الموضوع: تغير الضفيرة وصيانة الخامسة والعشرين باوتو ايجيبت

السلام عليكم
طبعا انا من الناس المنحوسة والطلع عندهم مشكلة ضفيرة الكهرباء ،
المشكلة هي ان الار بي ام بيعلق في بعض الاوقات علي 2 والمشكلة دي مكانش ظاهرة في البداية وظهرت بعد صيانة 5000 الاف. وبدأت تزيد قبل 10000.

روحت السبع وقولتلهم عليها المهندس كاتبها في امر الشغل وقالي غير متوافرة الان ولازم ونجبها من المصنع استنيت ان حد يكلمني من السبع ابدا

كلمت السبع و روحت عملت صيانة العشرين وقولتله تاني علي الضفيرة وان محدش كلمني قال انهم بطلوا يغيروها غير بعد ما يتتأكدوا انها بايظة تماما

وقال انهم هيعملوا ريسيت لكمبيوتر و هيظبطوا حاجات فيها وهتاخد مش اقل من 3 ساعات وفعلا رجعت اخدها اخر اليوم وفعل الضفيرة بطلت تعلق---- بس ----

بعد ما عملت بالعربية. الف كيلو رجعت تعلق تاني وبدأت يزيد التعليق

بصراحة اتخنقت ----- لغاية ---

لما عملنا المقابلة السابعة لقسم نيسان وماكنتش هروح وروحت بالصدفة
لاقتهم عاملين اجتماع لشركة اوتو ايجيبت واكلموا علي موضوع الضفيرة وانهم بيغيروا لو ظهرت عند حد

وكان موجود في المقابلة المهندس/ احمد الرزاز. (مدير الصيانة باوتو ايجيبت) روحت كلمته وقولتله علي المشكلة الضفيرة واني روحت السبع وبرضه مااتصلحتش

تفضل المهندس احمد مشكورا واداني الكارت الخاص به وقالي كلمني تاني يوم

كلمته وراح حاجزلي معاد علشان يشوف المشكلة وفعلا طلع عندي الضفيرة محتاجة تغير

قالي بكرة هتكون موجودة كلمته تاني يوم قالي هي وصلت متاخرة بس المهم انها جت قولتله بكرة هكون عندك الصبح

بصدفة بكلم الاستاذ احمد مصطفي طلع رايح هو ومجموعة من المنتدي

وصلت الساعة 9 وقابلت المهنس / احمد الرزاز و المهندس /محمد الرفاعي الي استلم مني العربي. و دخلوا العربية علي طول وبداء الشغل فيها علي طول
وعلي الساعة واحدة كانت خلصت

كلمت المهندس/ محمد رفاعي وطلب منه ان اعمل صيانة ال 25000 الف وترصيص الكاوتش وفعلا بعد نص ساعة دخلت عملت الصيانة وكنت بتفرج عليها من الزجاج الخارجي بغرفة الانتظار

وبصراحة ناس حافظين العربية وشغل احتراف جامد جدا فيها

بعد ساعة العربية كانت جاهزة ومغسولة والمهندس /محمد قالي تعالي نجرب

وبعد ماجربتها روحت ادفع الفاتورة لاقتها 86 جنية تمن الترصيص + الضريبة

مش هقدر اقول غير ان اوتوا ايجيبت ناس محترمين جدا وفعلا شغل احتراف جامد


وطبعا كل الشكر لمهندس/ احمد الرزاز اللي اهتم وكان بيتابعني

وللمهندس / محمد الرفاعي اللي كان واقف معايا خطوة خطوة ويتأكد ان العربية تمام

وكمان الاستاذ / احمد مصطفي شكر كبير جدا ليه لانه فضل معايا لغاية لما خلصت العربية خالص وجربتها وكان واقف مع الناس التانية وبيشوف كل واحد حل مشكلته ولا لأ

...وشكرا...0