه تدخل عرسه لو بصيت بقى من الناحيه التانيه يعني من جوه العربيه تحت التابلوه هتلاقي القطمه خارجه من خرم في جسم العربيه الي العلبه في بقى كاوتشه بتسد الفتحه دي و الكاوتشه مش موجوده عند حضرتك و هي دي السبب
6 - اما موضوع الشيح او غيره فده مش حل لأن معنى كده ان العرسه تدخل فالريحه تدايقها فتخرج على طول طب ينفع الكلام ده ؟ و هيه عادة بتدخل معاها حاجه مقرفه بتاكلها
و ربنا يكون في عونك و انا حاسس بيك واسال مجرب
السلام عليكم
انا هحكيلك على تجربتى مع العرسة كانت مبهدلة الصالون بتاع العربية و غير انها بتعمل ريحة كريهة جدا عفانة اكتر من الشراب الى اتلبس على بيادة لمدة شهر حاجة مقرفة بجد سورى قرفتكو بس ربنا هدانى ان كان عندى نوع من الكولة بتستخدم فى صيد القوارض زى الفران ودى كنت جايبها من برا مش عارف موجودة هنا ولا لا دى عاملة زى انوبة الكلا بتاعت التنجيد والجزم بس ما بتنشفش بتفضل طرية ولزجة لزوجة عالية لمدة شهر بتتفرد على كرتونة او قطعة ابلاكاش 20 فى 20 سنتى وحطيطها فى دواسة العربية تانى يوم لاقيتها مشرفة وبعدها مافيش واحدة دخلت العربية بفضل الله .
عند سعاتك ثلات اختيارات :
1 - تعمل زى ما عملت بس تسائل علي الكولة دى عند بتوع المبيدات
2 - تجيب سم فران على شكل حبوب قمح وتحطة فى مكان انتا عارفة فى يوم اجازة وتسيبة تلنى يوم وبعد كدة تنضفة عشان لو فى اطفال ربنا يحميهم يارب ودا بيعمل سيولة شديدة فى الدم ممكن تموت داخل العربية وممكن خارجها دا بالنسبة للعرسة او الفران طبعا .
3 - تجيب مصيدة عرسة ودى زى مصيدة الفران بس اكبر شوية وتحط فيها عضم سمك او جبة رومى وتسيبها فى العربية وان شاء الله هاتتصطادها ولازم لازم ما تموتش العرسة داحل المصيدة بطريقة ان دمها يلوث المصيدة دا هايخلى المصيدة ما ينفعش تصطاد بيها حاجة تانية خالص اتزفرت يعنى احسن حل انك تجيب جردل كبير وتملاة ميا وتغرق المدعؤة فية لحد ما تلفظ انفاسها الاخيرة باسفكسيا الخنق ولا عزاء للعرس ودمتم سالمين ........
والسلام عليكم ورحمة الله وبركاتة
انا استحرم اموتها هطلقها تاني في غيرها كتير مش هنبيدهم يعني مربنا خلقهم لغرض هي دخلت منين دي المشكلة ,,المنطقة عندنا فمصرالجديدة في عرس بالليل بشوفها بتحوم ولا دخلت جوه العربية ولا حاجة الحمدلله
رقم 5 الكوتشة دي انا عارفها وممكن اصورها من الحوض لأنها بتبقي باينة لكن العلبة البلاستيك ممكن تصورها لو هي باينة من الحوض وهي بتبوظ ولا بتتكسرولا ايه جزاك الله خيراقتباس:
المشاركة الأصلية كتبت بواسطة agaty1st
دي يا باشا مكانها تحت التابلوه و بتسد الخرم اللي بتعدي منه القطمه لحد علبة الدركسيون و هاصورهالك ان شاء اللهاقتباس:
المشاركة الأصلية كتبت بواسطة windsofchange
ربنا يباركلك يا اجاتي بس معني كده انك هتفك التابلوه علشان تصورها ؟اقتباس:
المشاركة الأصلية كتبت بواسطة agaty1st
*الكاوتشة عندي (الكاوتشة دي عاملة زي البوق يعني قد كف اليد او اكبر شويه)شكلها من الحوض سليم لكن لما تبص عليها من جوه العربية تحت علبة الفيوزات فيها اخرام يعني تتغير او تتلحم اضافة صغيرة من عندي
هههههههههههههاقتباس:
المشاركة الأصلية كتبت بواسطة windsofchange
هفك التابلوه ازاي يا كبير عشان اصورها دي مكانها بين دواسة البنزين و الفرامل او الفرامل و الدبرياج يعني انتا لو بصيت تحت التابلوه هاتلقيها
اقصد تصورلي العلبة البلاستيك
الله ينور يا رجاله وعلى التفاعل الجميل واحلى حاجة الصدمة بعد ما رجعت من الكار كير ولقيتها تانى يوم وجابتلك تبول لا ارادى انا ميت على روحى من الضحك لحد دلوقتى لان ده كان بيكون نفس الشعرو الى عندى وانا بشيل غطاء العربية وبفتحها ، اما بخصوصي انا الحمد لله الى الان لم تدخل العربية والحمد لله وربنا يبعدها عن عربيتى وعربياتكم جميعاً اعتقد ان كانت مشكلتى فى فتحات الاستبن فعلا يا ا/ syd
اقتباس:
المشاركة الأصلية كتبت بواسطة egman
هذا من فضل ربي