وقفت فى كمين فى التجمع الخامس
السلام عليكم و رحمة الله و بركاته
النهاردة كان عندى مشوار فى التجمع الخامس و هوب لقيت نفسى قدام كمين قولت اعمل نفسك ناصح و افتح الشبابيك كلها عشان الفاميه :coolio: بس الظابط طلع انصح منى و قالى ارفع الشبابيك فقلتله فاميه :oops1: فقالى اركن على جمب خد الرخص و بص فيها لقاها سليمة و كله تمام .. فقالى هاتشيله ولا ايه قلتله انا هشيله .. و انا كنت فعلا ناوى اشيله عشان خلاص الشتاء بدء و مبقاش ليه لزمة .. ففعلا وقفت على جنب و قاعد بشيله و هو كل ده الرخص معاه طبعا وواقف فى الكمين فلقيته بعد دقيقة كده جيه و ادانى الرخص و قالى انا داخل اصلى و مش عايز اعطلك فهديك الرخص بس توعدنى انك تشيله ولا ايه فقلتله انا بشيله فعلا و فعلا الراجل دخل يصلى و طبعا العساكر كانوا لسه واقفين و وقفت كملت شيل فاميه من الـ 4 شبابيك و بعدين قومت واخد نفسى و ماشى و طبعا الرخص معايا خلاص
طبعا انا معنديش اى مشكلة انى اشيل المخالفة طلاما التعامل كان بالذوق و اتمنى ان هم فعلا يقفوا ضد كل المخالفات كده و يتعاملوا مع الناس بالذوق
بس السؤال اللى قالقنى هل فى الوقت اللى كنت انا بشيل فيه الفاميه ممكن يكون كتبلى مخالفة كده ولا كده و لا ايه النظام ؟ اصل بصراحة يعنى من كلام الناس متعودتش ان الظباط يبقوا ذوق كده
و شكرا