الموضوع: وقفت فى كمين فى التجمع الخامس

السلام عليكم و رحمة الله و بركاته

النهاردة كان عندى مشوار فى التجمع الخامس و هوب لقيت نفسى قدام كمين قولت اعمل نفسك ناصح و افتح الشبابيك كلها عشان الفاميه بس الظابط طلع انصح منى و قالى ارفع الشبابيك فقلتله فاميه فقالى اركن على جمب خد الرخص و بص فيها لقاها سليمة و كله تمام .. فقالى هاتشيله ولا ايه قلتله انا هشيله .. و انا كنت فعلا ناوى اشيله عشان خلاص الشتاء بدء و مبقاش ليه لزمة .. ففعلا وقفت على جنب و قاعد بشيله و هو كل ده الرخص معاه طبعا وواقف فى الكمين فلقيته بعد دقيقة كده جيه و ادانى الرخص و قالى انا داخل اصلى و مش عايز اعطلك فهديك الرخص بس توعدنى انك تشيله ولا ايه فقلتله انا بشيله فعلا و فعلا الراجل دخل يصلى و طبعا العساكر كانوا لسه واقفين و وقفت كملت شيل فاميه من الـ 4 شبابيك و بعدين قومت واخد نفسى و ماشى و طبعا الرخص معايا خلاص

طبعا انا معنديش اى مشكلة انى اشيل المخالفة طلاما التعامل كان بالذوق و اتمنى ان هم فعلا يقفوا ضد كل المخالفات كده و يتعاملوا مع الناس بالذوق

بس السؤال اللى قالقنى هل فى الوقت اللى كنت انا بشيل فيه الفاميه ممكن يكون كتبلى مخالفة كده ولا كده و لا ايه النظام ؟ اصل بصراحة يعنى من كلام الناس متعودتش ان الظباط يبقوا ذوق كده

و شكرا

المشاركة الأصلية كتبت بواسطة محمد الجرجاوي

لو كان عايز يديك مخالفة مكنش اداك الرخص من اساسه وانت اكيد بردوا كلمتوا بزوق عشان كدا هو كان زوق معاك

ما هو ده اللى مطمنى انه لو كان عايز يعمل معايا حاجة كان هيعمل و حقه و قانونى

فعلا انا اتعاملت معاه طبيعى خالص و لما قالى افتح الازاز قلتله فاميه و العربية كلها فاميه و ركنت على جنب و لما رحتله قلتله هشيله كله و بدأت اشيله فعلا كله على جنب

و يا ريت الكل يبقى محترم فعلا الدنيا تمشى بسلام و أمان

و شكرا يا باشا على المرور