مشكلة عندى ومحتاج لحل

**Khaled Online** · 26-12-2011 05:03 PM

المشاركة الأصلية كتبت بواسطة mr_megahed

خايف اروح اطالب بحقى معرفش اخده ومديرى من النوع اللى لا بيقدم ولا ياخر مع رؤساؤه يعنى ممكن ياخد منى الكلام ولو هو كويس هيسكت وخلاص ولو حاجة تانية ممكن يعملى اى مشكلة ويقول انى مش عاجبنى الشغل وكده وانى بتمرد عشان موضو ع التكريم الواحد متزوج وعنده بيت واسرة ومش عايز اعمل مشاكل وانت عارف لما الواحد يبقى فيه حاجة مربوطة فى رقبته ومسئولة منه بيستحمل لحد ايه فكرت ان اروح واتكلم معاه واقوله ان اتنين جايين بعد منى واحد مرتبه زى والتانى اعلى منى وخبرته كانت اقل شوية بحاول اصبر نفسي وادور على شغل تانى وساعات بقول لنفسي ده حقى ولازم اطالب بيه انا مش بطلب حاجة مش من حقى بصراحة احترت

يا أستاذ مجاهد هأكد تاني وتالت وعاشر، لازم حضرتك تتكلم. مفيش أصل احتمال، أصل يمكن، أصل هو ده اللي موجود. كل ده كلام أقوله لنفسي لما أكون استنفدت كل السبل الممكنة مع مديري وميديرينه هو كمان وبرضه مفيش فايدة. وعلى فكرة طول ما حضرتك مش واخد حقك هتبقى متضايق من جواك، أنا مجرب وعارف
لازم تتكلم يا أفندم. عشان حقك وعشان كمان ده حق أسرة حضرتك عليك

ربنا يقويك ووالله أنا متضايق من كل مدير يعمل أزمة كدة من غير داعي ويظلم
هما الناس دي مش حاسة باللي حواليها خالص كدة؟؟؟!

**المنسي** · 26-12-2011 05:18 PM

لا يافندم الناس دى مش بتحس ان الواحد مننا بيبقى فى عرض جنيه مش ليه ده عشان خاطر اللى ملزومين منه

**أبو إياد** · 26-12-2011 05:28 PM

المشاركة الأصلية كتبت بواسطة Honda4ever

يا أستاذ مجاهد هأكد تاني وتالت وعاشر، لازم حضرتك تتكلم. مفيش أصل احتمال، أصل يمكن، أصل هو ده اللي موجود. كل ده كلام أقوله لنفسي لما أكون استنفدت كل السبل الممكنة مع مديري وميديرينه هو كمان وبرضه مفيش فايدة. وعلى فكرة طول ما حضرتك مش واخد حقك هتبقى متضايق من جواك، أنا مجرب وعارف
لازم تتكلم يا أفندم. عشان حقك وعشان كمان ده حق أسرة حضرتك عليك

ربنا يقويك ووالله أنا متضايق من كل مدير يعمل أزمة كدة من غير داعي ويظلم
هما الناس دي مش حاسة باللي حواليها خالص كدة؟؟؟!

على فكره انا مش معاك لان من كلامه استشفيت ان المدير بتاعه مش هايقدم ولا هاياخر هابسطهالك بمثال

انا مثلا عاوز انقل اداره تانيه لازم اجيب موافقه مديرى هانفترض ان مديرى رفض عارف ساعتها انا هايكون وضعى ايه ؟

نفس الكلام هايشتكى ومش هايعرف ياخد حقه بالعكس هايكون حط نفسه فى مازق مع مديره وهايشرب كتيررررررررررررر
فى ايه اكتر من ان مديرتى استنجدت بيا علشان اتحطت فى مشكله مع النائب وبفضل الله دخلتله وفهمته الموقف وخلصت الموضوع ورغم ده كله الهانم مش بترضى تعملى ولا اذن ولا اجازه واقسم بالله مافيش مكافاه بتكتب اسمى فيها
ومن ضمن المرات لقيت اسمى مكتوب كعضو فى مشروع سالت مين كتب اسمى قالولى هى اللى كتبته دخلتلها وباقولها على فكره انا كنت عضو فى اخر مشروع ازاى انضم للمشروع الجديد قالتلى باستغراب ومين كتبك هنا قولتلها مش عارف ع العموم ربنا ينتقم منه

تسوى ايه لما تكدب عليا والله العظيم اى شغل يجيلى كنت باقولها مش فاضى وماتحوليش ليا شغل علشان انا فى مشغول فى المشروع الفلانى بتسكت هاتعمل ايه ياعنى ادى عينه من المديرين

والبهوات اللى معايا شغل 3 ورقات واجازات وماموريات ومكافات على ودنه بس انا مابعرفش انافق والحمد لله

**المنسي** · 26-12-2011 05:35 PM

انا توهت خلاص مش عارف اعمل ايه يعني ادخل واتكلم واطلب بحقى وبدل ما اكحلها اعميها ولا افوض امرى لله الواحد مش عارف والله الناس دى ليه بتبقي عاملة كده غالبا ناس معقدين نفسيا

**أبو إياد** · 27-12-2011 07:52 AM

المشاركة الأصلية كتبت بواسطة mr_megahed

انا توهت خلاص مش عارف اعمل ايه يعني ادخل واتكلم واطلب بحقى وبدل ما اكحلها اعميها ولا افوض امرى لله الواحد مش عارف والله الناس دى ليه بتبقي عاملة كده غالبا ناس معقدين نفسيا

هى شويه عقد على عدم معرفه ياعنى على ما وصل لمدير كل اللى تحته بقا عنده درايه اكتر منه بكل الجديد بس طبعا فى ناس محترمه وكويسه بس ما باتعيش هتلاقى اللى بيحاربها وبينجحوا فى انهم يقضوا عليه وشوفت من ده كتيررررر

**المنسي** · 27-12-2011 04:10 PM

المشاركة الأصلية كتبت بواسطة محمد عز

طالما مش هتعرف تجيب حقك او تظبط وضعك فى الشركة

دور على شغل واول ما تلاقى فرصة كويسة

قدم استقالة ، اتفاوضوا معاك واديولك المرتب اللى انت عاوزه ...كان بها

وتقعد فى الشغل مستريح نفسيا

رفضوا ، توكل على الله وروح الشغل الجديد

رايك يا استاذ محمد يحترم جدا بس الكلام ده على ارض الواقع وفى ظل الظروف اللى البلد فيها دلوقتى انهم يتفاوضو والكلام ده خلاص مبقاش موجود عايز تمشي اتفضل وادينا وفرنا واحد بقرشين ونجيب واحد تانى بقرش على العموم انا بدور على شغل تانى وربنا يكرم مكانش هاستحمل لحد مامشى وده اخر حاجة توصلت اليها