الموضوع: عندى ضيف من القوارض فى العربية (عرسه) اعمل اية

السلام عليكم ورحمة الله وبركاته

النهاردة الصبح بفتحح العربية لقيت الدواية تحت الركسي كلها اسفنج من بتاع الكرسي وعلامت ارجل على الطابلوة وكمان اعزكم الله روث العرسه .

طبعا حاجة فى منتهى القذارة وكمان تخريب الكرسي من اسفل ده يا ترى منين ممكن تدخل الايبيزا او اتعامل معها ازاى ؟

تحياتى لحضراتكم ،،

السلام عليكم
انا هحكيلك على تجربتى مع العرسة كانت مبهدلة الصالون بتاع العربية و غير انها بتعمل ريحة كريهة جدا عفانة اكتر من الشراب الى اتلبس على بيادة لمدة شهر حاجة مقرفة بجد سورى قرفتكو بس ربنا هدانى ان كان عندى نوع من الكولة بتستخدم فى صيد القوارض زى الفران ودى كنت جايبها من برا مش عارف موجودة هنا ولا لا دى عاملة زى انوبة الكلا بتاعت التنجيد والجزم بس ما بتنشفش بتفضل طرية ولزجة لزوجة عالية لمدة شهر بتتفرد على كرتونة او قطعة ابلاكاش 20 فى 20 سنتى وحطيطها فى دواسة العربية تانى يوم لاقيتها مشرفة وبعدها مافيش واحدة دخلت العربية بفضل الله .
عند سعاتك ثلات اختيارات :
1 - تعمل زى ما عملت بس تسائل علي الكولة دى عند بتوع المبيدات
2 - تجيب سم فران على شكل حبوب قمح وتحطة فى مكان انتا عارفة فى يوم اجازة وتسيبة تلنى يوم وبعد كدة تنضفة عشان لو فى اطفال ربنا يحميهم يارب ودا بيعمل سيولة شديدة فى الدم ممكن تموت داخل العربية وممكن خارجها دا بالنسبة للعرسة او الفران طبعا .
3 - تجيب مصيدة عرسة ودى زى مصيدة الفران بس اكبر شوية وتحط فيها عضم سمك او جبة رومى وتسيبها فى العربية وان شاء الله هاتتصطادها ولازم لازم ما تموتش العرسة داحل المصيدة بطريقة ان دمها يلوث المصيدة دا هايخلى المصيدة ما ينفعش تصطاد بيها حاجة تانية خالص اتزفرت يعنى احسن حل انك تجيب جردل كبير وتملاة ميا وتغرق المدعؤة فية لحد ما تلفظ انفاسها الاخيرة باسفكسيا الخنق ولا عزاء للعرس ودمتم سالمين ........
والسلام عليكم ورحمة الله وبركاتة