الموضوع: تم إصلاح عفشة الميجان بمساعدة استاذنا العقيد خالد

المشاركة الأصلية كتبت بواسطة abo_abdullah

السلام عليكم ورحمة الله وبركاته

جزا الله خيرا استاذنا سيادة العقيد خالد الذي تشرفت وقمت بالإتصال به ليساعدني ويدلني على راجل بتاع عفشة ليكشف على العربية (ميجان موديل 2006 ملحق 2007)

الحقيقة مثلما ذكر الأحباب في المنتدى فهو خدوم جدا وفعلا تشرفت بالجلوس والكلام معه ومعرفته والحمد لله .
للعلم أثناء عمل آخر صيانة قالوا لي إن علبة الدركسيون عايزة تتغير وسعرها 2300 جنيه في التوكيل وسألت خارج التوكيل كانت بـ 1700

طبعا مغيرتش حاجه وصوت الدربكه مع الوقت زاد مع ظهور صوت خشونه في العجلة الشمال (بلي العجل)
لن أطيل ، تم الكشف على السيارة بواسطة صنايعي العفشة من طرف سيادة العقيد خالد وقال لي اشتري الآتي:

1- طقم مقصات أمامي (اشتريته من مصر الجديدة وكان تركي بـ 430 جنيه والأصلي كان الواحد بـ 900)
2- طقم بارات داخلي وخارجي (من نفس المحل وكانوا تركي أيضا وعملوا 240 جنيه)
3-طقم تيش أمامي أو مسمار ميزان ودول رجعتهم تاني عشان كانوا أطول من اللي راكب وتم تصليح القديم على امنجله (سعرهم للعلم كان 100 جنيه)
4- أخيرا عدد واحد بللي عجل snr فرنساوي بسعر 250 جنيه

الصنايعي ماشاء الله عارف كان بيعمل إيه وقام بتصليح ما كان في علبة الدركسيون بعد فك كل شيء كما قام بإرسال الطنابير الأمامية للخراط بالمرة لإزالة التعريجات (تكلفة خراطه 60 جنيه شاملة تركيب بللي العجل ايضا)

وفي النهاية تم ضبط الزوايا عند بتاع الزوايا بـ 25 جنيه والفرق بعد كل ده كان واضح جدا جدا عند تجربة العربية
العربية رجعت أحسن من الأول (اصلي كنت شاريحا وفيها صوت دربكه خفيف) ماسكه نفسها وانعم كتير ولا صوت ابدا

اللهم إلا صوت التزييق بتاع كاوتش الباب اللي مجنني (بفكر اشتري اسبراي يطري الكاوتش - لما غسلت العربية وتم غسل الكاوتش والمفصلات الصوت راح لمدة يوم ونصف للأسف)

طبعا تم إرجاع طقم التيش الأمامي واستبداله بطقم تيل فرامل امامي عشان الصنايعي نصحني اشتريه واسيبه في الشنطة لإحتمالية تغييرة قريبا (سعر التيل كان 190 جنيه - اظنه اسباني على ما اذكر)

جزاك الله خيرا يا سيادة العقيد خالد ولا حرما الله منك

ألف مبروك و ربنا إن شاء الله يبارك لحضرتك فيها و تتمتع بالعربية في الخير دايما

و صدقني و الله ما عملتش غير إللي ربنا مَنْ عليا بيه لحضرتك و كل إخواني في المنتدى .

جازاك الله عني كل خير إن شاء الله و فعلا شَرُفت بمقابلة حضرتك .

المشاركة الأصلية كتبت بواسطة shiref_mohamed

الف مبروك على الشغل وربنا يباركلك في العربية
وديه عادة العقيد خالد راجل محترم جداً وخدوم لأقصى درجه وكمان مقابلته حلوه

ده تَعَوّد إكتسبته من معاشرتي للوحوش .

المشاركة الأصلية كتبت بواسطة ecybrarian

العقيد خالد دا كبيرنا..على فكرة لو رشت بودرة تلك (-: بفتح التاء :-) على كاوتش الابواب هاتحس بفرق..حصلت معي..مش عارف لماذا؟؟ لكن انا اعرف انهم بيحطوا بودرة تلك على شنبر (داخلي) الكاوتش..لكن كاوتش الباب دا كان جديد علي..بس نفعت

العفو يا د. هشام .... ممكن كبير سناً فقط إنما كلكم مقامكم أكبر .

المشاركة الأصلية كتبت بواسطة nemo2000x

ما شاء الله ربنا يبارك لأمثال العقيد خالد

الله يعزك و يبارك لك يا فندم .